Մեկ շաբաթվա ընթացքում ԱՄՆ ռազմական օգնությունը Կիևին հասնում է մեկ միլիարդ դոլարի

ԵՐԵՎԱՆ, ՄԱՐՏԻ 16, Times․am: ԱՄՆ-ը Ուկրաինային կհատկացնի լրացուցիչ 800 միլիոն դոլարի ռազմական օգնություն։ Ինչպես փոխանցում է ТАСС-ը, այս մասին հայտարարել է ԱՄՆ նախագահ Ջո Բայդենը։

Բայդենը հիշեցրել է, որ մարտի 12-ին ամերիկյան ադմինիստրացիան հաստատել է 200 միլիոն դոլարի օգնությունը, որպեսզի հնարավոր լինի ապահովել զենքի հաստատուն հոսք դեպի Ուկրաինա։

«Ես նորից կօգտագործեմ իմ նախագահական լիազորությունները անվտանգության բնագավառում լրացուցիչ օգնության համար, որպեսզի Ուկրաինան կարողանա դիմակայել Ռուսաստանի հարձակմանը»-ասել է նա։

Նշենք, որ մեկ շաբաթվա ընթացքում ամերիկյան ռազմական օգնությունը Կիևին հասնում է մեկ միլիարդ դոլարի։ Բայդենը նշել է, որ բացի ֆինանսական օգնությունից, ուկրաինական կողմից կհանձնվի 800 հատ ՀՕՊ համակարգեր։