AM | RU
USD
EUR
RUB

Նարինե Աղաբալյան. «Մեր կարող ուժը, մեր ստեղծագործողն ու արարողը մեր երիտասարդներն են»

 

«Արցախ Երիտֆորում» ծրագիրն իրականացվում է 2011 թ.-ից: Ծրագրի նպատակն է համախմբել երիտասարդներին եւ խրախուսել նախաձեռնողականությունը հատկապես գյուղական համայնքների երիտասարդների շրջանում»: Օրերս Քարվաճառում տեղի ունեցած «Արցախ Երիտֆորում 2014» ծրագրի ընթացքում Times.am-ի թղթակցի հետ զրույցում այս մասին նշեց Արցախի Հանրապետության մշակույթի եւ երիտասարդության հարցերի նախարար Նարինե Աղաբալյանը:

Ըստ տիկին նախարարի, մեր ոգին ու մեր երիտասարդությունը մեր կարեւորագույն ռազմավարական ռեսուրսներն են, եւ այդ ոգին պիտի մշտարթուն լինի:

«Մեր կարող ուժը, մեր ստեղծագործողն ու արարողը մեր երիտասարդներն են», ընդգծեց Մշակույթի եւ երիտասարդության հարցերի նախարարն ու հավելեց, որ ցավոք, նրանցից շատերն այսօր սպասողական վիճակում են: «Եթե անգամ կան ինչ-որ գաղափարներ, իրենք դժվարանում են կատարել առաջին քայլը, չգիտեն, թե ինչից է պետք սկսել: Եւ կարիք կա երիտասարդներին ուղղորդելու»: Երիտասարդներին ակտիվացնելու նրանց նախաձեռնողականությունը զարգացնելու նպատակով էլ Մշակույթի եւ երիտասարդության նախարարությունն սկսել է իրականացնել «Արցախ Երիտֆորում» ծրագիրը:

«Ուսումնասիրությունները ցույց են տվել, որ երիտասարդների մեծ մասն ընդհանրապես տեղյակ չի պետության կողմից իրականացվող ծրագրերի մասին, մենք որոշեցինք նաեւ այս ձեւաչափն օգտագործել' նրանց այդ մասին տեղեկացնելու համար: Եւ մենք ամեն անգամ հրավիրում ենք տարբեր ոլորտներից մասնագետների, նրանք ներկայացնում են կոնկրետ իրենց ոլորտը եւ պատասխանում են հենց երիտասարդներին հետաքրքրող հարցերին», նշեց նախարարն ու ընդգծեց, որ ծրագիրն արդյունավետ է: «Տարիների փորձը ցույց է տվել, որ արդյունավետ մոդել է, եւ արդեն մեր ծրագրի արդյունքում ի հայտ ենք բերել մի շարք երիտասարդների, ովքեր իրենց համայնքներում զարգացման ծրագրեր են իրականացնում»:

Ըստ Նարինե Աղաբալյանի, ոչ միայն «Արցախ երիտֆորում»-ը, այլեւ նախարարության իրականացրած բոլոր ծրագրերը, ոչ ֆորմալ կրթության ծրագրերը նույն ուղղվածությունն ունեն: «Այսինքն, հնարավորություն տալ երիտասարդներին կատարելագործվելու, փորձելու իրենց ուժերը իրենց հնարավորություններին ու պահանջներին համապատասխան»: Տիկին Աղաբալյանը տեղեկացրեց, որ նախարարությունը երիտասարդներին օգնելու համար նաեւ նպատակային դասընթացներ է կազմակերպում:

«Զբաղվածության խնդիրը պայմանավորված է ոչ այնքան նրանով, որ չկան աշխատատեղեր, այլ նրանով, որ այսօր մասնագետները չեն համապատասխանում աշխատաշուկայի պահանջներին: Մենք աշխատանքներ ենք իրականացնում նաեւ մասնագիտական կողմնորոշման ուղղությամբ, որպեսզի արդեն դպրոցում աշակերտները հաշվի առնեն մեր երկրի զարգացման ուղղությունները եւ ըստ այդմ փորձեն իրենց ուժերը դրսեւորել այդ ոլորտներում: Ճիշտ է, մենք այսօր ասում ենք, որ Արցախը չճանաչված երկիր է, սահմանափակումներ կան եւ այլն, բայց իրականում 21-րդ դարում որեւէ սահմանափակում չկա, 21-րդ դարում տեղեկությունը հասանելի է բոլորին, եւ միակ խոչընդոտը կարող է լինել լեզվի չիմացությունը: Հաճախ չիմանալով օտար լեզու' երիտասարդը չի կարողանում օգտվել այն հնարավորություններից, որ տալիս է համացանցը»: Ըստ մեր զրուցակցի, զբոսաշրջությունը պետության գերակա ուղղություններից մեկն է. վերջինս ենթադրում է նաեւ սպասարման ոլորտի զարգացում, իսկ առանց լեզվի իմացության դա քիչ արդյունավետ է: «Օտար լեզուներ ուսուցանվում են դպրոցներում եւ բուհերում, բայց եթե գործնականում չեն օգտագործվում, սովորած գիտելիքները ոչինչ չարժեն: Այդ իսկ պատճառով մենք կազմակերպում ենք լեզվի կատարելագործման ճամբարներ, տարբեր հնարավորություններ ենք ստեղծում շփումների համար, նաեւ'առաջնորդական կարողություններն ենք փորձում զարգացնել, քանի որ մենք պետք է պատրաստենք վաղվա քաղաքագետներին, իշխանավորներին, պետական գործիչներին, արվեստի գործիչներին: Եւ նպատակային աշխատանք պետք է տարվի հենց այսօր»:

Խոսելով Արցախի շրջաններում մշակութային կյանքի ակտիվացման հեռանկարներից, նախարարը տեղեկացրեց, որ զարգացման կոնկրետ ծրագրեր կան: «Մենք նախաձեռնել ենք Մշակութային խաչմերուկ ծրագիրը, որը մրցույթ-փառատոն է Արցախի համայնքների միջեւ: Սա մի միջոց է' ակտիվացնելու մշակութային կյանքը: Որքան էլ նպատակային ծրագրեր իրականացվեն գյուղում, եթե տվյալ համայքնում շահագրգռված չլինեն, արդյունքը քիչ է լինելու: Մենք պետք է փորձենք խրախուսել, նաեւ' ստեղծել մրցակցային մթնոլորտ: Մշակութային խաչմերուկ մրցույթ-փառատոնի համար իրենք ամբողջ տարին պատրաստվում են, եւ սա էլ հենց ենթադրում է ակտիվ գործընթաց: Համայնքներում են իրականացվում նաեւ մշակութային ինքնության պահպանմանն ուղղված մի շարք ծրագրեր: Մենք փորձում ենք մեր ավանդույթներն ու ծեսերը պահպանել ու վերականգնել, ինչպես նաեւ' նոր տոներ ստեղծել: Օրինակ, մենք կազմակերպեցինք թոնրահացի փառատոն, նախատեսում ենք աղաթթվի տոնը, կորկոտի տոնը: Այսպիսով, թե´ մեր ազգային խոհանոցն ենք պահպանում, թե´ աշխուժացնում ենք մշակութային կյանքը համայնքներում»:

Նախարարը տեղեկացրեց նաեւ, որ շրջկենտրոններում սեպտեմբեր ամսից երաժշտական դպրոցները կվերակազմակերպվեն արվեստի դպրոցների, որպեսզի արվեստները մյուս ճյուղերը եւս զարգանան' կախված տվյալ գյուղական համայնքում առկա ներուժի:

Քանի որ շրջաններում հաճախ հանդիպող է մասնագետի պակասի խնդիրը, ՄԵ նախարարությունը պատրաստ է աջակցել, խրախուսել այն մասնագետներին, ովքեր ցանկանում են գալ ու աշխատել: «Մենք պատրաստ ենք պայմանագրային հիմունքներով ծրագիր իրականացնել: Ես այսօր Քարվաճառում տեսա հրաշալի երեխաներ, եւ եթե կլինի պարուսույց, ով ցանկություն կունենա գալ այստեղ եւ նրանց հետ աշխատել, մենք պատրաստ ենք պայմանագիր կնքել, միայն թե պայմաններ ստեղծենք զարգացման համար»:

Արցախի մշակույթի եւ երիտասարդության նախարարությունը կարեւորում է ինչպես մշակութային կյանքի ակտիվացումն Արցախում, այնպես էլ մշակութային Արցախն աշխարհին ներկայացնելը:
«Մշակութային միջազգային ինտեգրումը մեր կարեւորագույն ծրագրերից մեկն է, եւ տարբեր համույթներ Արցախից հաճախ են ելույթ ունենում արտերկրում: Ինչպես նաեւ, Արցախում իրականացվում են միջազգային սիմպոզիումներ' այդպիսով Արցախի մշակութային արժեքները հասանելի դարձնելով ողջ աշխարհին», ամփոփեց մեր զրուցակիցը:

Թամարա Գրիգորյան

Լրահոս
Մայիսի 24-ին Երևանի և 8 մարզերի որոշ հասցեներում մի քանի ժամ լույս չի լինի Այլևս ակնհայտ է, որ Արցախը պարտադրված է պայքարել երկու ճակատով․ Սենոր Հասրաթյան Նիկոլ Փաշինյանը, հանուն սեփական աթոռի պաշտպանության, Հայաստանն ու Արցախը հանել է աշխարհաքաղաքական աճուրդի. հայտարարություն Փաշինյանի որոշմամբ ստեղծվել է ՀՀ-ի և Ադրբեջանի միջև սահմանազատման հարցերով հանձնաժողով Ալիևը Հայաստանի հետ սահմանի սահմանազատման պետական հանձնաժողով է ստեղծել Մխիթարյանն ու Դիբալան իտալական ակումբի առաջնային տրանսֆերային նպատակներն են․ Gazzetta dello Sport «Արցախն ապրում է» մշակութային փառատոնի շրջանակում Արցախում առաջին անգամ էկրան բարձրացավ «Օլիմպիկոս» ֆիլմը Ադրբեջանի կազմում որևէ կարգավիճակ անընդունելի է․ Արցախի նախագահի խոսնակ Թալինում հիմնվել է 7,5 հեկտար տարածք զբաղեցնող արևային ֆոտովոլտային էլեկտրակայան Սյունիքում բացահայտվել է պոռնկությամբ զբաղվելուն նպաստելու դեպք․ մեկ կին ձերբակալվել է․ տեսանյութ Դոլարի, եվրոյի և ռուբլու փոխարժեքը` հայաստանյան բանկերում ՔՊ-ական պատգամավոր Անուշ Բեղլոյանը հրաժարականի դիմում է ներկայացրել Առավոտյան՝ 08:00-ին բոլորս պետք է լինենք Ֆրանսիայի հրապարակում. միասին կարևոր անելիք ունենք Կախված վիճակում հայտնաբերված 11-ամյա երեխան փորձել է ընդամենը ճոճանակ սարքել Ընդդիմությունն այսօր հանրահավաք ու երթ չի անի. ծրագրով այդպես է նախատեսված Շառլ Միշելի հայտարարությունից պարզ է դառնում, որ Արցախի կարգավիճակը Փաշինյանը պատկերացնում է Ադրբեջանի կազմում Երևանում հաստաբուն բարդին տապալվել է՝ վնասելով մի քանի ավտոմեքենա Կարսում ընթանում են թուրք-արդբեջանական զորավարժություններ Շատ քիչ ժամանակ ունենք Արցախի վերջնական հանձնումն ու Հայաստանի մասնատումը կանգնեցնելու համար Ի՞նչ իրավիճակում է Գորիս-Կապանի այլընտանքային ճանապարհը, որով հպարտանում է իշխանությունը․ տեսանյութ Շառլ Միշելի հայտարարությունից երևում է, թե ինչպես է ոմն կապիտուլյանտ, հանձնում քո հայրենիքը Կոտայքի մարզում 18-ամյա աղջիկը տան բակում հայտնաբերել է ծառից կախված 11-ամյա եղբոր դին Արա այ «ոչ մի բաներ», Եռաբլուրը աշխարհագրություն չի է՞, որ մենակ տեղն իմանալով տակից դուրս գաք ՈւՂԻՂ. Անհնազանդության ակցիա՝ մետրոյում Արցախը երբեք չի կարող մաս կազմել Ադրբեջանին. ՀՅԴ Եվրոպայի Հայ Դատի հանձնախումբ Գիշերը Ֆրանսիայի հրապարակում սադրանքի փորձ է արել դերասան Գնել Սարգսյանը Ջերմաստիճանը կնվազի 6-9 աստիճանով․ սպասվում է անձրև Ինչ պայմանավորվածություններ են ձեռք բերվել Բրյուսելում եռակողմ հանդիպման արդյունքներով․ մանրամասնել է Շառլ Միշելը ՈւՂԻՂ. Դիմադրության շարժման ավտոերթը Երևանի տարբեր հատվածներում Փաշինյան-Միշել-Ալիև հանդիպման արդյունքում պայմանավորվածություններ են ձեռք բերվել սահմանագծման հանձնաժողովի աշխատանքների մեկնարկի վերաբերյալ Արայիկ Հարությունյանի ելույթի ժամանակ «Երիտասարդի ձայն»-ի անդամները Արցախի դրոշով բարձրացան բեմ․ տեսանյութ Վաղն առավոտյան 8-ից «Դիմադրություն» շարժումն ավտոերթեր կիրականացնի․ Իշխան Սաղաթելյան․ տեսանյութ Ռուսաստանում «Сармат» միջմայրցամաքային բալիստիկ հրթիռները կանցնեն մարտական հերթապահության․ տեսանյութ Մայիսի 23-ին Երևանի և 6 մարզերի որոշ հասցեներում մի քանի ժամ լույս չի լինի «Մանչեսթեր Սիթի»-ն` Անգլիայի չեմպիոն ՈւՂԻՂ․ Բռնցքամարտի Եվրոպայի առաջնության բացման արարողությունը Բրյուսելում տեղի է ունենում Նիկոլ Փաշինյանի, Շառլ Միշելի և Իլհամ Ալիևի եռակողմ հանդիպումը Թշնամուն նվիրված հայոց Շուշիում փողոցներից մեկն անվանակոչվել է Քեմալ Աթաթյուրքի անվան Այսօր Շառլ Ազնավուրի ծննդյան օրն է. մեծն շանսոնյեն կդառնար 98 տարեկան Այսօր Բրյուսելում տեղի կունենա Փաշինյան-Միշել-Ալիև եռակողմ հանդիպումը
Խմբագրի ընտրություն
website by Sargssyan