«Երևանի գինու օրերը». վայելե՛ք հայկական գինին Ակբա բանկի և Վիզայի հետ միասին
Նմանատիպ
ԵՐԵՎԱՆ, ՀՈՒՆԻՍԻ 5, Times․am: Թեթև գլխապտույտ, հաճելի աղմուկ, տրամադրություն ստեղծող երաժշտություն. Երևանում գինու օրերն են: Ամենամյա փառատոնը կենտրոնական երեք փողոցներ է բերել հարյուրավոր տեղացիների ու զբոսաշրջիկների։ Հայկական գինեգործությունն ու տեղական էնդեմիկ սորտերը տպավորում են աշխարհի տարբեր կողմերից եկած հյուրերին։
«Երևանի գինու օրերի» կենտրոնական տաղավարը Ակբա բանկինն է, որն արդեն 2-րդ տարին փառատոնի գլխավոր հովանավորն է։ Հայաստանում խաղողագործության, գինեգործության և զբոսաշրջության զարգացումը բանկի համար ռազմավարական է։ Այս տարի բանկի հետ փառատոնի գործընկերն է նաև «Վիզա» միջազգային վճարային համակարգը:
Փառատոնի ընթացքում օրը երեք անգամ երեք լեզվով տեղացի և միջազգային սոմելյեները անցկացնում են նաև գինեդասեր։
«Այստեղ հավաքված են մեր գործընկերները, գինեգործները, որոնցից շատերը հանդիսանում են մեր հաճախորդները, նրանցից շատերի հետ սկսել ենք աշխատել զրոյից։ Հետաքրքիր միաձուլում է. մեր գործընկերները, գինեգործությունն ու զբոսաշրջությունը հադիպում են մեկ վայրում ու մեծ պոտենցիալ է ի հայտ գալիս, քանի որ գինեգործների համար իրենց բրենդը դառնում է ճանաչելի թե՛ երկրում, թե՛ երկրից դուրս»,- նշել է Ակբա բանկի ՓՄՁ և գյուղատնտեսական պրոդուկտների պլանավորման և կառավարման բաժնի ղեկավար Սուրեն Հովհաննիսյանը:
«Հայաստանն ունի բարձրորակ գինիներ, Հայաստանը արժանի է լինել տուրիստական ուղի աշխարհի գինեսերների համար: Պետք է նաև փառատոն կազմակերպելով հրապուրել Հայաստանի տասնյակ հազարավոր տուրիստներին։ Հպարտ ենք այս համագործակցության համար։ Լինելով փոքր ընկերություն, որը կազմակերպում է այս մասշտաբի փառատոններ, մեզ համար կարևոր էր, որ Ակբայի նման ընկերությունը դառնար գործընկեր ու համատեղ իրականացնեինք այս միջոցառումը և ուրախ ենք, որ Ակբան իր հետ որպես գործընկեր ներկայացրեց նաև «Վիզա» ընկերությանը»,- նշել է «ԷվենտՏուրա» ընկերության համահիմնադիր, տնօրեն Մերի Բադալյանը:
«Երևանի գինու օրերի» նպատակն է ներկայացնել հայ գինեգործների աշխատանքը, խթանել արտահանումը և միջազգային հարթակում ցույց տալ տեղական գինիների ամբողջ գունապնակը:
Մանրամասն՝ տեսանյութում:
Բանկը վերահսկվում է ՀՀ ԿԲ կողմից:
Հետևեք մեզ նաև Telegram-ում