Իրաքյան խմբավորումները հայտնել են Միջերկրական ծովում իսրայելական օբյեկտի խոցման մասին
23/12/2023 15:44
Նմանատիպ
«Իրաքի իսլամական դիմադրություն» կոալիցիայի կազմում գտնվող շիա զինված խմբավորումները դեկտեմբերի 22-ին հայտարարել են Միջերկրական ծովում իսրայելական կարևոր թիրախ խոցելու մասին:
«Ի պատասխան խաղաղ պաղեստինցիների, այդ թվում՝ երեխաների, կանանց և ծերերի զանգվածային սպանությունների, «Իրաքի իսլամական դիմադրության» մարտիկները մի քանի օր առաջ Միջերկրական ծովում հարձակվել են հատուկ նշանակություն ունեցող թիրախի վրա՝ կիրառելով համապատասխան զենք»,- այս մասին ասվում է կոալիցիայի Telegram-ալիքում:
Նշվում է, որ նախատեսված թիրախը հաջողվել է խոցել։ Հարձակման ենթարկված օբյեկտի բնույթի և հարվածի հետևանքների մասին տեղեկություններ չեն ներկայացվում:
Հետևեք մեզ նաև Telegram-ում