Քաջարանի համայնքապետը հրավիրվել է Քննչական կոմիտե
22/12/2020 16:39
Նմանատիպ
ԵՐԵՎԱՆ, 22 ԴԵԿՏԵՄԲԵՐԻ, Tert.am: ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական գործի շրջանակում Քաջարան համայնքի ղեկավար Մանվել Փարամազյանը, այսօր հրավիրվել է Քննչական կոմիտե։
Այս մասին Tert.am-ի հետ զրույցում ասաց ՀՀ քննչական կոմիտեի տեղեկատվության և հասարակայնության հետ կապերի բաժնի պետ Ռիմա Եգանյանը՝ անդրադառնալով շրջանառվող տեղեկություններին, թե Փարամազյանը ձերբակալվել է։
«Փարամազյանն այսօր չի ներկայացել, կապ է հաստատել վարույթն իրականացնող քննիչի հետ՝ խնդրելով ներկայանալ վաղը՝ դեկտեմբերի 23-ին: Վարույթն իրականացնող մարմինը ընդառաջել է նրա խնդրանքին»,-հայտնեց նա։
Հետևեք մեզ նաև Telegram-ում