AM | RU
USD
EUR
RUB

Քաղաքական ճգնաժամը խորանում է, անվտանգային խնդիրները հրատապ լուծումներ են պահանջում․ Տիգրան Աբրահամյան

 

Tert.am-ը ներկայացնում է «Հենակետ» վերլուծական կենտրոն ՀԿ ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի հոդվածը, որում հեղինակն անդրադառնում է ՀՀ քաղաքացիների՝ Արցախի ՊԲ-ում ծառայելու հետ կապված ստեղծված խնդիրներին։ Նրա խոսքով՝ երկրի անվտանգությունն ապահովելու անհրաժեշտությունը ստիպում է մեծ թվով հարցերի շուրջ հրատապ լուծումներ գտնել։ Տիգրան Աբրահամյանը կարծում է, որ ստեղծված իրավիճակում գլխավոր սկզբունքը քիչ ուժերով մեծ խնդիրներ լուծելն է, որտեղ շեշտը պետք դրվի որակի և արդյունավետության վրա։

Հոդվածն ամբողջությամբ՝ ստորև․

«Արցախի անվտանգության խորհրդի քարտուղար Վիտալի Բալասանյանը հայտարարել է, որ ՀՀ քաղաքացիներն Արցախի քաղաքացիություն/գրանցում ստանալու դեպքում կարող են կամավոր հիմքունքներով ծառայության անցնել զինված ուժերում։

Այս հայտարարությունը տրամաբանորեն կապված է նրա մեկ այլ հայտարարության հետ, որը տևական ժամանակ է՝ շրջանառվում էր, սակայն այդպես էլ պաշտոնական հաստատում չէր ստանում։

Գեներալ Բալասանյանը հաստատեց տեղեկություններն այն մասին, որ ՀՀ-ից զորակոչ այլևս չի մեկնելու։

Իրավիճակը սովորականներից չէ, ես կասեի՝ ամենաբարդերից է։ Արցախը սահմանային անվտանգության ապահովման անհրաժեշտություն ունի, իսկ Հայաստանն այս գործընթացում կրավորական դիրք ընդունելու իրավունք պարզապես չունի։

Դրա կարևոր բաղադրիչները մի քանիսն են՝ տեխնիկական հագեցվածություն, մարդկային ռեսուրսներ, մարտունակություն և այլն։ Պետք է նկատի ունենալ նաև այն հանգամանքը, որ Արցախի շփման գիծը պատերազմի հետևանքով էականորեն ընդլայնվել է, ինչն առավել խորացնում է եղած խնդիրները։

Ընդհանուր իրավիճակը բարդանում է, եթե այս ամենին գումարվում է Հայաստանում և Արցախում քաղաքական ճգնաժամը, ինչպես նաև՝ զինված ուժերի շուրջ ընթացող չափազանց վտանգավոր գործընթացները։

Այս իրականության մեջ պետք է գտնել միջանկյալ լուծումներ, որոնք Հայաստանում քաղաքական փոփոխություններից հետո անհրաժեշտ կլինի տեղավորել զինված ուժերի բարեփոխումների գործընթացի շրջանակում։

Հայաստանի ներքաղաքական իրավիճակի շուրջ անորոշությունները դեռ շատ են, իսկ երկրի անվտանգությունն ապահովելու անհրաժեշտությունը ստիպում է մեծ թվով հարցերի շուրջ հրատապ լուծումներ գտնել։

Հայաստանից զորակոչի դադարեցման պայմաններում, Պաշտպանության բանակը համալրվում է արցախցիների զորակոչի և քննարկման վերջնական փուլում գտնվող պայմանագրայինների/կամավորների ռեսուրսներով։

Մինչև պատերազմն էլ Արցախում կային պայմանագրային հիմունքներով կազմավորված դիրքապահ ստորաբաժանումներ, որոնք մարտական հերթապահություն էին կրում շփման գծի տարբեր ուղղություններով։

Վերջին ամիսներին ակտիվ աշխատանք է տարվում այդ ստորաբաժանումների թվի կտրուկ ավելացման ուղղությամբ։

Պարտադիր ժամկետային ծառայությունից, պայմանագրային հիմունքներով ծառայությունից բացի՝ Արցախում մի քանի ամիս է՝ քննարկվում և վերջնական տեսքի է բերվում պետական համակարգի աշխատակիցներին ևս որոշակի ժամանակով մարտական հերթապահության ընդգրկելու հարցը։

Այս հարցը ամենաքննարկվածներից է, որում առկա են նաև մեծ թվով խնդիրներ, սակայն իրավիճակը ստիպում է անընդհատ լուծումներ փնտրել, ժամանակն էլ առանձնապես շատ չէ։

Արցախի մարդկային ռեսուրսը հաշվի առնելով՝ հասկանալի է, որ ՀՀ-ից կամավոր հիմունքներով ծառայության մեկնելու հարցը առանցքային նշանակություն ունի, այս տեսանկյունից, Արցախից եկող առաջարկ-ազդակները Հայաստանի ռազմաքաղաքական իշխանության համար պետք է առաջնային քննարկման օրակարգում լինեն։

Տարբեր ժամանակահատվածներում Հայաստանում քննարկվել և իրագործվել է տարբեր ստորաբաժանումների՝ Արցախում ծառայություն իրականացնելու հարցը, և իմ համոզմամբ՝ նույնիսկ այսօր ստեղծված անբարենպաստ միջավայրի պայմաններում հնարավոր է կամավորներ հավաքագրել ինչպես ժամկետային զինծառայողների թվից, այնպես էլ՝ Հայաստանում ծառայության մեջ գտնվող պայմանագրային անձնակազմից։

Կրկնում եմ՝ կան մոդելներ, որոնք գործել են և դրանց փոփոխությունների ու նոր ձևաչափերի քննարկումները հնարավորություն են ստեղծում Արցախի զինուժի համալրման համար։

Իհարկե, ցանկության դեպքում զինկոմիսարիատների և Տեղական ինքնակառավարման մարմինների միջոցով կարելի է աշխատել հանրության ամենատարբեր շետերի հետ, հիմնել նոր մոդելի պայմանագրային/կամավորական ստորաբաժանումներ, որոնք մարտական ծառայություն կիրականացնեն Արցախում։

Ստեղծված իրավիճակն ու ժամանակակից իրողությունները մեզ ստիպում են, որ այս ամենին զուգահեռ բարձրացնել, ամրապնդել տեխնիկական միջոցների համալրվածության հարցը, իսկ ձևավորված նոր շփման գծում զրոյից համակարգեր ստեղծելու անհրաժեշտություն կա։

Գլխավոր սկզբունքը քիչ ուժերով մեծ խնդիրներ լուծելն է, որտեղ շեշտը պետք դրվի որակի և արդյունավետության վրա։

Ժամանակը շատ քիչ է, պետք է արագ գործել և գտնել Արցախի անվտանգության ապահովման ամենաարդյունավետ մոդելը ու արագ անցնել դրա գործարկմանը»։

