AM | RU
USD
EUR
RUB

Սեյրան Օհանյանին թույլ չեն տալիս ծանոթանալ ապրիլյան պատերազմի քննիչ հանձնաժողովի վերլուծությանը. Փաստինֆո

 

ԵՐԵՎԱՆ, ԴԵԿՏԵՄԲԵՐԻ 3, Times․am: Իշխանությունները խուսափում են 44-օրյա պատերազմի վերաբերյալ քննիչ հանձնաժողով ստեղծել, քանի որ չեն ցանկանում, որ իրենց իսկ թերությունները վեր հանվեն: «Փաստինֆո»-ի հետ զրույցում ասաց «Հայաստան» խմբակցության ղեկավար, ՊՆ նախկին նախարար Սեյրան Օհանյանը:

Դեռևս հուլիսին ԱԺ նախագահ Ալեն Սիմոնյանը հայտարարեց, որ 44-օրյա պատերազմի վերաբերյալ քննիչ հանձնաժողով է ստեղծվելու, սակայն այս հայտարարությունից անցել է շուրջ 5 ամիս, իսկ հանձնաժողովն ստեղծված չէ:

Ըստ Օհանյանի՝ քննիչ հանձնաժողովի ստեղծումը ձգձգվում է, քանի որ իշխանությունները չեն ցանկանում վեր հանել իրենց թերությունները.

«Խորհրդարանում այս 4 ամսվա աշխատանքի ընթացքում մենք չենք տեսել ինքնաքննադատական որևէ խոսք, իրենց կատարած աշխատանքը փայլուն են համարում: Երբ ստեղծվի քննիչ հանձնաժողով, ապա այն լինելու է Պաշտպանության և անվտանգության հարցերի հանձնաժողովի կազմում, որի տեղակալը պետք է լինի ընդդիմությունից, եւ այդ հանձնաժողովը պետք է գնահատական տա բոլոր այն մարմիններին, որոնք պետությունը՝ խաղաղությունից պատերազմի անցնելու միջոցառումների մեջ ինչ-որ գործառույթներ են ունեցել։ Պետք է գնահատական տրվի ԱԺ-ին և Պաշտպանության հանձնաժողովին, այս ամենը հաշվի առնելով նրանք փորձում են ձգձգել»,-ասաց Ս.Օհանյանը:

Մինչ քննարկվում է քննիչ հանձնաժողով ստեղծելու գաղափարը, Արցախի ԱԽ նախկին քարտուղար Սամվել Բաբայանը ուշագրավ հայտարարություն է արել, որ զինված ուժերում փորձում են խմբագրել, կեղծել պատերազմական շրջանի հրամանները:

Անդրադառնալով այս հայտարարություններին՝ Սեյրան Օհանյանը նշեց, որ թեև հրաման կեղծելու մասին տեղեկություն չունի, սակայն ամեն ինչ սպասում է այս իշխանություններից.

«Այդ մասին ես չեմ խոսել, փառք Աստծո, բայց միևնույն ժամանակ կարող եմ ասել, որ ամեն ինչ կարելի է սպասել այս իշխանություններից, բայց նման հայտարարություններով պետք է զբաղվեն իրավապահ մարմինները»,-ասաց Օհանյանը:

ՊՆ նախկին նախարարը միևնույն ժամանակ շեշտեց, որ դեմ է բոլոր խնդիրների հրապարակային քննարկմանը, որոնք վերաբերվում են ռազմական գործողություններին, որտեղ նշվում են մարտական գործողությունների վայրերի, սպառազինության և ռազմական տեխնիկայի վերաբերյալ տվյալներ.

«Եվս մեկ անգամ հորդորում եմ իմ բոլոր մարտական և ծառայողական ընկերներին՝ հրապարակային այդպիսի քննարկումներ չանել, եթե կան նմանատիպ տեղեկություններ, ապա դրանք պետք է համապատասխան մարմիններում քննարկվեն՝ ՊՆ-ում և այլ կառույցներում: Այս մեկ տարվա ընթացքում պետք է ստեղծվեր միջգերատեսչական հանձնաժողով, որը պետք է գնահատական տար՝ ի՞նչ է կատարվել և որո՞նք են ընդհանուր թերությունները, բայց թե ռազմական կոնկրետ ի՞նչ գործողություններ են կատարվում փաստաթղթերի կեղծելու հետ կապված, ես տեղեկություններ չունեմ»,-ասաց Օհանյանը:

Իշխանության ներկայացուցիչները շատ են ցանկանում, որպեսզի քննիչ հանձնաժողովի կազմում ընդգրկված լինեն իրենց համար ցանկալի արտախորհրդարանական ուժերի ներկայացուցիչները:

Ըստ Օհանյանի՝ սա մեկ նպատակ ունի՝ հանրության ուշադրությունը շեղել այն բոլոր թերություններից որոնք եղել, և որոնց գնահատական է պետք է տրվեր:

Իշխանությունը քննիչ հանձնաժողովի ստեղծման գործընթացը ձգձգելու «մեղքը բարդում է ընդդիմության վրա»՝ պատճառաբանելով, թե ընդդիմադիր պատգամավորները չեն ներկայացրել գաղտնիության վերաբերյալ համապատասխան փաստաթղթերը:

Ընդդիմադիր «Հայաստան» խմբակցության ղեկավարը պնդեց՝պատճառը դա չէ, քանի որ ցանկացած մարդ, ԱԺ պատգամավոր դառնալիս, հատկապես այն երկրում, որտեղ խորհրդարանական վերահսկողություն է, միանգամից այդ բոլոր թույլտվությունները պետք է ունենա.

«Դա ավտոմատ պետք է լինի: Մեր պատգամավորների զգալի մասին, այդ թվում՝ ինձ, որն առաջինն է համապատասխան փաստաթղթեր ներկայացրել, թույլ չեն տվել ծանոթանալ գաղտնի փաստաթղթերին: Պատկերացնո՞ւմ եք՝ ապրիլյան պատերազմի հիմնական նյութերը, որ ՊՆ-ից տվել են՝ իմ՝ ՊՆ նախարար եղած ժամանակվա վերլուծությունն է, իսկ հիմա ինձ նույնիսկ թույլ չեն տալիս ծանոթանալ ապրիլյան պատերազմի վերաբերյալ քննիչ հանձնաժողովի վերլուծությանը,սա աբսուրդ է, ասում են՝ քրեական գործեր կան հարուցված իմ նկատմամբ, դրա համար էլ թույլ չեն տալիս»,-ասաց Սեյրան Օհանյանը:

Լրահոս
Նախագահը զանգահարել է ինձ հրաժարականը հրապարակելուց 3,5 ժամ առաջ․ ես այդ ժամանակ եմ դրա մասին իմացել Արմեն Սարգսյանը Կարիբյան ծովում գտնվող փոքր երկրի՝ Սենթ Քիթս և Նևիսի քաղաքացի է եղել․ Hetq.am ԱԺ-ում կրկին պարգևատրում են բաժանել ՀԱՊԿ-ը նոր գործողությա՞ն է պատրաստվում Դիմակավորված անձանց կողմից իր տան բակից բերման է ենթարկվել Սայաթ Շիրինյանը Զելենսկին Ուկրաինայի հետախուզությանը կոչ է արել անցնել հարձակման Քրիստինե Գրիգորյանն ընտրվեց ՀՀ մարդու իրավունքների պաշտպան․ տեսանյութ ՊՆ աշխատակիցները 100.000-ական դրամ են հավաքել որպես Սուրեն Պապիկյանի հարսանեկան նվեր Ավստրալիան, Բրիտանիան, Ֆրանսիան և Գերմանիան դիվանագետներին տարհանում են Ուկրաինայից ՆԱՏՕ-ի զորքերը բերվել են մարտական պատրաստվածության Հրապարակվել է ՀՀ 1000 խոշոր հարկ վճարողների ցանկը Մարդ է՞լ լրիվ ուրիշ տեղից բլյութութով հրաժարական տա… Սոցցանցերը քննարկում են Արմեն Սարգսյանի հրաժարականը Ադրբեջանական բանակը մեկ օրում երկու զինծառայող է կորցրել Մեծ Բրիտանիան Կիևից տարհանում է դեսպանատան աշխատակիցներին Նախագահի հրաժարականը թույլ է տալիս ասելու, որ ներքաղաքական և արտաքին լուրջ գործընթացներ կարող են սկսվել Դավիթ Տոնոյանը կշարունակի մնալ կալանավորված Լավ կլիներ՝ Փաշինյանն իր վրա վերցներ պատերազմի պատասխանատվությունը և հրաժարական տար․ Զատուլին ԱՄՆ-ը քննարկում Է Մերձբալթիկայում և Արևելյան Եվրոպայում զորքերի տեղաբաշխման հնարավորությունը Սարգսյանի հրաժարականը կարող է պայմանավորված լինել Բաքվի և Անկարայի հետ սկսված գործընթացներով Ազգային ժողովը ՀՀ նախագահի հրաժարականի դիմումը ստացել է Նախագահի հրաժարականն առնվազն ուշացած է կամ այլևս ոչ կարևոր․ Վանեցյան Արթուր Դավթյանը չի պաշտոնավարի մինչև իր ժամկետի ավարտը Արմեն Սարգսյանի հրաժարականը Ռուսաստանի համար նշանակություն չունի ՀՀ նախագահի լիազորությունները կատարելու է Ալեն Սիմոնյանը Իրավիճակի բարդ լինելը հաստատվում է նաև ՀՀ նախագահի հրաժարականով Արմեն Սարգսյանը հրաժարական է տվել Լոնդոնից Արմեն Սարգսյանը հրաժարական է տվել․ նա հանդես է եկել հայտարարությամբ Հույն և հայ ժողովուրդները ազգակից քաղաքակրթությունների երկու եղբայրներ են. ՀՀ դեսպանի ուղերձը Մենք հերթական անգամ գնում ենք իրավիճակի հետևից՝ փորձ չանելով այն կանխելու Հայաստանի շրջանների զգալի մասում սպասվում է ձյուն և մառախուղ Օտարերկրյա ներդրողների իրավունքների շարունակական խախտումները. Անսուր Ինվեստ Ադրբեջանի նավթային ընկերությունը մտադրություն չունի գնել Սուրենավանի բիտումի գործարանը Պուտինն ու Փաշինյանը քննարկել են հայ-ադրբեջանական սահմանների դելիմիտացիայի և դեմարկացիայի հարցերը Ըստ Գերմանիայի ռազմածովային ուժերի հրամանատարի՝ Ղրիմը երբեք չի վերադառնա Ուկրաինայի կազմ Ուկրաինան ԱՄՆ-ից ստացել է զենքի առաջին խմբաքանակը Բզկտված Արցախ. վերադառնալո՛ւ ենք. Արտակ Զաքարյան Ուկրաինայի ուժայինները հրաձգության վարժանքներ են անցկացրել Դոնբասում Այսօրվանից ուժի մեջ են մտնում հանրային և ժամանցի վայրեր այցելությունների սահմանափակումները Արցախից խաղաղապահների ուղղաթիռով Երևան տեղափոխված երեխան ողնաշարի ծանր կոտրվածք ունի ՀՀ իշխանությունների հակաճգնաժամային բանաձևը Թուրքիայի և Ադրբեջանի հետ հարաբերությունների ջերմացումն է
Խմբագրի ընտրություն
website by Sargssyan