AM | RU
USD
EUR
RUB

Ուկրաինական հակամարտության որոշ կողմերի մասին

 

Ուկրաինայի նախագահ Պ. Պորոշենկոն օրերս հայտարարեց, որ երկրի արևելքում ընթացող «հակաահաբեկչական» ռազմագործողությանն ընդգրկված ուկրաինական ստորաբաժանումներն այլևս որևէ կերպ սահմանափակված չեն հրադադարի մասին նախկինում ձեռք բերված պայմանավորվածությունները պահպանելու անհրաժեշտությամբ: Նախագահի հայտարարությունից հետո Ուկրաինայի ապստամբած արևելքում հակամարտությունը բորբոքվեց նոր թափով: Ռազմագործողության գոտում երևացին 9Կ57 «Ուրագան» ռեակտիվ հրթիռային համալիրներ և Սու-24 ռմբակոծիչներ: Ռուսական հեռուստաալիքները սկսեցին ցուցադրել հիմնիվեր ավերված տների պատկերներ ու զոհված խաղաղ բնակիչների արնաշաղախ դիակները:

Սակայն թեժացող հակամարտության տարբեր կողմերին աջակցող ՌԴ և ԱՄՆ ղեկավարների վերջին հայտարարությունների ու գործողությունների վերլուծությունը հուշում է, որ նրանք կարծես թե ձեռք են բերել որոշակի պայմանավորվածություններ: ՌԴ նախագահ Վ. Պուտինը Դաշնային Խորհրդին էր ներկայացրել Ուկրաինայում անհրաժեշտության դեպքում ռուսական զինուժի կիրառումն արտոնող որոշումը հետ կանչելու առաջարկ: Բացի այդ Ռուսաստանը խստացրել է վերահսկողությոնը Ուկրաինայի ապստամբած շրջանների հետ իր սահմանի նկատմամբ, ինչպես նաև ռուսական անցակետերում թույլատրել է ծառայություն իրականացնել ուկրաինացի սահմանապահներին: ԱՄՆ իր հերթին սկսել է խոսել Ռուսաստանի դեմ սահմանված տնտեսական պատժամիջոցների նկատմամբ եվրոպացի գործընկերների ունեցած էական վերապահումներին ըմբռնումով մոտենալու մասին, իսկ Ղրիմի թեման կարծես թե բոլորովին դուրս է եկել օրակարգից: Թվում է, թե Ղրիմը այն գինն է, որ Ուկրաինան ներքուստ պատրաստ է վճարել իր եվրոպական ասոցացման և ռուսական ազդեցության գոտուց դուրս գալու համար, իսկ Ռուսաստանը Ղրիմի դիմաց կարծես թե հատուցում է Ուկրաինայի կորստով:

Ուկրաինական հակամարտությունը հետաքրքրություն է ներկայացնում նաև արցախյան հակամարտության հետ հնարավոր աղերսների տեսանկյունից, հակամարտության վերլուծությունը հնարավորություն է տալիս կատարել մեզ առնչվող որոշակի եզրահանգումներ :

1. Եվրոպական պետությունը իր արյունակից և հավատակից քաղաքացիների բողոքը ճնշելու համար կիրառում է ԶՈՒ բոլոր հնարավորությունները, այդ թվում՝ ծանր փողային և ռեակտիվ հրետանի ու ռազմաճակատային ավիացիա՝ ռմբահարելով ապստամբած շրջանների բնակավայրերն ու տնտեսական ենթակառուցվածքը, ինչը խրախուսվում է իրենց ժողովրդավարական արժեքների տարածման ու մարդու իրավունքների պահպանման երաշխավոր հռչակած պետությունների կողմից: Այսինքն՝ ղարաբաղյան հակամարտության գոտում Ադրբեջանի կողմից մարտական գործողությունների վերսկսման համար անհրաժեշտ ռազմական (ռազմական հավասարակշռության էական փոփոխություն հօգուտ Ադրբեջանի) և արտաքին-քաղաքական (գերտերությունների համաձայնություն) նպաստավոր գործոնների առկայության դեպքում այդ հանրապետության ռազմաքաղաքական ղեկավարությունը իր տնօրինած բոլոր ռազմատեխնիկական միջոցները ուղղելու է ոչ այնքան հայկական բանակի ստորաբաժանումների, այլև ԼՂՀ ողջ ազգաբնակչության դեմ՝ փորձելով հայաթափել Արցախը:

2. ՄԱԿ-ի դերը գրեթե հավասարվել է զրոյի: ՄԱԿ-ի բանաձևերը փաստացիորեն ունեն միայն խորհրդատվական կամ նույնիսկ խորհրդանշական արժեք: Այսինքն՝ արցախյան հակամարտության ակտիվ մարտական գործողությունների փուլի վերսկսման դեպքում հակամարտության կողմերը համարձակորեն կարող են անտեսել միջազգային հանրության արձագանքը: Տարբեր կառույցների ընդունած բանաձևերը, հայտարարությունները, որոշումները, եթե ամրապնդված չեն դրանք կյանքի կոչելու հարցում կենսականորեն շահագրգռված գերտերությունների ռազմական ուժով, հակամարտության ընթացքի վրա չեն կարող ունենալ որևէ ազդեցություն:

3. Հակամարտող կողմերի հաստիքապաշտոնային կազմում տեղեկատվական ստորաբաժանումների ստեղծումը, լրագրողների դեմ ընթացող իսկական որսը հուշում են, որ ինչպես 20-րդ դարի վերջի և 21-րդ դարի բոլոր հակամարտություններում, այնպես էլ ուկրաինական հակամարտությունում կողմերի միջև լուրջ պայքար է ընթանում տեղեկատվական գերիշխանության համար: Ուկրաինական կողմը փորձում է հասնել տարածաշրջանի տեղեկատվական մեկուսացմանը՝ հետապնդելով հետևյալ նպատակները:

ա) ցույց տալ աշխարհին, որ ուկրաինական բանակը գործում է ոչ թե Դոնբասի բնակչության, այլ ՌԴ կողմից հովանավորվող ,,անջատողական-ահաբեկչական խմբավորումների,, դեմ

բ) ստեղծել տպավորություն, որ ուկրաինական բանակը հարվածում է բացառապես նախօրոք հետախուզված ռազմական թիրախներին:

գ) համոզել, որ խաղաղ բնակչության դեմ պատերազմական հանցագործություններ կատարում են «անջատողական-ահաբեկչական խմբավորումները»

դ) ձևավորել կարծիք, որ ,,անջատողական-ահաբեկչական խմբավորումները,, զինվում, ֆինանսավորվում և ուղորդվում են Ռուսաստանի կողմից

Այդ քարոզչական թեզերին արժանահավատություն հաղորդելու նպատակով ըստ ռուսական մամուլի ուկրաինական կողմը դիմում է հատուկ տեղեկատվական-հոգեբանական գործողությունների՝ տարբեր ուժային կառույցների զգալի միջոցների ներգրավմամբ:

Ակնհայտ է, որ Արցախում պատերազմական գործողությունների վերսկսման դեպքում, տեղանունների և հակամարտող կողմերի անվանումների փոփոխություն կատարելով, վերոհիշյալ քարոզչական թեզերը փորձելու է կիրառել նաև Ադրբեջանը՝ ձգտելով քողարկել իր հայատյաց գաղափարախոսությունից անխուսափելիորեն բխող պատերազմական հանցագործությունները:

Ուկրաինական հակամարտությունը հերթական անգամ ապացուցում է, որ խոշոր տերությունների աշխարհաքաղաքական շահերի բախման դեպքում նշանակություն են ստանում բացառապես սեփական շահերն ու ռազմական նպատակահարմարությունը: Այս համատեքստում բացարձակապես ակհայտ է, որ ինչպես և նախկինում, այնպես էլ հիմա հայ ժողովրդի ազգային անվտանգության գլխավոր երաշխավորը մարտունակ, իր առջև դրված խնդիրները կատարելու ունակ հայոց բանակն է:

 

Սուրեն ՍԱՐՈՒՄՅԱՆ

 

