Ժամը 07։30-ի դրությամբ ունենք երկու զոհ և դիրքի կորուստ. «Հրապարակ»
28/07/2021 08:53
Նմանատիպ
Հայ-ադրբեջանական սահմանում գիշերը սկսված տեղական մարտական գործողությունների ընթացքում, ըստ պաշտոնական աղբյուրների, երկու կողմերն էլ կորուստներ են կրել։ Պաշտպանության նախարարությունից տեղեկացնում են, որ ժամը 07։30-ի տվյալներով հայկական կողմն ունի «երկու վիրավոր, ևս հինգ զինծառայողի վերաբերյալ տվյալները ճշտվում են»։
Մինչդեռ Hraparak.am-ը գրում է, որ իրենց տեղեկություններով՝ հայկական կողմն ունի 2 զոհ եւ դիրքի կորուստ։
Պաշտպանության նախարարությունը նաև գրում է, որ հակառակորդը փորձում է բարելավել իր հենակետերը` ստեղծելով բարենպաստ պայմաններ առաջխաղացման համար։
ՀՀ ԶՈւ ստորաբաժանումները կատարում են իրենց առջև դրված մարտական խնդիրները, իրականացնում են յուրային դիրքերի պաշտպանություն՝ թույլ չտալով հակառակորդի առաջխաղացումը։
Հետևեք մեզ նաև Telegram-ում