Բրիտանուհին բացատրել է՝ ինչու է դագաղով լողում Ուայ գետում (տեսանյութ)
08/08/2021 16:15
Նմանատիպ
Մեծ Բրիտանիայի բնակչուհի Անջելա Ջոյսը սկսել է դագաղով լողալով անցնել Ուայ գետը՝ ջրի աղտոտման խնդրի վերաբերյալ հասարակության իրազեկվածությունը բարձրացնելու համար, գրում է Tert.am-ը՝ հղվելով BBC-ին:
Շագանակագույն դագաղի վրա գրված է Death of the Wye՝ Ուայի մահը: Դագաղից բացի լողորդուհին իր հետևից քաշում է երկու լաստանավ, որոնց վրա պատկերված է մահը՝ եղանովը:
Կինը բացատրել է, որ նախկինում փորձել է այս հարցի վրա ուշադրություն հրավիրել հոդվածների միջոցով, բայց դրանք ուշադրություն չեն գրավել: Հետևաբար, նա որոշել է նման գործողություններ կատարել՝ իշխանություններին հասնելու համար:
Կինը իշխանություններին կոչ է արել բարձրացնել շրջակա միջավայրն աղտոտելու համար տուգանքները և ուժեղացնել բոլոր գետերի պաշտպանությունը:
Հետևեք մեզ նաև Telegram-ում