Վրաստանի վարչապետը վարակվել է կորոնավիրուսով
02/11/2020 21:19
Նմանատիպ
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: Վրաստանի վարչապետ Գեորգի Գախարիան վարակվել է կորոնավիրուսով: Ինչպես տեղեկացնում է «Արմենպրես»-ը, վկայակոչելով ՏԱՍՍ-ը, այս մասին հայտնում է Վրաստանի կառավարության լրատվական ծառայությունը:
Ավելի վաղ, Գեորգի Գախարիան կորոնավիրուսով վարակված իր աշխատակցի հետ կապ ունենալու պատճառով ինքնամեկուսացվել էր:
Վրաստանում առ այսօր կորոնավիրուսով վարակվել է 40 727 մարդ։ Վերջին 24 ժամում Վրաստանում կորոնավիրուսից մահացել է 28 պացիենտ, ընդհանուր առմամբ առ այսօր երկրում կորոնավիրուսից մահացել է 335 մարդ։
Հետևեք մեզ նաև Telegram-ում