AM | RU
USD
EUR
RUB

Շ.Թորոսյան. «Ջավախքցի որոշ ընդդիմադիր քաղաքական գործիչներ գտնվում են ձերբակալման վտանգի տակ»

 

Այսօր լրագրողների հետ հանդիպման ժամանակ «Ջավախք» հայրենակցական միության նախագահ, Հայաստանի Հանրապետական կուսակցության խմբակցության պատգամավոր Շիրակ Թորոսյանն անդրադարձել է ջավախահայության մի շարք խնդիրների:

Ջավախքում առկա հիմնախնդիրներից առաջնայինը, բանախոսի կարծիքով, շարունակում է մնալ աշխատատեղերի պակասը: Շ.Թորոսյանն այդ կապակցությամբ նշել է, որ իրենք բանակցություններ են սկսել Հայաստանում և արտերկրում բնակվող ծնունդով ջավախքցի գործարարների հետ, նրանց ներկայացրել են բիզնես ծրագրեր, որպեսզի վերջիններս ներդրումներ անեն Ջավախքում. «Դա իր հետ աշխատատեղերի ստեղծում կբերի, ինչն էլ կմեղմի սոցիալական լարվածությունը»:

Շ.Թորոսյանը նաև նշել է, որ սոցիալ-տնտեսական լարվածությունը տարածաշրջանում իր գագաթնակետին հասել է այն ժամանակ, երբ ռուսական բազան հեռացել է Ջավախքից: Նրա խոսքով, այդ ժամանակ Վրաստանի նախագահ Սաակաշվիլին հայտարարել է, որ իրենք կհատուցեն աշխատատեղերի պակասը՝ վրաց բանակի բոլոր մթերումները Ջավախքից իրականացնելով Ջավախքից, սակայն դա այդպես էլ չի իրականացել:

«Այսօր էժան կարտոֆիլ է ներկրվում Վրաստան, որով ջավախքցիները ստիպված են շատ էժան, ինքնարժեքից ցածր վաճառել իրենց կարտոֆիլը և տնտեսապես աննպատակահարմար է դառնում գյուղատնտեսությամբ զբաղվելը»,- շեշտել է պատգամավորը:

Նրա խոսքերով՝ կարևոր խնդիրներից է Ջավախքում լեզվի պահպանման հարցը. «Կրճատվել են հայոց լեզվի դասաժամերը, որի փոխարեն ավելացել են վրացերենի դասաժամերը։ Մենք դեմ չենք վրացերենին և եթե Ջավախքում չգիտեն վրացերեն, դա կրթական համայնքի մեղավորությունն է։ Սակայն անընդունելի է, որ դա արվում է հայոց լեզվի հաշվին»։

Մեկնաբանելով այն հարցը, թե ինչպես են իրենք պայքարելու ջավախահայության դեմ կիրառվող ճնշումներին՝ Շ.Թորոսյանն ասել է, որ իրենք հորդորելու են վրացական իշխանություններին դադարեցնել ճնշումներն ազգային փոքրամասնությունների նկատմամբ. «Մենք նաև աշխատելու ենք այս հարցը միջազգային հանրության համար բարձրացնել՝ մասնավորապես Եվրախորհրդում»։

Պատգամավորը տեսակետ է հայտնել, որ Վրաստանում ջավախահայերի նկատամամբ դատական հետապնդումները կարող են քաղաքական ենթատեքստ ունենալ։ Նրա փոխանցմամբ՝ ջավախքցի որոշ ընդդիմադիր քաղաքական գործիչներ գտնվում են ձերբակալման վտանգի տակ:
Որպես օրինակ՝ Շ.Թորոսյանը տեղեկացրել է, որ աշնանը կայանալիք խորհրդարանական ընտրություններում Ջավախքի ընդդիմադիր շտաբին հարող Գեորգի Մխչյանը կալանավորված է 2000-ական թվականների սկզբին հատկացված շենքի գործարքի հետ կապված անօրինականությունների գործով, իսկ Վրաստանի խորհրդարանի նախկին պատգամավոր Մելիք Ռաիսյանի՝ Ջավախքի ընդդիմադիր շտաբի պետի նկատմամբ նույն մեղադրանքով այսօր հարուցված է քրեական գործ և հայտարարված է հետաքննություն:

