Ռուսական ուժերը շարժվել են դեպի հյուսիսային Սիրիա թուրքամետ ուժերի գործողությունները զսպելու նպատակով

ԵՐԵՎԱՆ, 13 ՀՈՒՆՎԱՐԻ, Tert.am: Ռուսական ռազմական ուժերի շարասյունը շարժվել է դեպի Սիրիայի հյուսիսային Ալ Ռաքքա նահանգում գտնվող Այն Իսա քաղաք, որտեղ վերջերս ավելացել էր լարվածությունը, հայտնում է almasdarnews.com լրատվական գործակալությունը:

Տեղական աղբյուրի համաձայն, ՌԴ ռազմական ոստիկանության ուժերը ճանապարհ են ընկել Հալեպից` իրենց հետ տալենով զրահամեքենաներ և անձնակազմ: Աղբյուրը հավելել է, որ Ռուսաստանի ռազմական ոստիկանությունն այստեղ է ուղարկվել` տարածքում իրենց ուժերն ամրապնդելու և հակամարտող կողմերի միջև բանակցություններ տանելու նպատակով:

Լրատվական գործակալությունը հիշեցնում է, որ անցնող մի քանի ամիսների ընթացքում Թուրքիայի աջակցությունը վայելող խմբավորումներն ակտիվացրել են գրոհները Սիրիայի դեմոկրատական բանակի ուղղությամբ` վերջինիս դրդելով ամրացնել իր ներկայությունը հյուսիսային Ալ Ռաքքա նահանգում:

Մի շարք բնակիչներ լքել են տարածքը` թուրքական զինուժի և նրանց դաշնակիցների կողմից ձեռնարկվող գնդակոծություններից և հրթիռային հարձակումներից խուսափելու նպատակով: