AM | RU
USD
EUR
RUB

«Կան աշխատություններ՝ չեն հնանում․ այս աշխատությունը գիտելիքի մասին է, որը մեզ պակասում է»․ կայացավ Լևոն Մելիք-Շահնազարյանի «Հայաստանի աշխարհաքաղաքական միջավայրը» գրքի շնորհանդեսը

 

ԵՐԵՎԱՆ, ՀՈԿՏԵՄԲԵՐԻ 23, Times․am: Հասարակական գործիչ, քաղաքագետ, Արցախյան շարժման գործիչ, ԼՂԻՄ ինքնապաշտպանության շտաբի անդամ, «Միացում» կազմակերպության նախագահի տեղակալ, 1992-1995 թվականներին ԼՂՀ ԳԽ արտաքին հարաբերությունների հանձնաժողովի նախագահ Լևոն Մելիք-Շահնազարյանի գիտական-վերլուծական աշխատություններից մեկը՝ «Հայաստանի աշխարհաքաղաքական միջավայրը», լույս տեսավ նրա մահվանից մի քանի տարի անց։ Այսօր կայացավ գրքի շնորհանդեսը։ Այս մասին գրում է Aysor.am-ը։

Գրքում Լևոն Մելիք-Շահնազարյանը վերլուծել ու ներկայացրել է այն աշխարհաքաղաքական իրողություններն ու իրականությունը, որը կար Հայաստանի շուրջ 1990-ականների և 2000-ականների սկզբին, ուսումնասիրել է աշխարհաքաղաքական տարբեր գործընթացների ազդեցությունը Հայաստանում այդ ծանրագույն ժամանակաշրջանում տեղի ունեցող գործընթացների վրա, տվել է նաև գնահատականներ ու եզրահանգումներ, որոնք ակտուալ են նաև այսօր։

Գրքի շնորհանդեսին Լևոն Մելիք-Շահնազարյանի որդին՝ քաղաքագետ Հրանտ Մելիք-Շահնազարյանը, որի նախաձեռնությամբ էլ աշխատությունը լույս է տեսել, ասաց, որ աշխատությունը տպագրվել է սկզբնական տեսքով՝ առանց որևէ միջամտության ու խմբագրման։

« «Հայաստանի աշխարհաքաղաքական միջավայրը» գիրքը հասցեագրված է նրանց, ովքեր հասկանում են այն ժամանակվա իրողությունները։ Որքան էլ տարածված են հորս աշխատությունները, որքան էլ կարևոր նշանակություն ունեն մեր պետության անվտանգության, տեղեկատվական անվտանգության, պատմական եղելությունները գնահատելու տեսակետից, այնուամենայնիվ, այս գիրքը նրա ամենահիմնարար աշխատանքն է, երկար ու գիտական լուրջ հետազոտություն է՝ մեր տարածաշրջանի աշխարհաքաղաքական իրողությունների, մեր ժողովրդի քաղաքակրթական հիմքերի վերաբերյալ։ Նա մեր հարևան պետությունների ուժեղ և թույլ կողմերի գիտական ուսումնասիրություն է իրականացրել, ձևավորել է մոտեցում, որը մեծ արժեք ունի Հայաստանի քաղաքական, ազգային նպատակները ձևավորելու տեսակետից։ Այսինքն, մեթոդոլոգիական մոտեցում է ձևավորել», - ասաց Հրանտ Մելիք-Շահնազարյանը։

 Ինչպես նշեցին շնորհանդեսին ներկա փորձագետներն ու գործիչները՝ Լևոն Մելիք-Շահնազարյանը, որն այն եզակի մարդկանցից ու գործիչներից էր, որ խորությամբ տիրապետում էր նեղ թեմատիկ ուղղությունների, շատ կարևոր քայլ է արել՝ դրանց նաև գրավոր տեսք տալով, դարձնելով աշխատություններ։ Այսպիսի աշխատությունները, ըստ ԱԺ «Պատիվ ունեմ» խմբակցության պատգամավոր Տիգրան Աբրահամյանի, կարող են նաև որպես դասագիրք ծառայել։

«Սա նաև, առաջին հերթին, դասագիրք է տարբեր ԲՈՒՀ-երի ուսանողների համար, շատ կարևոր է նաև այսօրվա քաղաքական գործիչների համար, իսկ դաշտում շատ քչերն են, որոնք այս աշխատությունում ներկայացված իրողությունները հաշվի են առնում։

Հաջորդ՝ ցանկացած նորմալ իշխանություն, որն իր առջև նպատակ կդնի վերականգնել երկիրն ու Արցախի հարցը դնել նորմալ ռելսերի վրա, նրա համար առաջնահերթ կարող է լինել այն բազան, այն գործիքները, որոնք այս աշխատության մեջ ներկայացրել է Մելիք-Շահնազարյանը», - ասաց պատգամավորը։

Նա ընդգծեց, որ հեղինակի կողմից արված վերլուծությունն արդիական է նաև այսօրվա համար։

«Կան աշխատություններ, որոնք ոչ մի կերպ չեն հնանում։ Նման աշխատությունները չեն հնանում մի շատ պարզ տրամաբանությամբ․ ինչպես Լևոն Մելիք-Շահնազարյանն է նշում իր աշխատության մեջ, քաղաքակրթական գործոնները հարատև, երկարատև գործոններ են և փոփոխվում են շատ երկարատև ժամանակաընթացքում», - աշխատության վերաբերյալ իր կարծիքը ներկայացրեց նաև փորձագետ, նախկին պատգամավոր Միհրան Հակոբյանը։

Լևոն Մելիք-Շահնազարյանի գիրքը, նրա խոսքով, այն մասին է, թե ինչ տեղ ունի Հայաստանը աշխարհում և տարածաշրջանում։

«Ինչի՞ մասին է այս աշխատությունը․ եթե շատ կարճ ասենք՝ գիտելիքի։ Գիտելիքի, որը մեզ պակասում է։ Այս աշխատությունն այն մասին է, թե ինչպիսին ենք մենք մշակութապես, քաղաքականապես, քաղաքակրթապես, ինչպիսին են մեր հարևանները մշակութապես, քաղաքականապես, քաղաքակրթականապես, ինչ շահեր ունեն մեր հարևանները, ինչ շահեր ունենք մենք, ինչպես կարող ենք համագործակցել, ինչպես չենք կարող համագործակցել, որտեղ է մեր շահերի կարմիր գիծը։ Գիտելիք է դրա մասին և շատ կարևոր գիտելիք է, որը կարող է վերածվել մեր պետության արտաքին քաղաքականության գաղափարախոսության գոնե կմախքի», - ասաց Միհրան Հակոբյանը։

Լևոն Մելիք-Շահնազարյանի «Հայաստանի աշխարհաքաղաքական միջավայրը» գիրքը հրատարակել է «Հայրապետ» հրատարակչությունը, այն արդեն հասանելի է լայն ընթերցողի համար։

