Մեծ Բրիտանիայում հայտնաբերվել է Տիցիանի կորած կտավը (լուսանկարներ)

Խորհրդավոր ընթրիքի տեսարանը պատկերող կտավը, որը 110 տարի կախված է եղել Մեծ Բրիտանիայի Լեդբերի քաղաքի ծխական եկեղեցում, պատկանում է իտալացի գեղանկարիչ Տիցիանի վրձնին: Նման եզրակացության է հանգել արվեստաբան Ռոնալդ Մուրը, փոխանցում է Daily Mail-ը։

Պարբերականը հաղորդում է, որ արվեստաբանը Լեդբերի ծխական եկեղեցի էր ժամանել, որպեսզի ուսումնասիրի մեկ այլ կտավ, սակայն հեռավոր անկյունում Մուրը հայտնաբերել է խունացած, բայց շատ ավելի արժեքավոր ստեղծագործություն։

«Կտավը մոտ երեք մետր բարձրություն ուներ։ Այդ պատճառով այն հնարավոր չէր տեսնել առանց աստիճանների»,- պատմել է արվեստաբանը։

Նա կտավն ուսումնասիրել է ավելի քան երեք տարի։ Արդյունքում Ռոնալդ Մուրն ապացույցներ է գտել առ այն, որ 18-րդ դարի արվեստի ստեղծագործությունն իսկապես ստեղծվել է բարձր և ուշ Վերածննդի դարաշրջանի խոշորագույն ներկայացուցիչներից մեկի արհեստանոցում:

Որպես ապացույց արվեստագետը նկատել է, որ առաքյալներից մեկի դեմքը, որը նստած է սեղանի ձախ կողմում, հիշեցնում է Տիցիանի պատանեկության դիմանկարը։

Աղբյուրը՝ tert.am