AM | RU
USD
EUR
RUB

Հայաստանին և Արցախին սպասող վտանգը չեզոքացնելու մեկ ճանապարհ կա՝ գործող իշխանության հեռացումը. Իշխան Սաղաթելյան

 

ԵՐԵՎԱՆ, ՀՈՒԼԻՍԻ 26, Times․am: Եթե ընդդիմությունը գնա խորհրդարան, գնալու է բացառապես իր օրակարգով, մեր մոտեցումների մեջ ոչինչ չի փոխվել: Այս մասին NEWS.am-ի հետ զրույցում նշեց ՀՅԴ ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը՝ անդրադառնալով իր աղմուկ հանած հայտարարությանը, թե ընդդիմությունը սեպտեմբերին իր օրակարգով վերադառնալու է Ազգային ժողով:

«Մեր օրակարգը շատ հստակ է՝ Հայաստանի անվտանգությունը եւ Արցախը: Մենք այլեւս չենք պատրաստվում այլ օրակարգով լինել խորհրդարանում: Ակնհայտ է, որ ԱԺ-ում կա խորհրդարանական ճգնաժամ: Մենք չենք խուսափելու անհրաժեշտության դեպքում խորհրդարան վերադառնալուց, ինչպես հունիսի 3-ին էր, երբ մենք մեր օրակարգով գնացինք խորհրդարան, եւ բացակա էր քաղաքական մեծամասնությունը: Մենք որեւէ կերպ կաշկանդված չենք, երբ նպատակահարմար կգտնենք մեր ձեւավորած օրակարգով գնալ խորհրդարան, մենք կգնանք, բայց դա չի ենթադրում, որ մենք ունենք որոշում, որ այլեւս չենք բոյկոտելու ԱԺ աշխատանքը եւ վերադառնալու ենք խորհրդարան»,-ասաց Սաղաթելյանը՝ հավելելով, որ իրենց բոլոր նախաձեռնությունները մերժվել են քաղաքական մեծամասնության կողմից:

Խորհրդարանական ընդդիմությունն ինչ-որ փուլում վարչապետին իմպիչմենթի ենթարկելու օրակարգով կգնա խորհրդարան, բայց դա չի լինի սեպտեմբերին:

«Սեպտեմբերին վստահ ոչ, բայց ինչ-որ մի փուլի այո»,- նշեց Իշխան Սաղաթելյանը:

«Արցախն ու Հայաստանը փրկելու համար անհրաժեշտ է հեռացնել այս իշխանություններին, իսկ դրա ճանապարհը լայն ժողովրդական ճակատ ճնշման տակ սրանց հեռացմանը հասնելն է: Հեռացման երկու ճանապարհ կա՝ հրաժարական եւ պաշտոնանկություն: Այս երկու գործիքներն էլ մեզ համար ընդունելի են:

Երբ հասնենք այդ մակարդակին, համաժողովրդական լայն ընդվզումը լինի, երկու ճանապարհով էլ հնարավոր է հասնել իշխանությունների հեռացմանը: Մենք ասել ենք, որ օգոստոսի երկուսից սկսած մեր գործիքակազմին ավելանալու է նաեւ պաշտոնանկությունը: Երբ, որ օրը հանդես կգանք այդ նախաձեռնությամբ, այն օրը, երբ դրա համար լինեն բավարար պայմաններ: Կլինի սեպտեմբերին, հոկտեմբերին, թե նոյեմբերին, կյանքը ցույց կտա»,-ասաց նա:

Սաղաթելյանը նշեց, որ այս փուլում շատ ակտիվ նախապատրաստական աշխատանքների մեջ են, առաջիկա հանրհավաքին կախտորոշեն իրենց անցած ճանապարհը, իսկ սեպտեմբերից ավելի կազմակերպված եւ ավելի լայն թափով կմտնեն պայքարի մեջ:

Անդրադառնալով իրեն եւ Վահե Հակոբյանին պաշտոնակ անելուն, Իշխան Սաղաթելյանն ասաց. «Եթե իրենց թվում է, որ այդ քայլերով կարող են կաշկանդել մեր գործունեությունը, սխալվում են, որովհետեւ դա իրենց համար է պաշտոնը շատ կարեւոր հարց: Մենք ունենք շատ ավելի կարեւոր մանդատ՝ մեր ժողովրդի վտահությունը»:

Նա ընդգծեց, որ ԱԺ աշխատանքը բոյկոտելու պահանջը ձեւավորված է իրենց ընտրողների կողմից. «Այն, որ ասում են՝ ընտրողները ձեզ քվե են տվել, որ գնաք, աշխատեք, ընտրողները մեզ տվել են օրակարգ այս իշխանություններին հեռացնելու, ուժեղ ու անվտանգ Հայաստան կերտելու համար։ Այդ օրակարգը մենք պարտավոր ենք սպասարկել՝ լինի ԱԺ-ում, թե դրանից դուրս»,-ասաց Սաղաթելյանը:

Արտախորհրդարանական ուժերի գերակշիռ մասի հետ, որոնք նաև հունիսի 3-ի հայտարարությանն իրենց աջակցությունը հայտնեցին և ստորագրեցին, «Դիմադրություն» շարժումը դաշնակից է եւ համախոհ. ասաց Իշխան Սաղաթելյանը։

«Մենք չենք գտել արդյունավետ մեխանիզմը, որպեսզի բոլոր ուժերին մասնակից դարձնենք անմիջական որոշումների ընդունմանն ու շարժման աշխատանքներին։ Պետք է գտնենք մոդելը, որ առավելագույնս ընդալայնենք շարժումը եւ մեր բոլոր գործընկերներին բոլոր ֆորմատներով մասնակից դարձնենք այս պրոցեսներին»,- նշեց նա։

Իշխան Սաղաթելյանի խոսքով՝ իրենց սկզբունքների մեջ ոչինչ չի փոխվել․ սա քաղաքական պայքար է, բայց ոչ երբեք կուսակցական։

«Եթե կորցնենք այն ամենը, ինչը սպասվում է, ո՞ւմ է պետք այդ կուսակցությունների գոյությունը եւ գործունեությունը։ Այս տրամաբանությամբ է պետք առաջանորդվել։ Այս նպատակի մեջ մենք շատ անկեղծ ենք, բայց, դժբախտաբար, այս դաշտում շատ խաղացողներ անկեղծ չեն։ Բայց սա առանձին թեմա է։ Ամեն ինչ ժամանակն իր տեղը կդնի։ Եթե կան մարդիկ, ուժեր, ովքեր ավելի արդյունավետ կարող են պայքարը կազմակերպել կամ այլընտրանքային բան ունեն, խնդիր չկա, գնանք, կանգնենք իրենց կողքին։ Ամեն ինչ պետք է անենք, որ հաջողենք։ Դժվա՞ր է լինելու, շատ. լինելո՞ւ են մարդիկ, որոնք չեն կարողանալու այս ճանապարհը մինչև վերջ անցնել, այո՛, լինելու են»։

Սաղաթելյանի դիտարկմամբ՝ այսօր շարժման մասնակիցները ստիպված են պատասխան տալ այն մարդկանց արարքների համար, որոնք կանգնած են Նիկոլ Փաշինյանի իշխանության կողքին։

«Հայտնի անուններ կան, որոնցից տարիներ շարունակ բողոքել է հայ հասարակությունը։ Շարեք այդ անուններն ու տեսեք՝ իրենք այսօր մե՞ր հետ են, թե՞ Նիկոլի եւ ո՞ւմ են սպասարկում։ Գալու է ժամանակը դրա մասին էլ ենք խոսելու։ Մենք ում համար, որ այսօր պատասխան ենք տալիս, Նիկոլի հետ չաղ ու բախտավոր ապրում են»,- նկատեց Սաղաթելյանը։

Արցախի խորհրդարանի ղեկավարը շատ ուղիղ եւ անվանական պետք է Հայաստանի իր գործընկերոջը հրավիրեր սեպտեմբերի 2-ին միջխորհրդարանական նիստին. ասաց Իշխան Սաղաթելյանը` անդրադառնալով Արցախի ԱԺ նախագահ Արթուր Թովմասյանի հայտարարությանը:

«Շնորհակալ ենք այդ հրավերի համար, առանց հրավերի էլ ենք անցնող երկու տարիներին այցելել Արցախ։ Իշխանությունը չի այցելում Արցախ, իշխանությունն է խուսափում այցելելուց։ Երկու տարի է՝ Արցախ-Հայաստան միջխորհրդարանական նիստ չեն հրավիրել։ Այս սպառնալիքն Արցախով չի վերջանում։ Աստված չանի, եթե սրանց օրակարգով գնանք, հասնելու են Հյուսիսային պողոտա»,- նշեց նա։

Իշխան Սաղաթելյանի դիտարկմամբ՝ 25 տարի խաղաղություն էր, որովհետեւ 25 տարի պատրաստ էինք պաշտպանել մեր հայրենիքը։

«Այն պահից սկսած, երբ դու չես կարող պաշտպանել քո հայրենիքը, իսկ քո երկրի իշխանությունները պատրաստ չեն իրականացրել իրենց սահմանադրական լիազորությունները, չես կարող խաղաղություն ունենալ։ Խաբում են ժողովրդին։ Սրանց ասածը խաղաղություն չէ, այլ արտագաղթ, ծնկի եկած, թուրքերի ոտքի տակ ապրելու ծրագիր։ Իրենք վախենում են գնալ Արցախ, Ալիեւն ասել է՝ չգնաք։ Իրենք Ալիեւի ձեռքին խաղալիք են։ Կապը դրել է վզներին, ոնց ուզում՝ օգտագործում է»,- ասաց Իշխան Սաղաթելյանը։

Պատգամավորի խոսքով՝ Հայաստանին եւ Արցախին սպասող վտանգը չեզոքացնելու մեկ ճանապարհ կա՝ գործող իշխանության հեռացումը։

Իշխանությանը հեռացնելուց հետո վտանգն ամբողջությամբ չի չեզոքանալու, սակայն ավելանալու է հնարավորությունը երկրի դիմադրությունն ավելացնելու, պաշտպանությունը կազմակերպելու եւ հայանպաստ օրակարգով տարբեր ձևաչափերով բանակացություններում ներկայանալու։

«Հիմա շատ են ասում, որ մենք ուզում ենք երկիրը տանել նոր պատերազմի։ Նոր պատերազմի մեզ տարել է Նիկոլը եւ եթե մնա, նորից տանելու է պատերազմի եւ հայրենազրկման։ Մեր քաղաքացիները լիարժեք պետք է գիտակցեն, որ Նիկոլով մեզ սպասվում է նոր պատերազմ կամ հայրենազրկում, առանց Նիկոլի կա հնարավորություն պատերազմից խուսափելու եւ եղածը փրկելու։ Մեր ընտրությունը սրա մեջ է։ Նիկոլը ձեռնտու է բոլորին, բացի Հայաստանից, որովհետեւ բոլորին ասում է՝ ի՞նչ եք ուզում տամ իմ իշխանությունը պահելու համար։ Փրկիչներ չկան ո՛չ Հայաստանից դուրս, ո՛չ էլ Հայաստանում, եթե մենք որոշենք, որ պետք է փրկվենք, կփրկվենք։ Հակառակ պարագայում կկորցնենք ամեն ինչ, եւ սա ոչ թե չափազանցություն է, այլ շատ մոտ իրականություն»,- ընդգծեց Իշխան Սաղաթելյանը։

