Նոյեմբերի 9-ից՝ պատերազմի «ավարտից» հետո առնվազն 15 զոհված զինվորական ունենք. Կարեն Վրթանեսյան

ԵՐԵՎԱՆ, 7 ՀՈՒՆՎԱՐԻ, Times.am: Նոյեմբերի 9-ից հետո առնվազն 15 զոհված զինվորական ունենք, բայց դա, բնականաբար, քչերն են հասկացել։

Այս մասին ֆեյսբուքյան իր էջում գրել է «Ռազմինֆո» մասնագիտացված կայքի համակարգող Կարեն Վրթանեսյանը։

Գրառումը ներկայացնում ենք ստորև․

«Նոյեմբերի 9-ից հետո առնվազն 15 զոհված զինվորական ունենք, բայց դա, բնականաբար, քչերն են հասկացել։

Որովհետև կամ պաշտոնապես ընդհանրապես չեն հայտնել այդ մասին, կամ էլ լղոզվել է անվերջ չհերքող «հերքումների», մանիպուլյացիաների, մերձիշխանական շրջանակներից տարածվող բամբասանքների և ապատեղեկատվության պղտոր հոսքում։

Էլ չեմ խոսում 70–80 կամ գուցե ավելի շատ գերիների մասին։

Կրկնում եմ. նոյեմբերի 9-ից՝ այսինքն պատերազմի «ավարտից» հետո։

Այսպիսի արհամարհական վերաբերմունք մեր ժողովրդի հանդեպ, մեր զոհվածների հանդեպ սպասելի է թուրքերից, թշնամուց, բայց ոչ մարդկանցից, որոնք գոնե անձնագրով մեր հայրենակիցներն են, առավել ևս «ժողովրդի ընտրյալներ»։

Հենց այդ պատճառով էլ սրանց «նիկոլաթուրքեր» եմ անվանում։

Սխա՞լ եմ անում»։