Ջերմոցային տնտեսությունների հաշվին կկրճատվի բանջարեղենի ներմուծումը Հայաստան

Հայաստանում շուրջ 80 հեկտար հողատարածքների վրա կառուցվել են նորագույն տեխնոլոգիաներով հագեցած ջերմոցային տնտեսություններ, որոնք մասնակիորեն կբավարարեն բանջարեղենի պահանջարկը Հայաստանում: Դրան զուգահեռ նախատեսվում է ավելացնել ջերմոցների քանակը, որպեսզի պետությունն ինքնաբավ դառնա բանջարեղենի առումով:

Լրագրողների հետ հանդիպման ժամանակ ՀՀ գյուղատնտեսության նախախարարի տեղակալ Սամվել Գալստյանը հայտնեց, որ գյուղատնտեսական այդ ճյուղի զարգացումը կարևոր է, որ ձմռան ամիսներին չկատարվի գյուղմթերքի ներկրում: «Ներկրված բանջարեղենի մեծ ծավալը սովորաբար խանգարում է մեր արտադրողներին, որ կարողանան կազմակերպել իրենց արտադրանքի իրացումը: Բացի այդ, ավելացնելով ջերմոցային տնտեսությունները, մենք կդառնանք ինքնաբավ պետություն` բանջարեղենի մասով և նույնիսկ կկարողանանք արտահանում իրականացնել»,- ասաց նա:

Խոսելով ջերմոցային տնտեսություններում բանջարեղենների բերքատվության մասին` փոխնախարարն ընդգծեց, որ նորագույն տեխնոլոգիաները թույլ են տալիս ավելի շատ բերք ստանալ: «Եթե նախկինում 1 քմ-ից ջերմոցատները ստանում էին 15-20 կգ բերք, ապա այժմ սպասվում է ինչև 50-60 կգ բերք»,- ասաց նա: