Իրանը ռազմածովային հրթիռային զորավարժություններ է սկսել Օմանի ծոցում
Նմանատիպ
ԵՐԵՎԱՆ, 12 ՀՈՒՆՎԱՐԻ, Tert.am: Իրանի ռազմածովային ուժերը հրթիռային վարժանքներ են սկսել Օմանի ծոցում: Այս մասին տեղեկացնում է Mehr գործակալությունը:
Զորավարժություններն անցկացվելու են բանակի մյուս ստորաբաժանումների աջակցությամբ և կտևեն երկու օր:
Իրանը պարբերաբար ռազմական մանևրներ է կատարում:
Ավելի վաղ Պարսից ծոցի ափին Իսլամական հեղափոխության պահապանների կորպուսը ստորգետնյա հրթիռային կայան էր շահագործման հանձնել:
Իրանում, 2020-ի հունվարի սկզբին գեներալ Ղասեմ Սոլեյմանիի մահվան տարելիցի լույսի ներքո, հակաամերիկյան հռետորաբանությունն ակտիվացել է, հավանական հարձակման դեպքում Միացյալ Նահանգներին ուղղված նախազգուշացումներն ավելի ու ավելի լսելի են դառնում: Այսպիսով, ըստ Tasnim գործակալության, Իրանի գերագույն առաջնորդի խորհրդական, գեներալ-մայոր Յահյա Ռահիմ Սաֆավին ԱՄՆ-ին հորդորել է խուսափել սխալներից՝ նշելով, որ իրանցի զինվորականներն ի վիճակի են խորտակել ամերիկյան ավիակիրները:
Հետևեք մեզ նաև Telegram-ում