Լրահոս
Եռակողմ հայտարարության մեջ տառ անգամ չկա ռազմագերիների վերադարձի մասին Հավաքվել ենք այստեղ, որպեսզի թույլ չտանք սահմանին որևէ ողբերգական դեպք. Պուտինը` Փաշինյանին Պետք է ստեղծել սահմանների դելիմիտացիայի և դեմարկացիայի հարցերով երկկողմ հանձնաժողով․ հայտարարություն Սոչիում մեկնարկեց Փաշինյան-Պուտին հանդիպումը Պուտին, Ալիև և Փաշինյան եռակողմ բանակցություններն ավարտվել են․ շուտով կտարածվի հայտարարություն Ամերիաբանկը ներգրավել է 30 մլն ԱՄՆ դոլարի վարկ ՕՊԵԿ-ի Միջազգային զարգացման հիմնադրամից` ՀՀ-ում կայուն էներգետիկայի և ՓՄՁ ֆինանսավորման համար Ադրբեջանական զորքերը ներխուժել են Հայաստանի ինքնիշխան տարածք. Նիկոլ Փաշինյան Սոչիում մեկնարկել է Փաշինյան-Պուտին-Ալիև հանդիպումը Վարանդայի (Ֆիզուլի) շրջանից հայտնաբերվել է ևս մեկ աճյուն Գորիս-Կապան ավտոճանապարհին տեղադրվել է Ադրբեջանին պատկանող SOCAR-ի բենզալցակայան Այս իրավիճակում գործող վարչապետը չի կարող լինել արդյունավետ բանակցող․ հայտարարություն Մեծ Բրիտանիան ռազմական տեխնիկա կփոխադրի Գերմանիա «ի դեպս Ռուսաստանի հետ պատերազմի» Փաշինյանը Հայաստանը տանում է դեպի կործանարար պատերազմի. տեսանյութ Փաշինյանը ժամանեց Սոչի՝ հանդիպելու Պուտինի և Ալիևի հետ․ տեսանյութ Ադրբեջանից ՌԴ միջնորդությամբ վերադարձած զինծառայողը Բաքվում վիրահատվել է. 24News.am Ցեղասպանության միջազգային ճանաչման գործընթացից հայկական կողմը հրաժարվել է, Արցախը հանձնված է Ոստիկանները բերման են ենթարկում իրազեկման ակցիա իրականացնող Արա Զոհրաբյանին Ովքեր են Նիկոլ Փաշինյանի հետ մեկնել Սոչի Պատրաստ եմ իմ ազգի համար լինել և կոշկարար, և հավաքարար, և ղեկավար Հայաստանի ֆուտբոլի կանանց հավաքականը 19:0 հաշվով պարտվել է Բելգիային ԱՀԿ-ն արտակարգ խորհրդակցություն Է գումարում կորոնավիրուսի նոր շտամի պատճառով Ադրբեջանը հայկական կողմին երկու գերեվարված զինվորի է փոխանցել Փաշինյանն աշխատանքային այցով մեկնել է Սոչի․ նախատեսվում է եռակողմ հանդիպում Սալոնիկում կրկին քարոզչական սադրանք է հրահրվել ադրբեջանցիների կողմից 3 մարզերում ձյուն է տեղում, Սպիտակի ոլորանները դժվարանցանելի են, Գորիսում և Քաջարանում մառախուղ է Երևանի և 6 մարզերի որոշ հասցեներում մի քանի ժամ լույս չի լինի․ ՀԷՑ Սյունիքի համայնքապետերի հետ հանդիպմանը Փաշինյանը սենսացիոն հայտարարություն արել․ «Հրապարակ» Որտե՞ղ է Գագիկ Ծառուկյանը նշել ծննդյան տարեդարձը․ «Հրապարակ» Վայքի իշխանական թեկնածուն մեղադրվել է կաֆել-մետլախ գողանալու մեջ․ «Ժողովուրդ» Այսօր տեղի կունենա եռակողմ հանդիպումը. ինչ է սպասվում. «Ժողովուրդ» Սահմանագծումից ու սահմանազատումից հետո էլ երաշխիք չկա, որ խաղաղ կլինի Ինչ աստիճան պետք է մարդ զերծ լինի ազգային արժանապատվությունից, որ աղաչի Թուրքիային իրեն քաղցր աչքով նայել Հադրութի շրջանում որոնողական աշխատանքներն այսօր արդյունք չեն տվել. Արցախի ԱԻՊԾ Ռուսաստանում փորձարկվում է ՄիԳ-31 կործանիչ-կալանիչի արդիականացված տարբերակը 37 անձի մեղադրանք է առաջադրվել կաշառքով վարորդական իրավունքի վկայականների տրամադրման և ձեռքբերման համար Նոյեմբերի 24-25-ին անցկացվել է հայ-ռուսական համատեղ զորավարժություն Բանակին պետք է զենք, զենքը պետք է գնել փողով, փողը ստեղծում է տնտեսությունը, բայց․․․ ՀՀ տարբեր բնակավայրերում ձյուն է. Գորիս-Սիսիան ավտոճանապարհին և Մեղրիի լեռնանցքներում՝ մառախուղ Չինաստանը հայտարարել է Իրանի հետ համատեղ ճնշմանը դիմակայելու պատրաստակամության մասին Պատերազմի մասնակից ևս 28 զինծառայողների ընտանիքներ հատուցում են ստացել
Խմբագրի ընտրություն
website by Sargssyan