AM | RU
USD
EUR
RUB

Ֆրանսիայի հայերը նույնպես գտնվում են թուրքական վտանգի տակ. Le Figaro

 

ԵՐԵՎԱՆ, 24 ՆՈՅԵՄԲԵՐԻ, Tert.amՖրանսիական Le Figaro պարբերականն անդրադարձել է Ֆրանսիայում ապրող հայերին և թուրքերի կողմից նրանց սպառնացող վտանգին:

Հոդվածում նշվում է, որ Ֆրանսիայում ապրող 600 000 հայերը, որոնցից 400 000-ը ծնվել են Ֆրանսիայում, այժմ դառը փորձ են ապրում:

Այո, նրանց նախնիները այստեղ են եկել հարյուր տարի առաջ՝ 1915-ի Ցեղասպանությունից խուսափելու համար, և նրանք ինտեգրման և ձուլման օրինակ են: Սա, սակայն, չի վերաբերում բոլոր ներգաղթյալներին: Ֆրանսիայում ապրում Է նաև 600 000 - 800 000 թուրք (նրանց կեսն ունի Ֆրանսիայի քաղաքացիություն), նրանց ճնշող մեծամասնությունը աջակցել է Ռեջեփ Թայիփ Էրդողանին 2018-ի նախագահական ընտրություններում, նրանք գրեթե բոլորը մահմեդականներ են: Ըստ Ռուան-Նորմանդիայի համալսարանի պրոֆեսոր Մեհմեթ-Ալի Աքընջըի հոդվածի՝ այս համայնքի ինքնությունը (Գերմանիայից հետո Եվրոպայում երկրորդը մեծությամբ) կառուցվում է այնպիսի արժեքների շուրջ, ինչպիսիք են կրոնը, ազգայնականությունը և հայրենիքի հանդեպ կարոտախտը:

Լիոնի արվարձանում տեղի ունեցած բռնությունների դեպքերը

Լեռնային Ղարաբաղում երկրորդ պատերազմը, որն Ադրբեջանը սկսել էր սեպտեմբերի 27-ին և այդ հարցում վայելում էր Անկարայի աջակցությունը, առիթ է հանդիսացել առավել ֆանատիկ թուրքերի համար հակամարտությունը Ֆրանսիա տեղափոխելու համար: Նրանց դեմ քիչ արգելքներ կան, քանի որ նրանց առաջնորդը պարբերաբար վիրավորում է Էմանուել Մակրոնին և կարգադրում բոյկոտել Ֆրանսիայում արտադրվող ապրանքները:

Բռնության ամենադաժան դեպքերը տեղի են ունեցել հոկտեմբերի վերջին Լիոնի արվարձաններում, որտեղ երկու համայնքները (յուրաքանչյուրը 150 000 մարդ) մեծ ներկայացվածություն ունեն: Հոկտեմբերի 28-ի առավոտյան մոտ 100 հայամետ ցուցարարներ փակել էին Վիենի մոտակայքում գտնվող A7 մայրուղին: Ծեծկռտուք էր սկսվել թուրքական ծագմամբ վարորդների հետ: Օգտագործվել են մուրճեր և այլ բութ առարկաներ: Արդյունքում չորս մարդ վիրավորվել է (ներառյալ գանգի կոտրվածք երիտասարդ հայի մոտ):

Նույն օրը երեկոյան Վիենի, ապա Դեսին-Շարպյեի փողոցներում կազմակերպվել էր երկու արշավ, որոնց մասնակիցները բացականչում էին «Ալլահ Աքբար» և «ո՞ւր են հայերը»:

«Այս տարածքը պատահական չէ ընտրված: Այն անվանում են «փոքրիկ Հայաստան», - բացատրում է տեղի հայ մշակույթի տան նախագահ Սառա Թանզիլլին:- Այնպես որ դա խորհրդանշական էր: Փաստացիորեն, մենք արդեն հարձակման էինք ենթարկվել հուլիսի 24-ին՝ ի պաշտպանություն Հայաստանին խաղաղ հանրահավաքի ժամանակ: Եկան շուրջ 100 ակտիվիստներ, որոնք իրենց «գորշ գայլեր» են անվանում: Նրանք զինված էին երկաթյա ձողերով և սառը զենքերով: Նրանք թալանում էին խանութները, հետո էլ մարդկանց որս էին սկսում: Այս գործողությունը ինքնաբուխ չէր. այն սոցիալական ցանցերի միջոցով կազմակերպել էր դատական համակարգին հայտնի թուրք ծայրահեղական Ահմեթ Չեթինը»:

Սակայն այսքանով նմանատիպ գործողությունները չէին ավարտվել: Լույս նոյեմբերի մեկը նույն Դեսին-Շարպյեում հայկական հուշարձանների վրա հայտվել էին «գորշ գայլ» և RTP (Թուրքիայի նախագահ Ռեջեփ Թայիփ Էրդողանի անվան սկզբնատառերը) գրառումները: Նոյեմբերի 4-ին, տեսնելով, թե որքան վտանգավոր են նրանց գործողությունները, կառավարությունը լուծարել է «Գորշ գայլեր» շարժումը ՝ որպես «դե ֆակտո խմբավորում» և «ռազմականացված շարժում»:

