Աղբյուրը հայտնել է Ռուսաստանի և Ղարաբաղի միջև առաջիկայում թռիչքների բացման մասին
Նմանատիպ
ԵՐԵՎԱՆ, 4 ԴԵԿՏԵՄԲԵՐԻ, Panorama.am: Լեռնային Ղարաբաղի և Ռուսաստանի իշխանությունները քննարկում են օդային հաղորդակցության բացման հարցը, ՌԴ-ից առաջին չվերթները Ստեփանակերտի օդանավակայան արդեն հնարավոր են այս ամիս։ Ռիա նովոստիին այս մասին հայտնել է աղբյուրը ԼՂՀ-ի վարչակազմից։
«Այժմ երկու կողմերը՝ մեր և ռուսական, ջանքեր են գործադրում, որպեսզի դա տեղի ունենա»,– ասել է գործակալության զրուցակիցը։
Նա հավելել է, որ օդանավակայանը կիրականացնի ուղևորափոխադրումներ, ուղևորներ, ինչպես սպասվում է, ԼՂՀ կժամանեն ոչ միայն Մոսկվայից, այլ նաև Ռուսաստանի մարզերից:
Մեկ այլ աղբյուր հաստատել է այս ծրագրերի հավաստիությունը: Նրա խոսքերով, «հավանաբար այս ամսվա վերջին մենք ականատես կլինենք, թե ինչպես են առաջին ռուսական ինքնաթիռները վայրէջք կատարելու Լեռնային Ղարաբաղում»:
Ավելի վաղ ԼՂՀ նախագահի խորհրդական Դավիթ Բաբայանը Ռիա նովոստիին նույնպես հայտնել էր Ղարաբաղում օդանավակայանի շուտափույթ բացման հնարավորության մասին: Նրա խոսքով, օդային հաղորդակցության բացումը կդառնա տարածաշրջանի տնտեսական վերականգնման կարևոր բաղադրիչների մեկը հայ-ադրբեջանական ռազմական վերջին հակամարտության սրումից հետո:
Հետևեք մեզ նաև Telegram-ում