Ադրբեջանի ռազմաօդային ուժերը երկինք են բարձրացրել թուրքական «Բայրաքթարներ»
Նմանատիպ
Ադրբեջանի պաշտպանության նախարարի հաստատած ուսումնական պլանի համաձայն՝ Ադրբեջանի ռազմաօդային ուժերի անօդաչու թռչող սարքերի (ԱԹՍ) ստորաբաժանումները ուսումնական վարժանքներ են անցկացրել: Այս մասին դեկտեմբերի 19-ին հայտնել են Ադրբեջանի ՊՆ-ից։
ԱԹՍ-ների միջոցով օդային հետախուզություն իրականացնելուց հետո սահմանված երթուղիներով որոշվել են պայմանական հակառակորդի ցամաքային թիրախների կոորդինատները: Այնուհետև դրանք ոչնչացվել են ճշգրիտ ավիացիոն հարվածներով։ Զորավարժությունների ընթացքում դրված բոլոր խնդիրները հաջողությամբ կատարվել են, նշել են ռազմական գերատեսչությունից:
Ադրբեջանի պաշտպանության նախարարության տարածած տեսանյութում երևում են թուրքական արտադրության կես տասնյակ «Բայրաքթար» հետախուզական-հարվածային անօդաչու թռչող սարքեր և դրանց հարվածները պայմանական հակառակորդի թիրախներին:
Հետևեք մեզ նաև Telegram-ում