Վրաստանի իշխանությունները հաստատել են կառավարության նոր կազմը
24/12/2020 20:49
Նմանատիպ
ԵՐԵՎԱՆ, 24 ԴԵԿՏԵՄԲԵՐԻ, Tert.am: Վրաստանի խորհրդարանը ձայների մեծամասնությամբ վստահության քվե հանձնեց վարչապետի թեկնածու Գեորգի Գախարիային, կառավարության նրա ներկայացրած կազմին և կառավարական ծրագրին: Այս մասին հայտնում է РИА Новости-ն:
«Վրացական երազանք» իշխող կուսակցությունը հոկտեմբերի 31-ին կայացած խորհրդարանական ընտրությունների արդյունքներով 90 տեղ է ստացել խորհրդարանի 150 մանդատից:
Ընտրությունների արդյունքների հաստատումից հետո Վրաստանի կառավարությունը վայր էր դրել իր լիազորությունները:
Վարչապետի թեկնածու Գախարիան խորհրդարանի հաստատմանն էր ներկայացրել կառավարության նորացված կազմն ու կառավարական ծրագիրը: Կառավարության նոր կազմում ընդգրկվել են բոլոր նախկին նախարարները, բացի արդարադատության նախարարից:
Հետևեք մեզ նաև Telegram-ում