AM | RU
USD
EUR
RUB

44-օրյա պատերազմի քննիչ հանձնաժողով։ Ի՞նչ է կատարվում կուլիսներում

 

Անցնող շաբաթն աչքի ընկավ խորհրդրանում տեղի ունեցող սուր քննարկումներով, որոնք դարձան ներքաղաքական զարգացումների` չափից ավելի լարված լինելու հերթական ապացույցներից մեկը։ Ըստ էության, 8-րդ գումարման Ազգային ժողովը դեռևս չի էլ անցել Հայաստանի իրական քաղաքական, սոցիալական և տնտեսական օրակարգերի քննարկմանը։ Այն, ինչին ականատես եղանք բոլորս այս օրերին, ընդամենը տեխնիկական խնդիրների շուրջ ընթացող մարտեր էին, որոնց ելքը կանխորոշված էր ՀՀ Սահմանադրությամբ և մի շարք այլ օրենքներով։ Այսինքն, անկախ այն բանից, թե ինչ թատրոն կխաղար իշխանական ֆրակցիան խորհրդարանում, միևնույն է Իշխան Սաղաթելյանն ընտրվելու էր Ազգային ժողովի նախագահի տեղակալի պաշտոնում, իսկ Ալեն Սիմոնյանն էլ դառնալու էր խոսնակ։ Եվ այս բոլորը, կրկնում եմ, ընդամենը տեխնիկական հարցեր էին։

Մինչդեռ, այս Խորհրդարանին իրականում դեռևս բազում դժվար և իրապես կարևոր խնդիրներ են սպասում։ Դրանցից մեկը, օրինակ, վերաբերվում է անցած 44-օրյա պատերազմի հանգամանքների քննության հանձնաժողովի ձևավորմանն ու դրա աշխատանքներին։ Խորհրդարանում ներկայացված քաղաքական ուժերն արդեն սկսել են խոսել այն մասին, թե ինչ պատկերացումներ ունեն այդ հանձնաժողովի կառուցվածքի, գործունեության տրամաբանության և նպատակների մասին։ Ինչպես և կարելի էր ակնկալել, այս հարցում ևս իշխանության և ընդդիմության դիրքորոշումները տրամագծորեն տարբեր են։ Այսպես, ընդդիմությունը պնդում է, որ տվյալ հանձնաժողովը չի կարող լինել իշխանությունների գործիքը, որովհետև այդ պարագայում վերջիններս պարզապես կկոծկեն պատերազմի մեկնարկի և պարտության պատճառ դարձած իրենց մեղքը։ ՔՊ-ականներն էլ, բնականաբար, ամեն ինչ անում են, որպեսզի պարտության պատասխանատվությունը գցեն այսպես կոչված նախկինների վրա։

Բայց եկեք անկեղծ լինենք՝ այն, ինչ հնչում է իշխանությունների ու ընդդիմության շուրթերից, որքան սպասելի ու օրինաչափ է, նույնքան էլ անհետաքրքիր։ Ի վերջո, ի՞նչ պիտի ասեին երկու հակամարտող կողմերի ներկայացուցիչները։ Կարծում եմ՝ թե՛ իշխանության և թե՛ ընդդիմության՝ հանրային դաշտում երևացող գործելաոճը շատ հասկանալի ու կանխատեսելի է։

Առավել հետաքրքիր է, թե ինչ են անում նրանք կուլիսներում։ Այստեղ ահա ամեն ինչ շատ ավելի լուրջ է ու հեռուն գնացող նպատակներով։ Այսպես, Lragir.am կայքում նախօրեին լույս է տեսել մի հոդված, որի հեղինակը փորձում է ապացուցել, որ Հայաստանում պատերազմի իրական մեղավորներ պետք չէ փնտրել։ Հակառուսական գծում մասնագիտացած այս լրատվամիջոցը, իր ոճին համաձայն, ամեն ինչ բարդում է Ռուսաստանի վրա, իսկ Հայաստանի թե՛ իշխանությանը և թե՛ ընդդիմությանը դիտարկում որպես Մոսկվայի գործիք ու կամակատար։ Որոշակի «անաչառություն» և «օբյեկտիվություն» պահելու համար Lragir.am-ը պատերազմի մեղավոր է նշում նաև Ադրբեջանին ու նրա իշխանություններին (համաձայնեք՝ շատ «խոր» են մտածում ), բայց հոդվածի հիմնական նպատակը, ինչպես երևում է դրա բովանդակությունից, պատերազմի հանգամանքները քննող ԱԺ ստեղծվելիք հանձնաժողովի աշխատանքներն իսկզբանե անարդյունավետ կոչելն է։ Իսկ ավելի կոնկրետ՝ Փաշինյան Նիկոլին ու նրա թիմակիցներին պատասխանատվության բեռի տակից հանելը։ Իբրև թե՝ դե ո՞վ են նրանք, որ մի բան էլ մեղավոր լինեն, ամեն ինչի և՛ հեղինակը, և՛ պատասխանատուն Ռուսաստանն է։ Ընդ որում, անհասկանալի է մնում, թե ինչու են Լրագրում բացառում, որ եթե իրապես նորմալ և անաչառ գործող հանձնաժողով լինի, ապա հենց ինքը՝ հանձնաժողովը, կարող է հանգել նույն Ռուսաստանից պատասխաններ պահանջելու անհրաժեշտությանը։

