Ադրբեջանն ազատ է արձակել Գորիս-Կապան ճանապարհին ձերբակալված իրանցի վարորդներին

ԵՐԵՎԱՆ, ՀՈԿՏԵՄԲԵՐԻ 13, Times․am։ Ադրբեջանն ազատ է արձակել Սյունիքում` Գորիս-Կապան ճանապարհին ձերբակալված իրանցի երկու վարորդներին: Այս մասին հայտնում է իրանական Mehr գործակալությունը:

Հաղորդվում է, որ վարորդներն ազատ են արձակվել երկու երկրների ԱԳ նախարարների հեռախոսազրույցի հաջորդ օրը:

Հիշեցնենք, վարորդներին ձերբակալել էին սեպտեմբերի 15-ին՝ Գորիս-Կապան ճանապարհին տեղակայված ադրբեջանական ոստիկանական անցակետում: