Ադրբեջանի ԱԳՆ-ն քառատողով է պատասխանել Նիկոլ Փաշինյանի հայտարարությանը

Ադրբեջանի արտաքին գործերի նախարարությունը քառատողով է պատասխանել Ազգային ժողովում ՀՀ վարչապետ Նիկոլ Փաշինյանի հնչեցրած քառատողին։ Պատասխանելով Ադրբեջանի նախագահ Իլհամ Ալիևի հայտարարություններին և Բաքվում բացված «պուրակի» վերաբերյալ հարցերին, վարչապետը մեջբերել էր Ղարաբաղյան հակամարտության առիթով Իգնատ Մամյանի հեղինակած ստեղծագործություններից մեկը․

«Էս էլ մեր պատասխանը՝ Իլհամ Ալիևին․

Ես քեզ չեմ ատում, ես խղճում եմ քեզ,

Այսպես խղճում են մարդիկ խելացի.

Հոգեհիվանդի մռայլ վանդակից՝

Իրեն հայհոյող խենթ արարածին․․․»։

Ադրբեջանի ԱԳՆ-ն պատասխան հայտարարության մեջ իրենց բանաստեղծներից Գուսեյն Ջավիդի բանաստեղծությունից է հատված մեջբերել․

«Կլինի անարժան մեկը,

Մեր հայրենիքից հող պոկելու ցանկությամբ,

Իմացեք ՝ շատ չի մնացել սպասել

Որպեսզի նա խոնարհվի նրա առաջ»,-նշվում է հայտարարության մեջ։