Լրահոս
Սկսում ենք «Մեր պարտքը» շարժումը Ստեփանակերտ տանող ճանապարհ ներխուժելը ահաբեկչության մի ձև է․ ՀՀ ԱԳՆ Պուտինը դեռևս չի ստացել կորոնավիրուսի դեմ երկրորդ պատվաստումը․ Պեսկով Եթե ֆորսմաժոր չլինի, ապա Լևոն Տեր-Պետրոսյանի գլխավորած կուսակցությունը կմասնակցի ընտրություններին. ՀԱԿ Արման Թաթոյանն ու Արա Աբրահամյանը հանդիպել են Ստորագրած հուշագիրը ուժի մեջ է լինելու չորս տարով ՀՀ տարածքում ջերմաստիճանն այսօրվանից զգալի կնվազի Ստեղծված իրավիճակը փոխել է պետք, բայց արդյո՞ք ընտրությունն է այդ ճանապարհը․ Հ․ Մելիք-Շահնազարյան Google–ի քարտեզում ադրբեջանցիները Երևանի կենտրոնում իրենց հերոսների անուններով հասցեներ են ավելացրել Թուրքիայում կրկին ինքնաթիռ է կործանվել Ռուս խաղաղապահները մարդասիրական օգնություն են հասցրել ԼՂ Ասկերանի շրջանի բնակիչներին և բուժկետին. ՌԴ ՊՆ Կրկին իշխանությունը հայտնվեց կոտրած տաշտակի առջև․ Մանե Գևորգյանը պետք է հեռանա. «Ժողովուրդ» ՀԱԿ-ը կմասնակցի՞ ընտրություններին. «Հրապարակ» Արթուր Վանեցյանը, ամենայն հավանականությամբ, կգնա միայնակ. «Հրապարակ» Միքայել Մինասյանի գործով քննիչն առաջիկայում ազատման դիմում է գրելու. «Ժողովուրդ» 100-120 մլն դրամի կորած կամ ոչնչացված գույքի վերաբերյալ քրեական գործ է հարուցվել. «Փաստ» Կեցցե Նիկոլ Փաշինյանը, և յուր քավորը, բնականաբար. «168 ժամ» «Կարմիր բլուր» գերեզմանների մոտ հնչել են կրակոցներ. կան վիրավորներ Ես կռվելու եմ հանուն ապագայի, մարդկանց պետք է տալ հնարավորություն չընտրելու անցյալի ու անցյալի միջև. Միքայել Մինասյան (տեսանյութ) Միքայել Հարությունյանը Մոսկվայից Արթուր Դավթյանին հանցագործության մասին հաղորդում է ուղարկել Միքայել Մինասյանի հարցազրույցը` ուղիղ Կյանքից հեռացավ փաստաբանական պալատի խորհրդի անդամ, հայտնի իրավաբան Սեդրակ Ասատրյանը Ադրբեջանում ավարտվել են ադրբեջանա-թուրքական զինված ուժերի համատեղ զորավարժությունները Գերիների հարազատները բացեցին Շիրակի մարզի բոլոր ճանապարհները Պուտինն ու Էրդողանը քննարկել են Լեռնային Ղարաբաղի հարցը ՏԵՍԱՆՅՈՒԹ․ Անտերության հոտը Արցախից ևս պետք է վերանա․ Իշխան Սաղաթելյան Դավիթ Բաբայանը չի բացառում, որ ադրբեջանցիները վաճառում են գերեվարված քաղաքացիների օրգանները Սորոսի հիմնադրամի գործադիր տնօրեն Լարիսա Մինասյանը հեռանում է Նիկոլ Փաշինյանի երեխաները «Կասկադի» սրճարանում կյանքն են վայելում. Mediaport «Դոնբասում իրադրությունը մնում է բարդ և սրվելու միտում ունի». Զախարովա Մահացել է Էլիզաբեթ 2-րդի ամուսինը` 99-ամյա արքայազն Ֆիլիպը Կիևը հայտարարել է առանց Պուտինի մասնակցության Զելենսկի-Մակրոն-Մերկել հանդիպման մասին Ադրբեջանից Ադրբեջանի կոդով ցանկ են ուղարկել ինձ, ասել են, որ երեխան իրենց մոտ է. Ծնող Ավելացնելու բան չունենք. Ավինյանի խոսնակը` Մուրադովի հայտարարության մասին Ձեր պաշտոնյաները մոլորեցնում են բնակչությանը․ Ռուստամ Մուրադովը՝ գերիների մասին Սահմանվել են հանրակրթական ուսումնական հաստատություններում 2020-2021 ուստարվա ավարտի ժամկետները Լարված իրավիճակ ՊՆ–ի մոտ․ ՈՒՂԻՂ Պայմանագրային զինծառայության մեջ գտնվելու սահմանային տարիքը կփոփոխվի, կլինեն տարբեր շեմեր ՊՆ-ն հաղորդագրություն է տարածել Անհետ կորած զինծառայողների որոնումներն այսօր արունակվում է Զանգելանի ուղղությամբ
Խմբագրի ընտրություն
website by Sargssyan