Ինչ վերաբերում է 23-ամյա Ահմեթ Չեթինին, նա վերջերս դատապարտվել է 4 ամսվա պայմանական ազատազրկման «բռնություն հրահրելու կամ ռասայական ատելություն սերմանելու համար»: Բայց նույն Չեթինը տեսանյութ էր հրապարակել ինստագրամում, հայտարարելով, որ եթե «Թուրքիայի կառավարությունը ինձ 2000 եվրո և զենք տա, ես Ֆրանսիայի ցանկացած կետում կանեմ այն, ինչ պետք է»:

Անկարան վերահսկում է 2600 մզկիթներից 320-ը

Ֆրանսիայի հայկական կազմակերպությունների համակարգող խորհրդի (CCAF) համանախագահ, «Հայաստանի լուրեր» պարբերականի տնօրեն Արա Թորանյանը կրկին մղձավանջ է ապրում. «Մենք մի քանի սերունդ ապրում ենք այս երկրում: Մեր պատկանելությունն ու հավատարմությունը Ֆրանսիայի Հանրապետությանն այլևս կասկածի տակ չի դրվում: Եվ հանկարծ, մեզ հետ են շպրտում հարյուր տարի առաջ ՝ օսմանյան և քեմալական հետապնդումների ժամանակաշրջան: Մեր ֆրանսիացի հայրենակիցները չպետք է հավատան, որ խոսքը հասարակ միջհամայնքային բախումների մասին է. այս բոլոր իրադարձություններում միշտ կան նույն ագրեսորներն ու նույն զոհերը: Կարևոր է իմանալ, որ հակահայկական ռասիզմը և Ցեղասպանության ժխտումը թուրքերին սերմանվում են վաղ մանկությունից: Եվ իհարկե, երբ նրանք արտագաղթում են, իրենց հետ բերում են այս գաղափարախոսությունը: Բարեբախտաբար, ոչ բոլորը. Ես նկատի ունեմ ալևիներին (նրանք իսլամում փոքրամասնություն են), Էրդողանի հակառակորդներն են, բայց նրանք բացառություն են»,-ասել է Թորանյանը:

Սխալ կլինի մտածել, որ «Գորշ գայլերի» կամ այլ ծայրահեղական խմբավորման լուծարումը կլուծի իրավիճակը, քանի որ Թուրքիային հրոսակներ պետք չեն, որպեսզի իրենց սփյուռքին իսլամական հայրենասիրությամբ դաստիարակեն: Թուրքիան ունի ասոցիատիվ, կրթական և հումանիտար կառույցների մի ամբողջ գալակտիկա, որոնց մեծ մասը վերահսկվում է իշխող «Արդարություն և զարգացում» կուսակցության կողմից, և որոնք օրինականորեն ներառված են ցանկացած կառույցում: Սա հատկապես տեսանելի է կրոնական ոլորտում:

Ֆրանսիա ուղարկված 300 իմամներից 151-ը թուրք են (մնացածը եկել են Մարոկկոյից և Ալժիրից՝ միջպետական պայմանագրերի շրջանակներում): Նրանք քաղաքացիական ծառայողներ են, որոնք վերապատրաստվել են և վարձատրվում են (ինչպես նաև նրանց 56 ժամանակավոր օգնականները) Թուրքիայի կրոնական գործերի գրասենյակի (Ditib) արտաքին գործակալության կողմից, որը վերահսկում է 250 մզկիթ Ֆրանսիայի տարածքում: Սրան պետք է ավելացնել 70 մզկիթ, որը ղեկավարվում է «Իսլամական եղբայրներին» մոտ կանգնած «Միլլի Գերյուշ» թուրք-իսլամական միության կողմից` Դիթիբի հետ ձեռք ձեռքի տված: Ընդհանուր առմամբ, այս արդյունավետ և փոխլրացնող ցանցի շնորհիվ, Անկարան ի վիճակի է վերահսկել 2600-մզկիթներից 320-ը, այսինքն՝ Ֆրանսիայի բոլոր աղոթատեղիների մեկ վեցերորդը:

