AM | RU
USD
EUR
RUB

Վահագն Չախալյանն արձագանքել է Սաակաշվիլու անպատասխանատու հայտարարություններին

 

Վրաստանի նախկին նախագահ Միխեիլ Սաակաշվիլին մարտի 25-ին ծավալուն հարցազրույց է տվել վրացական «Ռուսթավի 2» հեռուստաընկերությանը: Իր խոսքում նա անդրադարձել է Վրաստանում հայտարարված վերջին համաներմանը՝ նշելով, որ . «…դրա արդյունքում ազատ արձակվեցին պեդոֆիլներ, մարդասպաններ և չախալյաններ, որոնք տեսնում ենք թե ինչեր են անում Ջավախքում»:

Սակաշվիլու վերջին հարցազրույցի վերաբերյալ Times.am-ի թղթակիցը զրուցեց Վահագն Չախալյանի հետ:

Վրաստանի նախկին նախագահ Սաակաշվիլին հարմար առիթը չի կորցնում Ձեզ վիրավորելու և վարկաբեկելու համար: Երեկ «Ռուսթավի 2» հեռուստաընկերության եթերում նա կրկին անդրադարձել է ձեր անձին: Ըստ ձեզ, ի՞նչն է Սաակաշվիլու նման պահվածքի հիմնական պատճառը:

Ցավոք սրտի, Վրաստանի նախկին նախագահը ոչ իր նախագահ եղած ժամանակ, ոչ էլ ներկայումս չսովորեց անպատասխանատու արտահայտություններ իրեն թույլ չտալ: Այս անգամ ևս նա անպատասխանատու հայտարարություններ է արել: Ինձ դասելով մարդասպանների, գողերի և հանցագործների շարքին՝ նա մոռանում է անմեղության կանխավարկածի մասին: Գործը ներկայումս գտնվում է Եվրադատարանում, իսկ դա արդեն իսկ նշանակում է, որ դրանում առկա են եղել բազմաթիվ խախտումներ, ուստի իմ մեղավորությունը հաստատված չէ: Այսինքն՝ Սաակաշվիլին միանշանակ իրավունք չունի նման արտահայտություններ թույլ տալ: Սա հարցի իրավաբանական մոտեցումը, - ասաց Չախալյանը՝ անդրադառնալով նաև իր հետ կապված Սաակաշվիլու այլ հայտարարություններին:

Ջավախցի գործիչը նշեց, որ Սաակաշվիլին մեկ առիթով հայտարարել է, թե միակ գործը, որը նա երբևէ ուսումնասիրել է լուսանկարիչների հայտնի գործն է. «Սակայն իմ ազատ արձակումից ընդամնեը 2 օր անց՝ 2013թ-ի հունվարի 25-ին, նա հանդես եկավ արտակարգ հայտարարությամբ՝ շուրջ 45 րոպե խոսելով իմ մասին: Չուսումնասիրած լինելով իմ գործը՝ նա ինձ մեղադրեց տարաբնույթ հանցագործությունների մեջ՝ սկսած զինված հեղափոխություններ կազմակերպելու փորձից մինչև օտարերկյա գործակալ լինելու մեջ: Այսինքն՝ Սաակաշվիլին, ինչպես միշտ, անպատասխանատու հայտարարություններ է կատարել»:

Մեկնաբանելով Սաակաշվիլու՝ դատախազություն կանչելու մասին լուրը՝ Չախալյանը նշեց, որ եթե նա անմեղ է, ապա չպետք է խուսափի հարցաքնության ներկայանալ՝ որպես վկա:

«Իր իշխանության տարիներին նա շատ էր քննադատում տարբեր մարդկանց՝ չսպասելով դատարանի որոշմանը միանգամից հանցագործ էր անվանում: Այսօր ինչո՞ւ է նա վախենում հարցաքննության ներկայանալ՝ որպես վկա: Իհարկե, սեփական երկրի բազմաթիվ հայ քաղաքացիների նկատմամբ հանցանք գործած նախագահը կվախենա ներկայանալ դատախազություն»,- ասաց Չախալյանը:

Վահագն Չախալյանն իր խոսքն ավարտեց՝ հռետորական հարց ուղղելով Սաակաշվիլուն. «Նա երեկ իր ելույթում ասաց՝ տեսնում ե՞ք ինչ է հիմա կատարվում Ջավախքում: Իսկ ի՞նչ է կատարվում: Ջավախքն այսօր առավել քան կայուն է: Այդ կայունությունը փորձում են խաթարել նրա կողմնակիցները, ովքեր երազում են ամենաթողության և անիշխանության անցած տարիների վերականգնման մասին»:

Լրահոս
Հրդեհ` Աբովյան փողոցում Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ» Իշխան Սաղաթելյանը մեկնել է Եվրոպա. նա բարձր մակարդակի 10-ից ավելի հանդիպում է ունենալու «Հրապարակ» «Ի պաշտպանություն ՀՀ Սահմանադրության»․ այսօր, ժամը 11։00-ին երթ է լինելու Հայաստանը նշում է Սահմանադրության օրը Մի շարք համայնքներում կդադարեցվի ջրամատակարարումը Հայաստանում երկրաշարժ է տեղի ունեցել Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ հայաստանյան բանկերում Ահազանգեր են ստացվել, որ Ռուսաստանի և Չինաստանի դեսպանատներում ռումբեր են տեղադրված ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել «3+3» ձևաչափով հաջորդ հանդիպումը տեղի կունենա Իրանում․ Բայրամով Կոտայքի մարզում 8-ամյա տղան պատահական կրակոցից մարմնական վնասվածք է ստացել Իշխանությունը չունի սոցիալական հենարան, բայց սա մեխանիկորեն չի ենթադրում ընդդիմության հաջողություն Գեղարքունիքում 44-ամյա վարորդը վրաերթի է ենթարկել հորեղբոր 13-ամյա թոռանը. վերջինս մահացել է ՈւՂԻՂ. Ակցիա Բաղրամյան-Դեմիրճյան խաչմերուկում Որոշել եմ վայր դնել պատգամավորի մանդատս․ Արթուր Ղազինյան Արցախի լինել-չլինելու հարցն է դրված, կառուցվող նոր ճանապարհը շատ մեծ վտանգներ է պարունակում Բրիտանական զինված ուժերը թուլացել են Ուկրաինային զենք մատակարարելու պատճառով Զոհվածների մեջ որդուն փնտրող հայրը նրան ողջ է գտել Երևանում 50 Cent-ին մատանի են նվիրել, ինչ է խորհրդանշում այն Կիևը բալիստիկ հրթիռներով հարվածել է ՌԴ Բելգորոդի և Կուրսկի բնակելի թաղամասերին Երբ կվճարվի հուլիս ամսվա կենսաթոշակը Դոլարի, եվրոյի և ռուբլու փոխարժեքը՝ տարադրամի փոխանակման կետերում Ինչպիսի եղանակ է սպասվում Հայաստանում Նիկոլի իշխանության կողմից հալածվելը պատիվ է. Իշխան Սաղաթելյան Հուլիսի 4-ին Երևանի և 7 մարզերի որոշ հասցեներում մի քանի ժամ լույս չի լինի Ինչպիսի եղանակ է սպասվում Հայաստանում Իրանում 9 բալ ուժգնությամբ երկրաշարժ է եղել․ կան զոհեր Երևանում հետխորհրդային շրջանում առաջին անգամ կառուցվել է տրոլեյբուսային երթուղու նոր ուղեհատված
Խմբագրի ընտրություն
website by Sargssyan