Հնարավոր է՝ Գրիգորի Մարտիրոսյանը հեռանա ոչ միայն պաշտոնից, այլև՝ Արցախից. «Հրապարակ»

Հնարավոր է՝ Գրիգորի Մարտիրոսյանը հեռանա ոչ միայն պաշտոնից, այլև՝ Արցախից. «Հրապարակ»

«Հրապարակ» թերթը գրում է. «Արցախի նախագահ Արայիկ Հարությունյանը ուռճացնում է պետական ապարատը․ նոր հաստիքներ է բացում՝ երբեմն անօրինական, աշխատանքի է տեղավորում բոլոր այն շրջանակների ներկայացուցիչներին, որոնցից վտանգ է սպասում, որոնք պոտենցիալ ընդդիմություն են։

Օրերս գրեցինք, որ Սամվել Բաբայանի խոսնակ Անուշ Դոլուխանյանը, չունենալով ոլորտի փորձառություն, նշանակվել է Արցախի փոխարտգործնախարար, դեռևս չեն հայտարարել, բայց Դոլուխանյանը մեզ հետ զրույցում հաստատել է։ Երեկ մեկ այլ նշանակման մասին տեղեկացանք, կրկին՝ պաշտոնական հրամանագիրը դեռևս չկա։ Խոսքն Արցախի նախկին արտգործնախարար Մասիս Մայիլյանի եղբորը՝ Լյովա Մայիլյանին, ԱԱԾ տնօրենի տեղակալ նշանակելու մասին է։ Այս դեպքում նա գոնե համակարգի աշխատող է եղել, նույն պաշտոնն է զբաղեցրել 2000-ականներին։

Թեև մի կողմից պաշտոնների տեղավորվելու հրմշտոց կա, մյուս կողմից գնալով մշուշոտ է դառնում Արցախի ապագան, և ոչ միայն շարքային արցախցիներն են սկսում մտածել արտագաղթելու մասին, այլև որոշ բարձրաստիճաններ։ Լուրեր կան, որ հնարավոր է Արցախի պետնախարար Գրիգորի Մարտիրոսյանը նախ արձակուրդ մեկնի, ապա հեռանա ոչ միայն պաշտոնից, այլև՝ Արցախից»:

Մանրամասները՝ թերթի այսօրվա համարում:

Հետևեք մեզ նաև Telegram-ում