«Այդ շենքը տրամադրվել էր ընդդիմությանը և այս երկու անձինք մեղադրվում են, թե օրենքի խախտումներով է այս ամենը տեղի ունեցել: Գուցե դրա հիմքում իրական փաստեր կան: Սակայն երբ 2000-ականներին տեղի ունեցած գործարքների մասին տեղեկացվում է այսօր, երբ այսօր այդ մարդիկ ընդդիմադիր կեցվածք են ընդունել, կարելի է եզրակացնել, որ դատական հետապնդումները, փաստորեն, կարող են քաղաքական ենթատեքստ ունենալ»,- կարծում է պատգամավորը:

Իսկ այն հարցին, թե ինչպես կանդրադառնա Վրաստանի վարչապետի փոփոխությունը Ջավախքի հիմնախնդիրների վրա, Շ.Թորոսյանը նկատել է.«Շատ դժվար է միանգամից հետևություններ անել փոփոխությունների առումով: Ես չէի ասի, որ վարչապետն աչքի է ընկել Ջավախքի հիմնախնդիրների լուծման ուղղությամբ ձեռնարկված կոնկրետ քայլերով, նույնիսկ հակառակը: Բայց քանի որ նա ուժեղ անձնավորություն է և բարեփոխումների մեծ փորձ ունի, ապա կարծում եմ, որ Ջավախքի համար ևս նպաստավոր պայմաններ կարող են ստեղծվել»:

Անդրադառնալով «Հարսնաքար» ռեստորանում տեղի ունեցած միջադեպին՝ բանախոսը նկատել է, որ դա թողտվության հետևանքն է:

Ցավակցություն հայտնելով Վահե Ավետյանի մահվան կապակցությամբ՝ Շ.Թորոսյանը կարծիք է հայտնել, որ միջադեպը կարող է 2 պատճառ ունենալ. «Առաջին՝ անվատանգության աշխատակիցներն ուղղակի անհասկացող են և չեն գիտակցում իրենց արարքի լրջությունը, կամ էլ դա գալիս է թողտվության միջավայրից։ Չգիտեմ այս դեպքում որ գործոնն է եղել, բայց 2 դեպքում էլ պետք է պատիժ լինի»։

պատասխանելով հարցին, թե արդյոք ճիշտ է համարում Հայրապետյանի մանդատի վայր դնելը, պատգամավորն ասել է. «Մանդատի վայր դնելը Վահեին հետ չի բերի։ Չգիտեմ, թե ինչ է տալու դա։ Երբ մի իրավիճակ է լինում, ոը ստվեր է գցում տվյալ քաղաքական գործչի անվանը, ինքն է որոշում իր հետագա անելիքը՝ հեռանալ, թե ոչ»։

իսկ այն հարցին, թե ինչու Վահեի թաղմանը ոչ մի ՀՀԿ-ական ներկա չի եղել, Շ.Թորոսյանը պատասխանել է. «Ես տեղեկություն չունեմ, թե ով է մասնակցել, ով՝ ոչ։ Ես անձամբ չեմ մասնակցել, որովհետև մարզային հանդիպումների էի, և գտնվում էի մարզում։ Կարծում եմ, որ հասարակության բողոքը ի վերջո կբերի նրան, որ իշխանությունները լրջորեն կզբաղվեն նրանով, որ նման դեպքերը բացառվեն»։

 

