«Դոմոդեդովոյում» Հայաստանից բերված ավելի քան 7500 տուփ մաքսանենգ ծխախոտ է առգրավվել
07/09/2021 13:02
Նմանատիպ
Մոսկվայի «Դոմոդեդովո» օդանավակայանի աշխատակիցները կանխել են առանց ակցիզային դրոշմանիշերի ծխախոտային արտադրանքի մեծ խմբաքանակի ներկրումը ՌԴ տարածք: Այս մասին տեղեկացնում է Tert.am-ը։
Ինչպես հաղորդում է Подмосковье Сегодня-ն՝ հղում անելով օդակայանիմաքսային ծառայության հաղորդագրությանը, մաքսանենգ ապրանքը հայտնաբերվել է Երևանից ժամանած երկու ուղևորի ուղեբեռում:
Նշվում է, որ առգրավված ապրանքների շարքում են «VIP Blue», «Black Tip», «Garni», «Cigaronne»՝ 631 բլոկ և 1197 տուփ կամ 150 000 ծխախոտ:
Ինչպես հայտնում է «Դոմոդեդովոյի» մաքսային ծառայությունը, սա այս շաբաթ Հայաստանից չմակնշված ծխախոտ ներկրելու արդեն երկրորդ փորձն է: Գործով ստուգումներ են սկսվել:
Հետևեք մեզ նաև Telegram-ում