Լրահոս
Երբեք մի կորցրեք հավատն ու ինքնատիրապետումը, երբեք մի վստահեք դեմագոգներին, լաչառներին և պատահական մարդկանց․ Արցախի ԱԳ նախարար Հայաստանի և Թուրքիայի հատուկ ներկայացուցիչների հանդիպումը կարող է տեղի ունենալ Կարսում Քոքոբելյանի հոր առևանգման փաստով ձերբակալվել է ՀՅԴ ԳՄ անդամն ու ևս երկու հոգի Աղվան Հովսեփյանն ազատ կարձակվի 100 միլիոն դրամ գրավի դիմաց. որոշումը հրապարակվեց Դժբախտ պատահարի հետևանքով մահացել է Վարդենիսի դպրոցներից մեկի 6-րդ դասարանի աշակերտը Հարձակվել են «Հայէկոնոմբանկ»-ի գումար տեղափոխող մեքենայի վրա Փաշինյանը, Ալիևը և Պուտինը կարող են հանդիպել օգոստոսի վերջին Դոլարի, եվրոյի և ռուբլու փոխարժեքը՝ փոխանակման կետերում Ընտրողների 58 տոկոսը չի պատրաստվում ձայն տալ Էրդողանին Հայաստանի և Թուրքիայի հատուկ ներկայացուցիչների հաջորդ հանդիպումը տեղ կունենա սեպտեմբերին Աղվան Հովսեփյանի գործով հրատապ դատական նիստ է նշանակվել Վարորդների սթափությունը կգնահատվի արյան ու մեզի փորձաքննության հիմա վրա Օգոստոսի 14-ին Հայաստանյաց Առաքելական Եկեղեցին նշելու է Սուրբ Աստվածածնի Վերափոխման տոնը Հունվարի 1-ից ջրի սակագինը կարող է թանկանալ. «Ժողովուրդ» Արթուր Վանեցյանը ներկայացրել է անվտանգային ճարտարապետության կարևորագույն բաղկացուցիչները Ոսկու գինը նվազել է, արծաթի արժեքը չի փոխվել ՀՀ իշխանությունը փորձում է ձերբազատվել Արցախից ու արցախցիներից և խնդիր չի դրել մարդկանց կոմունիկացվելու Փաշինյանն ու Ռայիսին քննարկել են անվտանգային մարտահրավերներին վերաբերող հարցերը Արցախում հրադադարի էական խախտումներ և միջադեպեր չեն արձանագրվել․ ՊԲ Մահացած զինծառայողը կրծքավանդակին հրազենային վիրավորում ստացել է իրեն ամրակցված ինքնաձիգից․ ՔԿ-ն նոր մանրամասներ է հայտնում Արցախի Քաշաթաղի շրջանում սկսվել է հուշարձանների տարհանման գործընթացը. տեսանյութ Երևանի և 7 մարզերի մի շարք հասցեներում լույս չի լինի Կրակային դիրքում հայտնաբերվել է զինծառայողի դին՝ կրծքավանդակի շրջանում հրազենային վիրավորումով Բերձորի Սբ Համբարձման եկեղեցու վրայից հեռացվում են խաչերը․ տեսանյութ 54 ընտանիքից 7-ն է մնալու Արցախում. Աղավնոյի գյուղապետ Ըստ վերլուծության՝ հայաստանցի կանայք տղամարդկանցից ավելի պահանջատեր են հողերի հարցում. Էլբակյան «Մեծամորի ատոմակայանը վտանգ է ներկայացնում Թուրքիայի ու Ադրբեջանի համար». թուրք պաշտոնյա Կրակոցներ ու ծեծկռտուք Ծովինար գյուղում. Հիվանդանոց են տեղափոխվել երկու հոգի Դոլարի, եվրոյի և ռուբլու փոխարժեքը՝ փոխանակման կետերում Վիտալի Բալասանյանը Բերձոր այցելել է ՌԴ խաղաղապահ զորակազմի և ադրբեջանական կողմի հետ. Tert.am Ոստիկանությունը կրակ է բացել Շառլ դը Գոլ օդանավակայանի տարածքում Իրաքի շրջաններից արևադարձային տաք օդային հոսանքներ են գալիս. Ջերմաստիճանը կբարձրանա Արցախի նախագահը զորացրման հրամանագիր է ստորագրել Հնդկաստանի 23-ամյա քաղաքացին ահազանգել է, որ իրեն ծեծի են ենթարկել ու երկաթե ձողերով կոտրել Mercedes-ը ՊՆ-ն՝ Վայոց ձորի ուղղությամբ կրակոցների մասին Գիշերը շփման գծում հարաբերականորեն կայուն է եղել․ Արցախի ՊՆ Փողոցներում տեղադրված կանգնակները հեռացվում են, տեղադրողները՝ տուգանվում․ տեսանյութ Կոչ ենք անում ազգային բոլոր ուժերին միավորելու իրենց ջանքերը՝ ապազգային իշխանություններին հեռացնելու ուղղությամբ. ՀՅԴ Բյուրո Բենզալցակայանի աշխատակիցը մատ է ցույց տվել նախարարին. «Հրապարակ» Ոսկու և արծաթի գներն աճել են
Խմբագրի ընտրություն
website by Sargssyan