AM | RU
USD
EUR
RUB

Պատրա՞ստ ենք արդյոք պատերազմի

 

Հայ-ադրբեջանական պատերազմը չի ավարտվել. պարզապես 1994 թ. մայիսի 12-ին կնքվել է զինադադարի մասին պայմանագիր: Զինադադար, որն արդեն 20 տարի է' խախտվում է ամեն օր' պատճառելով մարդկային կորուստներ: Պատերազմը չի ավարտվել. այն շարունակվում է սահմանի երկարությամբ ամեն օր, ամեն վայրկյան, հայ ու ադրբեջանցի զինվորների միջեւ: Այն այսօր հոսում է բարակ առվի նման' ամեն տարի տասնյակ մատաղ կյանքեր խլելով, ու ամեն պահի վտանգ կա, որ այդ բարակ առուն կվարարի' զոհերի թիվն ավելացնելով…

Պատերազմը չի ավարտել, բայց գիտե՞նք արդյոք մենք դրա մասին: Իհարկե, այդ մասին գիտեն ու էլ երբեք չեն մոռանա զինվորներ Արմեն Հովհաննիսյանի, Էրիկ Գասպարյանի… ընտանիքներն ու ընկերները, իսկ մյուսները, նրանք, ում ընտանիքն այս պահին զինծառայող չունի, գիտե՞ն, որ այսօր մենք փաստացի չավարտված պատերազմի ժամանակակիցն ենք:

Մեր բարեկամներից մեկը տղայի' բանակում ծառայած տարիներին ամեն օր, օրվա մեջ մի քանի անգամ հեռուստատեսությամբ ուշադիր լսում էր լուրերի թողարկումը, հատկապես' սահմանում կատարվող իրադարձությունների մասին նորությունները: Տղայի' ծառայությունն ավարտելուց հետո նրա համար միեւնույնը դարձավ, թե սահմանում ինչ է կատարվում: Լուրերի թողարկմանը վերսկսեց ուշադիր հետեւել մյուս տղայի ծառայության ընթացքում…

Իմ ընտանիքի համար պատերազմն «ավարտվեց» 2010 թ., երբ միակ եղբայրս (Աստծուն փառք), ողջ ու առողջ վերադարձավ Հայոց Բանակից:

Հիմա ընտանիքիս համար պատերազմը «վերսկսվել է»: Կյանքի մեծ մասը խորհրդային հասարակությունում ապրած ծնողներս ու հարազատներիս մեծ մասը, այդպես էլ չպատկերացնելով Արցախի սահմաններն ու Քարվաճառի դիրքը, սահմանային փոխհրաձգությունների մասին նորություններ լսելիս ինձ են հիշում, քանի որ ես ապրում եմ Քարվաճառում: Նրանք անհանգստանում են ու ինձ զանգելով' հարցնում, թե արդյո՞ք մեր մոտ ամեն ինչ խաղաղ է, կրակոցներ չկա՞ն: Քարվաճառի դիրքը քիչ թե շատ պատկերացնող մարդը, պարզ է, ինձ սահմանային իրավիճակից հարց չի տա, քանի որ Քարվաճառը սահմանից բավականին հեռու է ու հուսալիորեն պաշտպանված է Մռավի լեռնաշղթայով ու մեր պայմանագրային զինծառայողների ամուր բազուկներով:

Բայց Քարվաճառում ապրելով, այնուամենայնիվ, վերաբերմունքը պատերազմի հանդեպ փոխվում է: Այո, Քարվաճառի դիրքն ապահով է, բայց անհնարին ոչինչ չկա: Ու ամեն անգամ, երբ որ միջազգային որեւէ պաշտոնյա հնչեցնում է «տարածք հանձնել» արտահայտությունը, իմ մեջ սեփական տունս պաշտպանելու բնական բնազդն է գլուխ բարձրացնում: Ու հարցերը շատանում են: Իսկ Քարվաճառի բնակչությունը պատրա՞ստ է լուրջ արտակարգ իրավիճակների, մասնավորապես լայնամասշտաբ ռազմական գործողությունների: Երեւանում, Վանաձորում, Գյումրիում ապրող մարդը կարող է իրեն այդքան հաճախ չտանջել նման ոչ հաճելի հարցերով, բայց Քարվաճառում ապրողի համար թերեւս բնական է այս հարցերի մասին հաճախ մտածելը:

Քարվաճառում եղանակային փոփոխությունների հետ կապված հաճախ է անջատվում էլեկտրականությունն ու կորում է հեռախոսային կապը: Այդ օրերին մենք փաստացի կտրվում ենք արտաքին աշխարհից: Իսկ ի՞նչ կանենք մենք, եթե այդ իրավիճակը շարունակվի օրերով, գոնե ամենքիս տանը մի քանի օրվա ուտելիքի ու ջրի պաշար կա՞: Իսկ Քարվաճառն ունի՞ էլեկտրաէներգիա ստանալու այլընտրանքային հնարավորություն, Արցախի խոշորագույն գետերից մեկը' Տրտուն (Թարթառը), օգտագործվու՞մ է այդ նպատակով, բնակչությունը ծանո՞թ է քաղպաշտպանության ու ինքնակազմակերպման կանոններին…

Այս հարցերը պետք է յուրաքանչյուրս մեզ հաճախ տանք ու փորձենք թե´ նյութապես, թե´ հոգեպես առավելագույնս պատրաստ լինել ցանկացած իրավիճակի. չէ որ մեր շատ դժբախտություններ վրա են հասել հենց մեր անպատրաստվածության հետեւանքով:

Հ.Գ. Այս մտքերը ծնվեցին մի քանի ժամ էլեկտրականություն ու հեռախոսային կապ չունենալու ընթացքում:

Թամարա Գրիգորյան

Լրահոս
Կարծում եմ՝ էլի կգան ժամանակներ ու նույն կերպ կտոնենք. Սեյրան Օհանյան (տեսանյութ) Քաղաքացիները պահանջում են Արցախը կապիտուլյացիայի ենթարկած իշխանության հրաժարականը. ՈՒՂԻՂ Մենք ասում ենք՝ Նիկոլը դավաճան է, պետք է հեռանա, նա իր «ուսապարկերին» է ուզում հեռացնել, որ մնա իր պաշտոնին «Պուտինն անհապաղ կստորագրի ՌՀՍ պայմանագրի երկարաձգման մասին համաձայնագրի վավերացման օրենքը». Պեսկով ԵԽԽՎ-ն հաստատել է ռուսական պատվիրակության լիազորությունները Փաշինյանն ԱԺ–ն է տանում լուծարման, որ այդ կերպ վերարտադրվի․ Ի․ Սաղաթելյան Բոլորիս ջանքերով մեր բանակը նորից վեր է հառնելու և ցույց տալու աշխարհին իր ուժը․ Վազգեն Մանուկյան Հաղորդում հանցագործության մասին` ՀՀ գլխավոր դատախազ Արթուր Դավթյանին Հադրութում ԱԱԾ-ն իմ մարտական ստորաբաժանումը զինաթափեց պատերազմի ամենաթեժ պահին, և ինձ տեղափոխեցին Երևան. Արթուր Այվազյան (տեսանյութ) ԵՊՀ գրադարանի ընթերցասրահն անվանակոչվել է Շուշիի մարտերում զոհված Գևորգ Արշակյանի պատվին. ՈՒՂԻՂ Նիկոլին հարցրեք. Յուրի Խաչատուրովը՝ պատերազմում պարտվելու պատճառների մասին հարցին ի պատասխան (տեսանյութ) Հայաստանում հաստատվել է կորոնավիրուսով վարակվելու 242 դեպք Արցախի Մարտունու և Ջրականի հատվածներից հայտնաբերվել է ևս 3 զինծառայողի աճյուն Արթուր Վանեցյան. Շրջադարձային հունվարի 28 Սերժ Սարգսյան. Հայո՛ց բանակ, դու նույն ուժեղն ես, և թող ոչ ոք չհոխորտա, թե քեզ հաղթել է Ես հավատում եմ Հայի հավիտենականությանը, որ Հայն է Հայքի տերը և Հայն էլ կմնա․․․ Մեր դիրքորոշումներում ու համոզումներում ոչինչ չի փոխվել. Վեհափառը՝ Նիկոլ Փաշինյանի հրաժարականի պահանջի մասին. ՏԵՍԱՆՅՈՒԹ «Ժողովուրդ». ՀՀ-ում ՌԴ դեսպանն ակտիվացել է․ հանդիպումներն իրականում տողատակ ունեն «Փաստ». Սահ­ման­նե­րը բաց­ե­լու լու­րը ոգև­ո­րել է հա­զա­րա­վոր հա­յաս­տան­ցի­նե­րի «Ժողովուրդ». «Իմ քայլում» խուճապ է «Ժողովուրդ». Մեկ միլիոն դրամ աշխատավարձ ստացող դատավորների թիվը կավելանա մեր երկրում «Փաստ». Առաջիկա ամիսներին ՀՀ-ում կտրուկ աճելու է ռուսական «փափուկ ուժի» կիրառման գործընթացը «168 ժամ». Իշխանության ստրուկն ու ստրուկի իշխանությունը «Հրապարակ». «Անցանկալի» համայնքապետերն իրենցից ազատվել ցանկացող կառավարության դեմ կոնտր քայլ են արել «Փաստ». Իշխանությունը դատական համակարգը փորձում է դարձնել քաղաքական կցորդ «Փաստ». Նրա աչքին ամենուր դավադրություններ են ու դավադիրներ․ ո՞վ է նա, ի վերջո ՕՐՎԱ ԽՈՐՀՈՒՐԴԸ: Հունվարի 28 Նախագահի հրամանագրով Տիգրան Հարությունյանը նշանակվել է ԱԱԾ տնօրենի տեղակալ Մտավորականների զգալի մասը ևս պետք է միանա ապստամբությանը, Փաշինյանի հրաժարականը կպարտադրենք. Սերժ Սրապիոնյան ՀՀ ԱԺ նախագահը, պատգամավորները պատերազմի օրերին Արցախ գնացել են որպես աշխատանքային այց, ստացել գումար Արմելլա Շաքարյանը նշանակվել է Մեքսիկայում ՀՀ դեսպան Ն․ Զոհրաբյանը զեկույց կներկայացնի ԵԽԽՎ-ում Հայրենիքի փրկության շարժումը համախոհության հասնելու ճանապարհային քարտեզի առաջարկ է անում. հայտարարություն Սերգեյ Լավրովն ու Արա Այվազյանը քննարկել են ԼՂ շուրջ հայտարարությունների իրագործումը. ՌԴ ԱԳՆ «ԼՂ-ի շուրջ ՌԴ-ի, Ադրբեջանի և Հայաստանի պայմանավորվածությունները հետևողականորեն իրագործվում են»․ Պուտին Մեր կարմիր գիծը Հայաստանի տարածքային ամբողջականությունն է. Իրանի ԱԳ նախարար Պուտինը Դավոսի համաշխարհային տնտեսական համաժողովում կոչ է արել մարդասիրական օգնություն ցուցաբերել Արցախին Առաջիկայում «Հայրենիք» կուսակցությունը կձևավորի կանանց ու երիտասարդների ավելի կուռ խորհուրդներ ՀՀ տարածքում ջերմաստիճանը կբարձրանա Ի՞նչ են նախատեսել Փաշինյանի համար Արևմուտքում ու Ռուսաստանում․ Հայաստանին սպառնացող վտանգները․ Երվանդ Բոզոյան
Խմբագրի ընտրություն
website by Sargssyan