Պուտինն ու Էրդողանը քննարկել են Երուսաղեմում տիրող իրավիճակը
Նմանատիպ
Ռուսաստանի եւ Թուրքիայի նախագահներ Վլադիմիր Պուտինը ու Ռեջեփ Թայիփ Էրդողանը «անցկացրել են մտքերի առարկայական փոխանակում՝ կապված Արեւելյան Երուսաղեմում իրավիճակի սրման հետ»:
«Նրանք լուրջ մտահոգություն են հայտնել շարունակվող բախումների, սպանվածների եւ վիրավորների թվի աճի վերաբերյալ: Վլադիմիր Պուտինը եւ Ռեջեփ Թայիփ Էրդողանը կողմերին կոչ են արել լիցքաթափել լարվածությունը եւ խաղաղ ճանապարհով լուծել առաջացող խնդիրները», – հայտնում է Կրեմլի մամուլի ծառայությունը:
«Միեւնույն ժամանակ, նշվել է Ռուսաստանի եւ Թուրքիայի սկզբունքային դիրքորոշումը` հակամարտությունը երկու պետության սկզբունքով կարգավորելու վերաբերյալ՝ համընդհանուր ճանաչում ունեցող միջազգային իրավական նորմերի հիման վրա, ինչպես նաեւ միջազգային միջնորդների քառյակի (Ռուսաստան, ԵՄ, ՄԱԿ, ԱՄՆ) հատուկ դերը բանակցային գործընթացին նպաստելու գործում», – ասվում է հաղորդագրության մեջ:
Հետևեք մեզ նաև Telegram-ում