Թեհրան է ժամանել ռուսական «Սպուտնիկ V» պատվաստանյութը տեղափոխող առաջին ինքնաթիռը
Նմանատիպ
ԵՐԵՎԱՆ, ՓԵՏՐՎԱՐԻ 4, Tert.am: Իրանի Իսլամական Հանրապետության կառավարության տեղեկատվական պորտալը տեղեկացրել է, որ Իրանը ստացել է ռուսական արտադրության «Սպուտնիկ V» պատվաստանյութի առաջին խմբաքանակը, հայտնում է «ՌԻԱ Նովոստի» լրատվական գործակալությունը:
Իրանի կառավարության թելեգրամյան ալիքում հրապարակված հաղորդագրության մեջ գրված է. «Ռուսական արտադրության «Սպուտնիկ V» պատվաստանյութ տեղափոխող ինքնաթիռը հասել է Թեհրանի «Իմամ Խոմենեյի» անվան միջազգային օդանավակայան»:
Ավելի վաղ Ռուսաստանի Դաշնությունում Իրանի Իսլամական Հանրապետության դեսպան Քազեմ Ջալալին հայտարարել էր, որ Թեհրանն ու Մոսկվան առաջիկա օրերին պետք է համաձայնության գան «Սպուտնիկ V» պատվաստանյութի համատեղ արտադրության վերաբերյալ, հիշեցնում է «ՌԻԱ Նովոստի» լրատվական գործակալությունը:
Տեսանյութը կարող եք դիտել այստեղ:
Հետևեք մեզ նաև Telegram-ում