Կութ համայնքի հովիվը նշեց, որ ինքը միայնակ է եղել, երբ ադրբեջանցիները եկել են և պահանջել հեռանալ․ Թագուհի Թովմասյան
15/05/2021 22:22
Նմանատիպ
ՀՀ 7-րդ գումարման Ազգային ժողովի պատգամավոր Թագուհի Թովմասյանը ֆեյսբուքյան իր էջում գրել է․
«Այսօր եղել եմ Գեղարրքունիքի մարզի սահմանային բնակավայրերում։ Տեղում զրուցել եմ գյուղացիների հետ, անձամբ դիտարկել ստեղծված բարդ իրավիճակը և վերստին արձանագրել իմ խորը մտահոգությունները՝ առկա սահմանային իրավիճակի վերաբերյալ։
Բնակիչների հետ հանդիպումներից մեկի ժամանակ Կութ համայնքի հովիվը նշեց, որ ինքը միայնակ է եղել արոտավայրում, երբ ադրբեջանցիները 50-ական խմբերով եկել են և հովիվից պահանջել հեռանալ։ Հովիվը կապ է հաստատել գյուղացիների հետ, կովերը հավաքել և իջել։
Այս պահին ադրբեջանցիները գյուղից մի քանի կմ հեռավորության վրա են, կարողանում են դիտարկել այն և չեն նահանջում։
Գեղարքունիքում էր նաև ՀՀ մարդու իրավունքների պաշտպան Ա․ Թաթոյանը»։
Հետևեք մեզ նաև Telegram-ում