Ռուս բժիշկը, որը դեմ էր պատվաստումներին և դիմակներ կրելուն, մահացել է կորոնավիրուսից

Ռուս բժիշկը, որը դեմ էր պատվաստումներին և դիմակներ կրելուն, մահացել է կորոնավիրուսից

ԵՐԵՎԱՆ, ՆՈՅԵՄԲԵՐԻ 10, Times․am: Հոմեոպաթ բժիշկ Յուրի Պոպովը, որը Չելյաբինսկում սեփական կլինիկան էր ղեկավարում և դեմ էր պատվաստմանը, մահացել է կորոնավիրուսային վարակից։ Այս մասին հայտնում է life.ru։

«Հիմա հարցնում են, թե ինչպես եղավ, ինչո՞ւ նա չկարողացավ փրկել իրեն: Յուրի Պոպովը հոմեոպաթ էր և հետազոտող, նա ցանկանում էր հաղթել այս անհայտ հիվանդությանը, բայց միշտ ավելի դժվար է ինքդ քեզ բուժելը»,- ասել է բժշկի գործընկերը։

Յուրի Պոպովը 59 տարեկան էր։ Նա մարդկանց կորոնավիրուսից բուժում էր հոմեոպաթիկ միջոցներով։ Բժիշկը դեմ էր հակաքովիդային պատվաստումներին և դիմակների պարտադիր կրմանը։

Հետևեք մեզ նաև Telegram-ում