ՌԴ բանակի գեներալ Դվոռնիկովը Հայաստանում է
Նմանատիպ
Քիչ առաջ Hraparak.am-ը տեղեկացավ, որ Ռուսաստանի զինված ուժերի հարավային ռազմական օկրուգի զորքերի հրամանատար, բանակի գեներալ Ալեքսանդր Դվորնիկովը եկել է Հայաստան, նա հանդիպում է ունեցել պաշտպանության նախարար Վաղարշակ Հարությունյանի հետ։
Այս մասին հայտարարություն է տարածել նաև ՀՀ պաշտպանության նախարարությունը․
«Մայիսի 14-ին ՀՀ պաշտպանության նախարարի պաշտոնակատար Վաղարշակ Հարությունյանն ընդունել է աշխատանքային այցով Հայաստան ժամանած ՌԴ զինված ուժերի հարավային ռազմական օկրուգի հրամանատար, բանակի գեներալ Ալեքսանդր Դվորնիկովին (հիշեցնենք, որ ՌԴ ԶՈՒ հարավային ռազմական օկրուգի ենթակայության տակ է գտնվում Հայաստանում տեղակայված 102-րդ ռուսական ռազմակայանը):
Հանդիպման ընթացքում քննարկվել են Սյունիքի մարզում ստեղծված իրադրությունն ու դրա հանգուցալուծման ուղիները, Հայաստանի Հանրապետության զինված ուժերում մեկնարկած բարեփոխումները, անդրադարձ է կատարվել նաև տարածաշրջանային անվտանգության հետ կապված հարցերի։
Զրուցակիցները բարձր են գնահատել երկկողմ ռազմական համագործակցության մակարդակը և վստահություն հայտնել, որ նախանշված ծրագրերը կիրականացվեն ժամանակին և ամբողջ ծավալով»։
Ամբողջական հոդվածը կարող եք կարդալ այս հասցեով՝ : https://hraparak.am/post/c2a058872e62a552682c79924c0a17a8
© 2008 – 2021 «Հրապարակ օրաթերթ»
Հետևեք մեզ նաև Telegram-ում