Վրաստանն սկսել է ցիտրուսային մշակաբույսեր մատակարարել Ռուսաստանին
26/11/2013 11:21
Նմանատիպ
Վրաստանն սկսել է ցիտրուսային մշակաբույսեր մատակարարել Ռուսաստանին: Սպասվում է, որ մատակարարումները կակտիվանան եկող շաբաթվանից, հաղորդում է «Արմենպրես»-ը՝ հղում անելով «Գրուզիա Online»-ին:
«Առայժմ «Վերին Լարս» մաքսային անցակետով Ռուսաստան է ուղարկվել 2 հազար տոննա ցիտրուսային մշակաբույսերով՝ հիմնականում մանդարինով, բեռնված 11 բեռնատար»,- ասել է Վրաստանի գյուղատնտեսության նախարարության պարենամթերքի ազգային գործակալության ֆիտոսանիտարական հսկողության դեպարտամենտի ղեկավար Զուրաբ Լիպարտիան:
Դրա հետ մեկտեղ նա նշել է, որ ռուսական շուկա ցիտրուսային մշակաբույսի խոշոր խմբաքանակների արտահանումն սպասվում է ամսվա վերջին:
«Բերքահավաքը թափ է առնում եւ կարելի է սպասել, որ հաջորդ շաբաթվանից բիզնեսը կակտիվանա»,- հավելել է նա:
Հետևեք մեզ նաև Telegram-ում