Լրահոս
Ասուպը լուսավորել է Ավստրալիայի գիշերային երկինքը (տեսանյութ) Անցյալը ջնջելով նորը չես կառուցի. Իշխան Սաղաթելյան Լավրովը շնորհավորել է Մնացականյանին Բարեկենդան Վարագա Սուրբ Խաչին՝ վաղը Ադրբեջանական բանակում զոհ կա ՌԴ-ում ՀՀ ոստիկանության ներկայացուցիչ նշանակված Միհրան Դավթյանը չի հասել աշխատավայր՝ 2 օր անց ազատվելով աշխատանքից Երկուշաբթի օրվա հոսանքազրկումների մասին Վրաստանի արտգործնախարարը հայերենով շնորհավորել է Հայաստանի Անկախության տոնը Պետերբուրգում զանգվածային ծեծկռտուքին մասնակցել են նաև հայեր Մեկ օրում Սիրիա է վերադարձել ավելի քան 1400 փախստական Վայոց ձորի մարզպետ. Փորձում են որևէ կերպ ինձ ներգրավվել այդ գործի մեջ Հայկական թավիշը չգայթակղեց արտաքին աշխարհը։ Ի՞նչ սպասել Փաշինյանից այս տարի Մենք նպատակ չունենք մարդասպաններին վերադարձնել. Դավիթ Բաբայան Հայաստան է ժամանել Բելառուսի զինված ուժերի գլխավոր շտաբի պետը ՀՀ վարչապետ Նիկոլ Փաշինյանի ուղերձը Անկախության տոնի առթիվ Հայաստան, բոլոր մեր մտահոգությունները, երազներն ու ծրագրերը քեզ համար են. Վանեցյան Դիվերսանտներին ռազմագերիներով փոխանակելու հարցում Մնացականյանն ու Տոնոյանը նույն կարծիքն ունեն Թրամփն ու Փաշինյանն այսպես թե այնպես հանդիպելու են. Զոհրաբ Մնացականյան Ուկրաինան հրաժարվել է մասնակցել ԵԽԽՎ նստաշրջանին Ես Արցախ եմ հրավիրելու այս մրցանակներին արժանացած մեր հայրենակիցներին և նորից մեծարելու եմ նրանց. Բակո Սահակյան (տեսանյութ) Արցախի հերոս, գեներալ֊լեյտենանտ Մանվել Գրիգորյանի շնորհավորանքը Օդի ջերմաստիճանը կնվազի այնուհետև աստիճանաբար կբարձրանա Դավիթ Տոնոյանը` կոմայի մեջ գտնվող փոխգնդապետի մասին Մենք բոլորս երջանիկ ենք, որ մեզ բախտ է վիճարկվել վայելելու անկախության բերկրանքը. Վիտալի Բալասանյան «Հեղափոխական» տենդով քանդվում են պետության ինստիտուցիոնալ հիմքերը. ՀՀ երկրորդ նախագահ Անկախության 28-ամյակը՝ Գյումրիում Սինգապուրի վարչապետը պաշտոնական այցով կժամանի Հայաստան Առաջնագծում հայ դիրքապահների ուղղությամբ արձակել է շուրջ 1000 կրակոց Սեփական հասարակության մեջ բաժանարար գծեր քաշելը թշնամու կրակոցից վտանգավոր է. ես լավատես եմ. Սերժ Սարգսյան Վարչապետն ու նախագահը Եռաբլուրում զրուցում են իրենց դիետայի մասին, Փաշինյանը պատմեց, թե քանի կիլո է չաղացել Մտքեր անկախության մասին ՀՀ 28 տարիների անկախությունը հնարավորություն է ընձեռել դառնալ միջազգային հարաբերությունների լիիրավ սուբյեկտ. ՍԴ նախագահ Գարեգին Երկրորդ. Արդար ու բարի, հայրենաշեն գործերով պիտի վկայենք, որ արժանի ենք անկախ պետականությանը Հայաստանը վստահորեն քայլում է պետականության ամրապնդման ճանապարհով. Ալեքսանդր Լուկաշենկո Յուրաքանչյուր հայի պարտքն է՝ անել հնարավորը հայոց անկախ պետականության ամրապնդման համար. Բակո Սահակյան Անկախության տոնի առթիվ քաղաքական վերնախավն այցելել է «Եռաբլուր» (տեսանյութ) «Ժամանակ». Ովքեր են հովանավորում ՌԴ-ում ՀՀ ոստիկանության ներկայացուցիչ Միհրան Դավթյանին «Փաստ». Հրայր Թովմասյանի լիազորությունները դադարեցնելու հարցով փաստաթուղթը կազմողները «Ժողովուրդ». Գլխավոր դատախազի մորաքրոջ տղան ընկել է ԱԱԾ թակարդը «Հրապարակ». Ի՞նչ խնդիր ունի Փաշինյանը Թագուհի Թովմասյանի հետ
Խմբագրի ընտրություն
website by Sargssyan