AM | RU
USD
EUR
RUB

Մոսկվան ընտություններին չի աջակցի Փաշինյանին. Свободная Пресса

 

Ռուսական Свободная Пресса հրատարակությունը հոդված է հրապարակել, որում Նիկոլ Փաշինյանի երեկվա մոսկովյան այցի և ՌԴ նախագահ Վլադիմիր Պուտինի հետ հանդիպման համատեքստում անդրադարձել է հայ-ռուսական հարաբերություններին:

Հոդվածում նշվում է, որ Ռուսաստանը կմեծացնի իր ռազմական ներկայությունը Հայաստանում: Նման եզրակացություն կարելի է անել ապրիլի 7-ին Մոսկվայում տեղի ունեցած Պուտին-Փաշինյան բանակցություններից:

Բանակցությունների թեմաներն էին Լեռնային Ղարաբաղում ռուս խաղաղապահներին վերաբերող հարցերը, ինչն առանցքային է տարածաշրջանի անվտանգության համար, ինչպես նաև ռազմագերիների խնդիրը:

Քննարկման թեմա էր նաև Ռուսաստանի և Հայաստանի զորքերի միավորված խմբավորումը և, մասնավորապես, միացյալ հակաօդային պաշտպանության համակարգը:

Հարցերի մեկ այլ մեծ խումբ տնտեսականն էր: Փաշինյանը Պուտինին առաջարկել է Հայաստանում կառուցել նոր ատոմակայան, ինչպես նաև խնդրել է կորոնավիրուսի դեմ պատվաստանյութի 1 միլիոն չափաբաժին: Խոսվել է նաև տարածաշրջանում առևտրատնտեսական կապերի և տրանսպորտային ուղիների վերականգնման հնարավորության մասին: Հայաստանի տնտեսության մեջ կապիտալ ներդրումների շուրջ 40 տոկոսը ռուսական ծագում ունեն, Փաշինյանին հիշեցրել է Պուտինը:

Ապրիլի 7-ի առավոտյան, Պուտինի և Փաշինյանի բանակցությունների մեկնարկից առաջ, Ռուսաստանի Դաշնության և Հայաստանի պաշտպանության նախարարներ Սերգեյ Շոյգուն և Վաղարշակ Հարությունյանը հեռախոսով քննարկել էին Լեռնային Ղարաբաղի հարցի կարգավորման հետ կապված ռազմական խնդիրները:

Մինչ զինվորականները շփվում էին, Երևանի փողոցներում կին ցուցարարները բախվել են ոստիկանության հետ: Նրանք շրջափակել էին Փաշինյանի նստավայրը, սակայն նա արդեն ինքնաթիռով մեկնել էր Մոսկվա:

Ռուսաստան այցի նախօրեին Փաշինյանը հարցազրույց էր տվել «ՌԻԱ Նովոստի»-ին, որում մեկնաբանել էր ռուս-հայկական հարաբերությունների առանցքային դիրքերը: Դրանք եղել և կլինեն Հայաստանի կառավարության գերակայությունը, խոստացել է քաղաքական գործիչը:

Փաշինյանը խոստացել է նաև երկարատև ռազմատեխնիկական համագործակցություն Ռուսաստանի հետ՝ անկախ ընտրությունների արդյունքներից: Խոսքը Սու-30 ՍՄ կործանիչների, անօդաչու թռչող սարքերի ու անօդաչու թռչող սարքերի դեմ պայքարող սարքավորումների գնման մասին է: Քաղաքական գործիչը հայտարարել է հայկական բանակի լայնամասշտաբ բարեփոխման և նույնիսկ Ռուսաստանի և Հայաստանի զինված ուժերի արդեն գործող միացյալ խմբավորման ուժեղացման մասին է: Փաշինյանը իր հրաժարականը պահանջող Գլխավոր շտաբի հետ կոնֆլիկտը կարգավորված է անվանել:

Սակայն Փաշինյանի խոստումները Ռուսաստանին անհամոզիչ են թվում նրա` Ղարաբաղյան պատերազմի ընթացքում «10 տոկոսով պայթած» «Իսկանդեր» հրթիռային համակարգերի մասին ոչ պրոֆեսիոնալ ու նույնիսկ արհամարհական հայտարարություններից հետո: Բացի այդ, 2018-ին վարչապետ ընտրվելուց առաջ Փաշինյանը քննադատել էր ԵԱՏՄ-ն ու ՀԱՊԿ-ը, որի անդամ է Հայաստանը: Ավելին, նրա թիմի շատ անդամներ ՝ պատգամավորներ, գործադիր իշխանության ներկայացուցիչներ սերտ համագործակցում են արևմտամետ Սորոսի հիմնադրամի հետ:

Չնայած հռետորաբանության պատեհապաշտական փոփոխությանը և, ամենակարևորը, Ղարաբաղյան պատերազմում Հայաստանի դրամատիկ պարտությանը, Փաշինյանն ակնհայտորեն ակնկալում է մնալ իշխանության ղեկին` վերընտրվելով հունիս ամսվա արտահերթ ընտրություններում:

«Սխալ է մտածել, որ Հայաստանի ողջ ժողովուրդը ատում է Փաշինյանին: Ես Երևանում էի մարտի 1-ին, երբ Փաշինյանի և ընդդիմության դիմակայության գագաթնակետն էր: Իշխանամետ հանրահավաքի մասնակիցները երկու-երեք անգամ ավելի շատ էին, քան Բաղրամյան պողոտան փակած ընդդիմադիրները: Ինքը՝ Փաշինյանը, Գեբելսի նման փոքր, աղմկոտ, բավականին հաջողությամբ գրավում էր կողմնակիցներից բաղկացած բազմահազարանոց ամբոխի ուշադրությունը»,- ասել է ռուս լրագրող Դմիտրի Սելեզնյովը:

Կարծես թե Կրեմլում էլ են դա հասկանում և փորձում են քաղաքական հակակշիռ ստեղծել Փաշինյանին: Այսպիսով, Պուտինի մամուլի քարտուղար Դմիտրի Պեսկովը հաստատել է հայկական լրատվամիջոցների տեղեկատվությունն այն մասին, որ նախորդ շաբաթ Պուտինը և Հայաստանի նախկին նախագահ Ռոբերտ Քոչարյանը հեռախոսազրույց են ունեցել:

Հզոր ազդանշան էր Ռուսաստանի Առաջին ալիքով ցուցադրված Քոչարյանի հարցազրույցը Վլադիմիր Պոզներին: Պուտինի հետ հանդիպման մասին ուղիղ հարցին պատասխանելուց Քոչարյանը հրաժարվեց: Քոչարյանը Ղարաբաղում 1990-ականների ռազմական հաղթանակի կերտողներից մեկն է: Այս իմաստով նա լիակատար հակապատկերն է Փաշինյանի, որի օրոք տարածքներ են կորսվել:

Ըստ ռուսական լրատվամիջոցների՝ Մոսկվայից նախատեսվում է քաղտեխնոլոգների թիմ ուղարկել Հայաստան: Այժմ ստեղծվում է մեդիա մասնագետների թիմ, որը աշխատելու է Հայաստանում հունիսին կայանալիք ընտրությունների ուղղությամբ: Թե ում համար, դեռևս անհայտ է: Մի՞թե Քոչարյանի: Գագիկ Ծառուկյանը նույնպես ամուր քաղաքական դիրք ունի հանրապետությունում և որպես երրորդ ուժ կարող է կշեռքի նժարը թեքել դեպի այս կամ այն ֆավորիտի կողմը:

«Փաշինյանի այցը Մոսկվա հետապնդում էր երկու նպատակ. առաջինը արտաքին քաղաքական էր. տարածաշրջանում իրավիճակի քննարկում, եռակողմ պայմանավորվածությունների իրականացում: Երկրորդը, բնականաբար, ներքաղաքական է: Միգուցե Փաշինյանը փորձում էր որոշակի աջակցություն ստանալ Ռուսաստանից, կամ գոնե չմիջամտելու խոստում: Նա համոզում էր Ռուսաստանին, որ եթե նա պարտվի առաջիկա ընտրություններում, դա կարող է հանգեցնել հայկական կողմից պայմանավորվածությունների մերժմանը կամ վերանայմանը, ինչը չի բխում Ռուսաստանի շահերից: Նա դա ընդգծում է, որպեսզի Մոսկվան ակտիվորեն չցուցաբերի իր համակրանքը Ռոբերտ Քոչարյանի նկատմամբ, քանի որ դա կարող է լուրջ գործոն դառնալ Հայաստանի ներքաղաքական պայքարում»,-նշել է քաղաքական վերլուծաբան Հայկ Խալաթյանը:

Խոսելով Պոզներին տված Քոչարյանի հարցազրույցի մասին, Խալաթյանը նշել է.

«Քոչարյանի հարցազրույցը Պոզներին, ինչպես նաև Պեսկովի կողմից Պուտինի և Քոչարյանի բանակցությունների փաստի հաստատումը, թեկուզ հեռակա, ոչ անձնական ձևաչափով, ցույց են տալիս, որ Մոսկվան որոշակի համակրանքով է վերաբերվում նրան: Վերջին տարիներին, նախկին նախագահի նկատմամբ քրեական հետապնդման ընթացքում, Կրեմլը դա չէր էլ թաքցնում: Կաշառքի դեպքի առթիվ Քոչարյանի նկատմամբ շարունակվող քրեական հետապնդումը դժվար ապացուցելի է և լուրջ սպառնալիք չի ներկայացնում նախկին նախագահի համար: Դատարանում դա անկասկած կձախողվի: Եվ դա չի փակի ընտրությունների ճանապարհը Քոչարյանի համար:

Փաշինյանը ընտրություններում կարող է առավելագույնը ձայների մեկ երրորդի հույս ունենալ: Հետևաբար, նա ամեն ինչ կանի, որպեսզի որքան հնարավոր է քիչ ընտրողներ մասնակցեն: Կան շատ մարդիկ, որոնք դեմ են կառավարությանը, բայց դեռ չեն կողմնորոշվել իրենց ընտրության հարցում: Նվազագույն մասնակցությունը և գործող ընտրական օրենսդրությունը կարող են Փաշինյանին մեծամասնություն ապահովել խորհրդարանում ՝ նույնիսկ ձայների մեկ երրորդով: Հետևաբար, շատ բան կախված է ընդդիմությունից. կարո՞ղ է արդյոք այն միավորվել, արդյոք ընդդիմադիր կուսակցությունները միմյանցից ձայներ չե՞ն խլի, կկարողանա՞ն ապահովել ընտրողների չկողմնորոշված մասի ձայները»:

Ռուսաստանի Դաշնության կառավարությանն առընթեր ֆինանսական համալսարանի քաղաքագիտության ամբիոնի դոցենտ Գևորգ Միրզայանի խոսքերով` Կրեմլը նպատակաուղղված աջակցություն չի ցուցաբերի Փաշինյանին ընտրությունների ժամանակ:

«Հայաստանում Ռուսաստանի շահերը կապված են ոչ թե անձերի, այլ այնտեղ տիրող իրավիճակի հետ: Մեզ կայուն, զարգացող, միացյալ Հայաստան է պետք: Ոչ թե այն պատճառով, որ մենք սիրում ենք Հայաստանը, այլ այն պատճառով, որ մենք դաշնակիցներ ենք ՀԱՊԿ-ում և ԵԱՏՄ-ում և, որոշ չափով, Կովկասում ռուսական փափուկ ուժի ցուցափեղկ: Հիշեցնեմ, որ գոյություն ունի արևմտյան ինտեգրացիոն բլոկ՝ Վրաստան և թուրքական ինտեգրացիոն բլոկ՝ Ադրբեջան: Հետևաբար, Ռուսաստանի համար ձեռնտու է, որ Հայաստանը և Կովկասի երկրներին, և բոլորին ցույց տա, որ Ռուսաստանի հետ ինտեգրման մեջ մտնելը ձեռնտու է պետությանը:

Այս տեսանկյունից Ռուսաստանի համար Հայաստանի վարչապետի անհատականությունն այնքան էլ կարևոր չէ: Գլխավորն այն է, որ վարչապետը հասնի այն արդյունքին, որն ուզում է Մոսկվան: Եվ այնպես է ստացվում, որ Նիկոլ Փաշինյանը չի կարող դա անել: Նա շահագրգռված է, որ Հայաստանը դուրս գա ռուսական ինտեգրացիոն բլոկից: Փաշինյանն աշխատում է ի շահ Արևմուտքի, որը շահագրգռված է, հատկապես Բայդենի կառավարման շրջանում ՝ տեսնել Ռուսաստանին Կովկասում իր հայկական ֆորպոստը կորցրած: Հայերը չեն սիրում այս բառը`«ֆորպոստ», բայց, այնուամենայնիվ, նրանք հենց ֆորպոստ են: Ուստի այս իրավիճակում Փաշինյանը պետք չէ Մոսկվային:

Արդյո՞ք ընտրություններին Մոսկվան խաղադրույք կանի Պուտինի անձնական ընկեր Ռոբերտ Քոչարյանի կամ Հայաստանի այլ քաղաքական գործիչների օգտին, որոնց թիվը շատ է, այլ հարց է: Բայց Փաշինյանի վրա խաղդրույք չի անի: Հատկապես «Իսկանդերի» մասին նրա վերջին հայտարարություններից հետո: Սա թույլ տված սխալ չէր, այլ նրա դիրքորոշումը: Նա ոչ միայն ցանկանում է դուրս բերել Հայաստանը ռուսական ինտեգրացիոն բլոկից, այլև Լեռնային Ղարաբաղում պարտության մեղքը գցել Ռուսաստանի վրա: Փաշինյանը հանուն հաղթանակի չի օգտագործել այն հնարավորությունները, որոնք նրան տալիս էին ռուսական զենքը և ՀԱՊԿ-ին Հայաստանի անդամակցությունը:

Նա հրաժարվել էր ՀԱՊԿ-ից օգնություն խնդրել նույնիսկ այն ժամանակ, երբ Ադրբեջանը հարվածում էր ՀՀ տարածքում գտնվող հրթիռային համակարգերի վրա, և դա խոստովանել է: Դա առիթ էր, որից հրաժարվելը հիմարություն էր: Ուղղակի հարձակումը Հայաստանի վրա ՀԱՊԿ-ին կստիպեր այս կամ այն կերպ արձագանքել, ինչը կամրապնդեր Երևանի դիրքերը, գոնե քաղաքական առումով»,-ասել է Միրզայանը:

Լրահոս
Սկսում ենք «Մեր պարտքը» շարժումը Ստեփանակերտ տանող ճանապարհ ներխուժելը ահաբեկչության մի ձև է․ ՀՀ ԱԳՆ Պուտինը դեռևս չի ստացել կորոնավիրուսի դեմ երկրորդ պատվաստումը․ Պեսկով Եթե ֆորսմաժոր չլինի, ապա Լևոն Տեր-Պետրոսյանի գլխավորած կուսակցությունը կմասնակցի ընտրություններին. ՀԱԿ Արման Թաթոյանն ու Արա Աբրահամյանը հանդիպել են Ստորագրած հուշագիրը ուժի մեջ է լինելու չորս տարով ՀՀ տարածքում ջերմաստիճանն այսօրվանից զգալի կնվազի Ստեղծված իրավիճակը փոխել է պետք, բայց արդյո՞ք ընտրությունն է այդ ճանապարհը․ Հ․ Մելիք-Շահնազարյան Google–ի քարտեզում ադրբեջանցիները Երևանի կենտրոնում իրենց հերոսների անուններով հասցեներ են ավելացրել Թուրքիայում կրկին ինքնաթիռ է կործանվել Ռուս խաղաղապահները մարդասիրական օգնություն են հասցրել ԼՂ Ասկերանի շրջանի բնակիչներին և բուժկետին. ՌԴ ՊՆ Կրկին իշխանությունը հայտնվեց կոտրած տաշտակի առջև․ Մանե Գևորգյանը պետք է հեռանա. «Ժողովուրդ» ՀԱԿ-ը կմասնակցի՞ ընտրություններին. «Հրապարակ» Արթուր Վանեցյանը, ամենայն հավանականությամբ, կգնա միայնակ. «Հրապարակ» Միքայել Մինասյանի գործով քննիչն առաջիկայում ազատման դիմում է գրելու. «Ժողովուրդ» 100-120 մլն դրամի կորած կամ ոչնչացված գույքի վերաբերյալ քրեական գործ է հարուցվել. «Փաստ» Կեցցե Նիկոլ Փաշինյանը, և յուր քավորը, բնականաբար. «168 ժամ» «Կարմիր բլուր» գերեզմանների մոտ հնչել են կրակոցներ. կան վիրավորներ Ես կռվելու եմ հանուն ապագայի, մարդկանց պետք է տալ հնարավորություն չընտրելու անցյալի ու անցյալի միջև. Միքայել Մինասյան (տեսանյութ) Միքայել Հարությունյանը Մոսկվայից Արթուր Դավթյանին հանցագործության մասին հաղորդում է ուղարկել Միքայել Մինասյանի հարցազրույցը` ուղիղ Կյանքից հեռացավ փաստաբանական պալատի խորհրդի անդամ, հայտնի իրավաբան Սեդրակ Ասատրյանը Ադրբեջանում ավարտվել են ադրբեջանա-թուրքական զինված ուժերի համատեղ զորավարժությունները Գերիների հարազատները բացեցին Շիրակի մարզի բոլոր ճանապարհները Պուտինն ու Էրդողանը քննարկել են Լեռնային Ղարաբաղի հարցը ՏԵՍԱՆՅՈՒԹ․ Անտերության հոտը Արցախից ևս պետք է վերանա․ Իշխան Սաղաթելյան Դավիթ Բաբայանը չի բացառում, որ ադրբեջանցիները վաճառում են գերեվարված քաղաքացիների օրգանները Սորոսի հիմնադրամի գործադիր տնօրեն Լարիսա Մինասյանը հեռանում է Նիկոլ Փաշինյանի երեխաները «Կասկադի» սրճարանում կյանքն են վայելում. Mediaport «Դոնբասում իրադրությունը մնում է բարդ և սրվելու միտում ունի». Զախարովա Մահացել է Էլիզաբեթ 2-րդի ամուսինը` 99-ամյա արքայազն Ֆիլիպը Կիևը հայտարարել է առանց Պուտինի մասնակցության Զելենսկի-Մակրոն-Մերկել հանդիպման մասին Ադրբեջանից Ադրբեջանի կոդով ցանկ են ուղարկել ինձ, ասել են, որ երեխան իրենց մոտ է. Ծնող Ավելացնելու բան չունենք. Ավինյանի խոսնակը` Մուրադովի հայտարարության մասին Ձեր պաշտոնյաները մոլորեցնում են բնակչությանը․ Ռուստամ Մուրադովը՝ գերիների մասին Սահմանվել են հանրակրթական ուսումնական հաստատություններում 2020-2021 ուստարվա ավարտի ժամկետները Լարված իրավիճակ ՊՆ–ի մոտ․ ՈՒՂԻՂ Պայմանագրային զինծառայության մեջ գտնվելու սահմանային տարիքը կփոփոխվի, կլինեն տարբեր շեմեր ՊՆ-ն հաղորդագրություն է տարածել Անհետ կորած զինծառայողների որոնումներն այսօր արունակվում է Զանգելանի ուղղությամբ
Խմբագրի ընտրություն
website by Sargssyan