Իրանն ու Ադրբեջանը համաձայնության են եկել արտոնյալ առևտրի պայմանագիր կնքելու հարցում
22/12/2020 18:59
Նմանատիպ
ԵՐԵՎԱՆ, 22 ԴԵԿՏԵՄԲԵՐԻ, Tert.am: Իրանի և Ադրբեջանի պատվիրակությունները համաձայնության են եկել երկու երկրների միջև արտոնյալ առևտրի շուրջ պայմանագիր կնքելու հարցում:
Ինչպես փոխանցում է «Թանսիմ» գործակալությունը, տնտեսական և դիվանագիտական ոլորտի պաշտոնյաները, որոնք ներկայացնում են Իրանն ու Ադրբեջանը, եռափուլ բանակցություններ են անցկացրել արտոնյալ առևտրի պայմանագիր կնքելու շուրջ: Երրորդ փուլն անցկացվել է տեսաժողովի ձևաչափով:
Առցանց միջոցառմանը ներկա են եղել Իրանի Առևտրի առաջխաղացման կազմակերպության և Ադրբեջանի էկոնոմիկայի նախարարության ներկայացուցիչները, ինչպես նաև երկու երկրների ԱԳ նախարարները:
Երկու կողմերը նախատեսում են բանակցությունների հաջորդ փուլն իրականացնել՝ վերջնական տեսքի բերելու համաձայնագրի նախագիծը:
Հետևեք մեզ նաև Telegram-ում