Արթուր Ալեքսանյանի՝ Օլիմպիական խաղերի եզրափակչին չմասնակցելու հարցը չի քննարկվում. Մարզիչ

Արթուր Ալեքսանյանի՝ Օլիմպիական խաղերի եզրափակչին չմասնակցելու հարցը չի քննարկվում. Մարզիչ

Արթուր Ալեքսանյանն իրեն լավ է զգում, այս պահին հիվանդանոցում ենք, բուժզննում է անցնում, ներարկումներ են անում։ Ամեն ինչ կանենք, որ վաղը լիարժեք, առանց որեւէ ցավի դուրս գա մրցագորգ։ Օլիմպիական խաղերն այն մրցաշարը չէ, որ հրաժարվենք եզրափակիչ գոտեմարտին դուրս գալուց։ Արթուրի չմասնակցելու հարցն այս պահին չի քննարկվում։

Այս մասին NEWS.am Sport-ի թղթակցի հետ զրույցում Տոկիոյից ասաց հունահռոմեական ըմբշամարտի Հայաստանի հավաքականի գլխավոր մարզիչ Էդուարդ Սահակյանը։

Ռիո-2016 Օլիմպիական խաղերի չեմպիոն, աշխարհի եռակի ու Եվրոպայի հնգակի չեմպիոն, Եվրոպական խաղերի հաղթող Արթուր Ալեքսանյանը հունահռոմեական ըմբշամարտի օլիմպիական մրցաշարի կիսաեզրափակիչում մրցեց 23-ամյա իրանցի Մոհամադհադի Սարավիի հետ ու հաղթեց 4:1 հաշվով։ Գոտեմարտի վերջնամասում Արթուր Ալեքսանյանը ոտքի մկանի վնասվածք ստացավ։

Հետևեք մեզ նաև Telegram-ում