Լրահոս
ՈւՂԻՂ․ Դիմադրության շարժման երթն ու հանրահավաքը՝ Ֆրանսիայի հրապարակում Բլոգեր Միքայել Բադալյանը կալանավորվել է Միջադեպեր հրահրելու գործում ուղիղ առնչություն ունի ԱԱԾ պետական պահպանության ծառայության պետը․ Աբրահամյան Դատարանը մերժել է Ռոբերտ Քոչարյանի խափանման միջոց գրավը փոխելու միջնորդությունը Փաշինյանը ԱՄՆ պետքարտուղարի հետ զրույցում տպավորություններն է կիսել Բրյուսելում տեղի ունեցած եռակողմ հանդիպման վերաբերյալ Ութ անձ ձերբակալվել է՝ առանձնապես խոշոր չափերով գողություն կատարելու կասկածանքով․ տեսանյութ Երևանում 37-ամյա տղամարդը կտրել է ձեռքերի երակներն ու պարանոցը Դոլարի, եվրոյի և ռուբլու փոխարժեքը՝ հայաստանյան բանկերում Արագած Ախոյանին մեղադրանք է առաջադրվել ՀՀ իշխանությունը Ալիևի հռչակած «Զանգեզուրի միջանցքը» «Հայկական խաչմերուկ» է կոչում՝ փորձելով խաբել ժողովրդին Մեզ վախկոտ ու դավաճան դիպլոմատներ պետք չեն, շուտով Նիկոլի հետ կլքեն այս շենքը. Տիգրան Քոչարյան 32-ամյա տղամարդը հրացանով կրակել է 20-ամյա կնոջը Կարմիր բերետավորները բիրտ ուժ են կիրառում ԱԳՆ շենքի մոտ գտնվող ցուցարարների նկատմամբ ԱԳՆ փոխնախարարը հրաժարվեց ասել, որ «Արցախը չի լինելու Ադրբեջանի կազմում» ԶՈՒ ԳՇ պետի տեղակալի «նահանջ» հրամանի հետևանքով 5 անձ գերեվարվել է, 12-ը՝ զոհվել, 24-ը՝ անհետ կորել 5 րոպե ունեք, կողմնորոշվե՛ք․ ընդդիմադիրները ժամանակ տվեցին ԱԳՆ դուռը բացելու համար Նիկոլի ու Ալիևի ցանկացած պայմանավորվածություն, իմացեք, որ առ ոչինչ է․ Իշխան Սաղաթելյան Արսենին պայքարից չեք կարողանալու հետ պահեք, նրա պայքարը հանուն Հայաստանի է, հանուն Արցախի է և հանուն հայի է․ Վանեցյան ՔԿ-ի քննիչները «Հայրենիք» կուսակցության անդամ Արսեն Նիկողոսյանի բնակարանում փնտրում են թմրանյութ․ Բաբայան Սրանք հային չեն ծառայում. ընդդիմությունը ճեղքեց ոստիկանական շղթան՝ փակելով ԱԳՆ մուտքերը ՈւՂԻՂ. Ընդվզման ակցիա Երևանում ՈւՂԻՂ․ Ընդդիմության անհնազանդության ակցիան Առավոտից խուզարկություններ են ընթանում ՀՀԿ-ականների տներում Այս պահին ոստիկանությունը խուզարկություններ է իրականացնում ՀՅԴ անդամների բնակարաններում․ Սաղաթելյան Մայիսի 24-ին Երևանի և 8 մարզերի որոշ հասցեներում մի քանի ժամ լույս չի լինի Այլևս ակնհայտ է, որ Արցախը պարտադրված է պայքարել երկու ճակատով․ Սենոր Հասրաթյան Նիկոլ Փաշինյանը, հանուն սեփական աթոռի պաշտպանության, Հայաստանն ու Արցախը հանել է աշխարհաքաղաքական աճուրդի. հայտարարություն Փաշինյանի որոշմամբ ստեղծվել է ՀՀ-ի և Ադրբեջանի միջև սահմանազատման հարցերով հանձնաժողով Ալիևը Հայաստանի հետ սահմանի սահմանազատման պետական հանձնաժողով է ստեղծել Մխիթարյանն ու Դիբալան իտալական ակումբի առաջնային տրանսֆերային նպատակներն են․ Gazzetta dello Sport «Արցախն ապրում է» մշակութային փառատոնի շրջանակում Արցախում առաջին անգամ էկրան բարձրացավ «Օլիմպիկոս» ֆիլմը Ադրբեջանի կազմում որևէ կարգավիճակ անընդունելի է․ Արցախի նախագահի խոսնակ Թալինում հիմնվել է 7,5 հեկտար տարածք զբաղեցնող արևային ֆոտովոլտային էլեկտրակայան Սյունիքում բացահայտվել է պոռնկությամբ զբաղվելուն նպաստելու դեպք․ մեկ կին ձերբակալվել է․ տեսանյութ Դոլարի, եվրոյի և ռուբլու փոխարժեքը` հայաստանյան բանկերում ՔՊ-ական պատգամավոր Անուշ Բեղլոյանը հրաժարականի դիմում է ներկայացրել Առավոտյան՝ 08:00-ին բոլորս պետք է լինենք Ֆրանսիայի հրապարակում. միասին կարևոր անելիք ունենք Կախված վիճակում հայտնաբերված 11-ամյա երեխան փորձել է ընդամենը ճոճանակ սարքել Ընդդիմությունն այսօր հանրահավաք ու երթ չի անի. ծրագրով այդպես է նախատեսված Շառլ Միշելի հայտարարությունից պարզ է դառնում, որ Արցախի կարգավիճակը Փաշինյանը պատկերացնում է Ադրբեջանի կազմում
Խմբագրի ընտրություն
website by Sargssyan