Նապաստակին ուզում ես երկաթե մանդատ տուր, ուզում ես տիտանից մանդատ տուր՝ նապաստակը մնում է նապաստակ․ Ռոբերտ Քոչարյան
Նմանատիպ
ՀՀ 2-րդ նախագահ Ռոբերտ Քոչարյանն այսօր՝ հունիսի 12-ին, նախընտրական քարոզարշավով Լոռու մարզում է։
Տաշիրում իր համարկիների մոտ հարց բարձրացրեց, թե վերջին անգամ երբ է այստեղ ասֆալտապատում կատարվել։
«Ինձ հուշեցին, որ վերջին անգամ 2003 թվականին է ասֆալտապատվել։ Ես այստեղ տեսնում եմ հետաքրքիր շենքեր, ձեր բախտը բերել է, որ կա Կարապետյանների ընտանիքը և այսպես ասեմ՝ ձեր հույսն այս կառավարության հետ չի կապված։ Եթե սրանց հետ կապված լիներ, ապա ոչինչ չէր լինի, եղածն էլ երևի քանդված կլիներ։
Սիրելի ժողովուրդ, հիմա ընտրությունը արժանապատիվ խաղաղության և ծնկաչոք ապրելու շարունակության մեջ է։ Հիմա ընտրությունը՝ ճգնաժամ ունենալն է, թե թռիչքաձև տնտեսական աճի ցանկությունն է։ Մենք գալիս ենք մեկ նպատակով։ Մենք գալիս ենք՝ անելու ամեն ինչ՝ ձեր հոգսերը թեթևացնելու համար, ճանապարհները վերանորոգելու համար։
Դուք կտեսնեք, որ շատ արագ այս ճանապարհն այս վիճակում չի լինելու։ Ես չեմ ուզում այս իշխանություններից խոսալ, որովհետև սրանք պրծված են, էլ չկան, գոյություն չունեն։
Նապաստակին ուզում ես երկաթե մանդատ տուր, ուզում ես տիտանից մանդատ տուր՝ նապաստակը մնում է նապաստակ։ Ամենից լավը կարելի է մի լավ չախոբիլի սարքել նապաստակից, ուրիշ բանի պիտանի չի»,-ասաց Ռոբերտ Քոչարյանը։
Նա նշեց, որ հանգստություն է բերելու, իրենք մերժում են վենդետաները, յուրաքանրյուր բաժանում՝ սևոր ու սպիտակներ, հներ ու նորեր․․․
Հետևեք մեզ նաև Telegram-ում