Հայաստանի բանկերի միության խորհրդի նախագահ է ընտրվել Մհեր Անանյանը
03/11/2022 14:15
Նմանատիպ
Հայաստանի բանկերի միության (ՀԲՄ) խորհրդի հերթական նիստում ՀԲՄ խորհրդի նոր նախագահ է ընտրվել «ԱՐԱՐԱՏԲԱՆԿ» ԲԲԸ-ի գործադիր տնօրեն, վարչության նախագահ Մհեր Անանյանը։
Այս պաշտոնում Մհեր Անանյանը կփոխարինի «ԱՐՄՍՎԻՍԲԱՆԿ» ՓԲԸ տնօրինության նախագահ, գործադիր տնօրեն Գևորգ Մաչանյանին, ով միությունը նախագահել է 2021-2022 թվականներին:
ՀԲՄ խորհրդի նորընտիր նախագահ Մհեր Անանյանն ունի շուրջ 30 տարվա աշխատանքային փորձ բանկային համակարգում։ 2020թ․ փետրվարի 24-ից զբաղեցնում է «ԱՐԱՐԱՏԲԱՆԿ» ԲԲԸ գործադիր տնօրենի, վարչության նախագահի պաշտոնը։
ՀԲՄ կանոնադրությամբ միության նախագահն ընտրվում է մեկ տարի ժամկետով:
Հետևեք մեզ նաև Telegram-ում