Լիտվայի խորհրդարանը հաստատել է երկրի նոր վարչապետին
24/11/2020 15:27
Նմանատիպ
ԵՐԵՎԱՆ, 24 ՆՈՅԵՄԲԵՐԻ, Tert.am: Լիտվայի խորհրդարանը երկրի վարչապետի պաշտոնում հաստատել է Ինգրիդա Շիմոնիտեին: Այս մասին տեղեկացնում է «ՌԻԱ Նովոստի» գործակալությունը:
Շիմոնիտեի թեկնածությանը կողմ է քվեարկել 62 պատգամավոր, 10 պատգամավոր դեմ է քվեարկել, 41-ը` ձեռնպահ:
Վարչապետի պաշտոնում Շիմոնիտեն առաջադրվել է իշխող կոալիցիայի՝ «Հայրենիքի միություն – Լիտվայի քրիստոնյա-դեմոկրատներ», «Ազատական շարժում» և «Ազատություն» կուսակցությունների կողմից:
2019-ին Շիմոնիտեն մասնակցել է Լիտվայի Հանրապետության նախագահական ընտրություններին, բայց, երկրորդ փուլում, ստանալով ձայների 33%-ը, պարտվել է Գիտանաս Նաուսեդային:
Հետևեք մեզ նաև Telegram-ում