Ես իհարկե չեմ բացառում, ավելին՝ շատ դեպքերում տեսանելի եմ համարում արտաքին ուժերի բացասական ազդեցությունը Արցախի ճակատագրի և պատերազմի՝ մեզ համար ողբալի հետևանքների հարցում։ Բայց եկեք իրերը զանազանենք միմյանցից և հասկանանք, որ ներքին դավաճանությունը, անկարողությունը, բացթողումները մեկ բան են, իսկ արտաքին ազդեցությունը՝ մեկ այլ։ Սա իհարկե չի նշանակում, որ մենք չպիտի քննենք գերտերությունների՝ այդ թվում նաև Ռուսաստանի դերակատարումը Արցախի ու Հայաստանի դեմ սանձազերծված պատերազմում։ Ու եթե անգամ պարզվի, որ իսկապես ողջ աշխարհն է պատերազմել մեր դեմ, ամեն դեպքում դա դեռ չի նշանակի, որ Փաշինյան Նիկոլն ու նրա թիմը չպիտի դրա համար պատասխանատվություն կրեն։ Այո, հայտնի ճշմարտություն է, որ հաղթանակները բազում ծնողներ ունեն, իսկ պարտություները որբ են ու անտեր, բայց վստահեցնում եմ, որ մեր պարտությունն այդ դեպքը չէ։ Հետևաբար չի կարելի թույլ տալ, որպեսզի տարատեսակ քարոզչական հնարքներով իշխանությունները, կամ ցանկացած ուրիշ ուժեր, կարողանան անլրջացնել պատերազմի պատճառներն, ընթացքը ու հետևանքը քննող կառույցների, այդ թվում նաև՝ խորհրդարանական հանձնաժողովի աշխատանքները և սլաքները դեպի դուրս ուղղեն։

Պատերազմում կրած պարտության համար բոլոր մեղավորները պետք է բացահայտվեն՝ լինեն նրանք հին թե նոր, զինվորական թե քաղաքացիական, դուխով թե խելքով… կարևոր չէ. նրանք պետք է բացահայտվեն։ Ինչպես նաև պետք է բացահայտվեն պատերազմի պատճառները։ Եվ սա ազգային թիվ մեկ օրակարգն է։ Որովհետև դրանից է կախվախ նաև հայկական երկու պետությունների լինել-չլինելու հարցը։

Հրանտ ՄԵԼԻՔ-ՇԱՀՆԱԶԱՐՅԱՆ
«Ոսկանապատ» վերլուծական կենտրոն

Լրահոս
Հրդեհ` Աբովյան փողոցում Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ» Իշխան Սաղաթելյանը մեկնել է Եվրոպա. նա բարձր մակարդակի 10-ից ավելի հանդիպում է ունենալու «Հրապարակ» «Ի պաշտպանություն ՀՀ Սահմանադրության»․ այսօր, ժամը 11։00-ին երթ է լինելու Հայաստանը նշում է Սահմանադրության օրը Մի շարք համայնքներում կդադարեցվի ջրամատակարարումը Հայաստանում երկրաշարժ է տեղի ունեցել Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ հայաստանյան բանկերում Ահազանգեր են ստացվել, որ Ռուսաստանի և Չինաստանի դեսպանատներում ռումբեր են տեղադրված ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել «3+3» ձևաչափով հաջորդ հանդիպումը տեղի կունենա Իրանում․ Բայրամով Կոտայքի մարզում 8-ամյա տղան պատահական կրակոցից մարմնական վնասվածք է ստացել Իշխանությունը չունի սոցիալական հենարան, բայց սա մեխանիկորեն չի ենթադրում ընդդիմության հաջողություն Գեղարքունիքում 44-ամյա վարորդը վրաերթի է ենթարկել հորեղբոր 13-ամյա թոռանը. վերջինս մահացել է ՈւՂԻՂ. Ակցիա Բաղրամյան-Դեմիրճյան խաչմերուկում Որոշել եմ վայր դնել պատգամավորի մանդատս․ Արթուր Ղազինյան Արցախի լինել-չլինելու հարցն է դրված, կառուցվող նոր ճանապարհը շատ մեծ վտանգներ է պարունակում Բրիտանական զինված ուժերը թուլացել են Ուկրաինային զենք մատակարարելու պատճառով Զոհվածների մեջ որդուն փնտրող հայրը նրան ողջ է գտել Երևանում 50 Cent-ին մատանի են նվիրել, ինչ է խորհրդանշում այն Կիևը բալիստիկ հրթիռներով հարվածել է ՌԴ Բելգորոդի և Կուրսկի բնակելի թաղամասերին Երբ կվճարվի հուլիս ամսվա կենսաթոշակը Դոլարի, եվրոյի և ռուբլու փոխարժեքը՝ տարադրամի փոխանակման կետերում Ինչպիսի եղանակ է սպասվում Հայաստանում Նիկոլի իշխանության կողմից հալածվելը պատիվ է. Իշխան Սաղաթելյան Հուլիսի 4-ին Երևանի և 7 մարզերի որոշ հասցեներում մի քանի ժամ լույս չի լինի Ինչպիսի եղանակ է սպասվում Հայաստանում Իրանում 9 բալ ուժգնությամբ երկրաշարժ է եղել․ կան զոհեր Երևանում հետխորհրդային շրջանում առաջին անգամ կառուցվել է տրոլեյբուսային երթուղու նոր ուղեհատված
Խմբագրի ընտրություն
website by Sargssyan