Լրահոս
Գերության մեջ գտնվող երկու տասնյակից ավել հայ զինծառայող խոշտանգվել է ԱՄՆ-ն միակ երկիրն է այս պահին, որը կարող է ստիպել Ադրբեջանին դադարեցնել կրակը. Ֆրանկ Փալոն Երևանում նախատեսվում է նոր ավտոկայարան կառուցել Ռոբերտ Մենենդեսն առաջարկել է սահմանափակել F-16-երի վաճառքը Թուրքիային և դադարեցնել ռազմական աջակցությունն Ադրբեջանին Կալիֆորնիայի նահանգապետը ստորագրել է ապրիլի 24-ը Ցեղասպանության օր սահմանելու օրինագիծը Պաշտոնական Ստեփանակերտի դիրքորոշումը մնացել է անփոփոխ՝ Արցախը երբեք չի լինելու Ադրբեջանի կազմում. Դավիթ Բաբայան Հայաստանի փոխվարչապետն ու Ճապոնիայի դեսպանը քննարկել են Հայաստանի դեմ Ադրբեջանի լայնածավալ ագրեսիայի հետևանքները Մարտական դիրքում հայտնաբերվել է ժամկետային զինծառայողի դի. ՀՀ ՊՆ Ուկրաինան արագացված կարգով ՆԱՏՕ-ին անդամակցելու հայտ է ներկայացնում. Զելենսկի ՌԴ-ի հետ ռազմատեխնիկական համագործակցությունն իրականցվում է կնքված պայմանագրերին համապատասխան. ՊՆ Ադրբեջանական վերջին հարձակումից հայկական կողմը նույնականացված 201 զոհ ունի Իրանի գլխավոր հյուպատոսությունը կնպաստի Սյունիքի ներուժի իրացմանը Որևէ ակնարկ կամ թաքնված ենթատեքստ փնտրել պետք չէ. ՊՆ մամուլի քարտուղարը՝ ԶՈՒ ԳՇ պետի տեղակալի հայտարարության մասին Փելոսիի այցի մասին Մակեյի հայտարարության կապակցությամբ Բելառուսի դեսպանը հրավիրվել է ՀՀ ԱԳՆ. ԱԳՆ խոսնակ «Հույս ունեմ, որ կքայլեմ». Շուշիի մարտերի մասնակից Նորայր Ավագյան ՌԴ-ն շահագրգռված է հետագայում ևս Հայաստանի հետ զարգացնել փոխադարձ առևտուրը և ներդրումները. ՌԴ փոխվարչապետ Արմեն Գրիգորյանը աշխատանքային հանդիպումներ է ունեցել Կենտրոնական հետախուզական գործակալության Լենգլիում գտնվող գրասենյակում Հայ-ադրբեջանական սահմանին իրադրության փոփոխություն չի արձանագրվել Ժնևում կհանդիպեն Հայաստանի և Ադրբեջանի արտաքին գործերի նախարարները Ինչպիսի եղանակ է սպասվում Հայաստանում ՀՀ Պաշտպանության նախարարությունը մինչև նոյեմբերի 22-ը կանցկացնի պլանային վարժական հավաքներ Դոլարի, եվրոյի և ռուբլու փոխարժեքը՝ փոխանակման կետերում Աշխարհը փլուզվում է. տարածաշրջանում չկա մի երկիր, որ այս ցնցումից հարվածի իր բաժինը չի ստանալու. Նիկոլ Փաշինյան Հայ-ադրբեջանական սահմանին իրադրության փոփոխություն չի արձանագրվել. ՀՀ ՊՆ Ոսկու և արծաթի գներն աճել են Հնդկաստանից բերվելիք «Պինակա» կայանները համապատասխանում են ռուսական «Ուրագան» համակարգին Հայաստանն ու Ադրբեջանն այսօր քննարկում են փոխկապակցված չորս օրակարգեր. ԱԽ քարտուղար Խաղաղությունը չի կարող պարտադրվել. Տոյվո Կլաարն անդրադարձել է ադրբեջանական վերջին սադրանքին Հայաստանում հիմնվել է խխունջաբուծության առաջին ֆերման Երևանի և 6 մարզերի մի շարք հասցեներում լույս չի լինի Ժամը 18:00-ից սկսած Ադրբեջանի ԶՈւ-ն ականանետերի կիրառմամբ կրակ է բացել հայկական դիրքերի ուղղությամբ․ ՊՆ Մոսկվայում ԱՄՆ դեսպանատունը կոչ է արել իր քաղաքացիներին անհապաղ լքել Ռուսաստանը Ինչպիսի եղանակ է սպասվում Հայաստանում Ուկրաինա ուղարկելու համար նախատեսված ԱՄՆ-ի և Եվրոպայի զենքի պաշարները սպառվում են Դոլարի, եվրոյի և ռուբլու փոխարժեքը՝ փոխանակման կետերում Կապիտուլյացիայի համար կոնսոլիդացիայի կարիք չկա. Քոչարյան. տեսանյութ Ադրբեջանին ամերիկյան ռազմական օժանդակությունից զրկող և պատժամիջոցներ նախատեսող բանաձև է ներկայացվել նաև ԱՄՆ Սենատում ՈւՂԻՂ․ Ռոբերտ Քոչարյանի ասուլիսը Տղերք, ուշադիր եղեք, դուք արդեն գիտեք, թե ինչ արձագանք են ստանում ռուսական ձախողումները հայ-ադրբեջանական սահմանում ՀՀ սահմանների վտանգված լինելը չի չեզոքացվելու «արանքը ճղելու» կամ «Աստված կտա»-ի միջոցով, զինված ուժերի մարտունակությունը սեղմ ժամկետում պետք է կտրուկ բարձրացնել
Խմբագրի ընտրություն
website by Sargssyan