Բանակից հետո հերթը ոստիկանությանն է․ Վազգեն Մանուկյան
Նմանատիպ
Բանակից հետո հերթը ոստիկանությանն է։ Այս մասին ընդդիմության հանրահավաքի ընթացքում ասաց Վազգեն Մանուկյանը։
«Ոստիկանությունը շատ վայրագ էր պահում շարժման սկզբին։ Հետո ոստիկանությունը եկավ կարգի։ Երբ բանակը հայտարարեց իր կարծիքը, դա մեծ ազդեցություն ունեցավ ոստիկանության վրա։ Դրա հետ միասին պետք է ասեմ, որ ոչ միայն այդ հանգամանք էր, այլ ոստիկանության մեջ էլ կան ազնիվ, հայրենիքին նվիրված մարդիկ։ Իրենք կամաց-կամաց սթափվում են»,- ասաց Մանուկյանը։
Միևնույն ժամանակ, անդրադառնալով ԱԺ շենքը շրջապատած ոստիկանությանն ու դիպուկահարներին, Վազգեն Մանուկյանն ասաց․
«Բռնել են ներսը ականապատել են, գռանատներ են դրել, դիպուկահարներ։ Ես չեմ պատկերացնում, ենթադրենք մի քանի տաքարյուն երիտասարդ չափառով փորձեին անցնել, ուրեմն հայ դիպուկահարն այնտեղից պետք է կրակե՞ր նրա ճակատին։ Մենք այս շենքն իհարկե մտնելու ենք։ Բայց ոստիկանները դռները բացելու են, մեզ ուղեկցելու են և մենք մտնելու ենք ներս։ Նույն ձև իրենք մեզ կուղեկցեն, երբ մտնենք կառավարության շենք, մեր նպատակը դա է, ոչ թե ոստիկանին ծեծելով մտնել շենքը։ Մենք պետք է հասնենք նրան, որ ինքը բացի դուռն ու ասի համեցեք»։
Ընդդիմության թեկնածուն նշեց, որ՝ իրենց արյան միջոցով իշխանություն պետք չէ և միևնույն ժամանակ համբերության կոչ արեց ներկաներին։
Հետևեք մեզ նաև Telegram-ում