Գաբրիել Բալայանն ազատվել է ՊՆ փոխնախարարի պաշտոնից
23/11/2020 15:30
Նմանատիպ
ԵՐԵՎԱՆ, 23 ՆՈՅԵՄԲԵՐԻ, Tert.am: 44-օրյա պատերազմի ընթացքում անհետ կորած զինծառայողների ծնողները այսօր կրկին այցելել էին Պաշտպանության նախարարություն և խնդրում էին տվյալներ հայտնել իրենց որդիների մասին:
Այնտեղ էր նաև ԱԺ պաշտպանության հարցերով հանձնաժողովի նախագահ Անդրանիկ Քոչարյանը, ով ասաց, որ Պաշտպանության նորանշանական նախարարն ու փոխնախարարը զբաղվում են այդ հարցով, նախորդները ևս զբաղվել են:
Ծնողներից մեկի դիտարկմանը, թե պաշտպանության փոխնախարար Գաբրիել Բալայանին հայտնել են խնդրի մասին, Անդրանիկ Քոչարյանն ասաց, որ նա ազատվել է փոխնախարարի պաշտոնից. «Բալայանն ազատվել է պաշտոնից, նա այլևս չի աշխատում»:
Նշենք, որ Գաբրիել Բալայանից լուրը ճշտել չհաջողվեց, նա հեռախոսազանգերին և հաղորդագրություններին չի պատասխանում:
Հետևեք մեզ նաև Telegram-ում