AM | RU
USD
EUR
RUB

Նոր խորհրդարանն իրեն չի կարող թույլ տալ նախկինի շռայլությունները…

Հարցազրույց ՀՅԴ Հայաստանի Գերագույն Մարմնի անդամ Իշխան Սաղաթելյանի հետ

-Պարոն Սաղաթելյան, մոտենում են ՀՀ խորհրդարանական ընտրությունները, և, բնականաբար, ակտիվանում է ՀՀ հասարակական-քաղաքական դաշտը, տարբեր ուժեր միավորվում են ,ձևավորվում են դաշինքներ: Ինչպիսի՞ն են լինելու ընտրապայքարի մեջ մտնող ՀՅԴ-ի մոտեցումներն ու քայլերն այս ուղղությամբ:

-2017թ. խորհրդարանական ընտրությունները նորանկախ ՀՀ-ի պատմության մեջ ամենաքաղաքականացված ընտրություններն են լինելու: Ընտրություններն անցկացվելու են նոր սահմանադրության պայմաններում, նոր ընտրական օրենսգրքով, ամբողջությամբ փոփոխված են ընտրությունների ձևն ու բովանդակությունը, նկատի ունեմ և' ընտրական համակարգը, և' բուն ընտրական գործընթացը: Նոր խորհրդարանը ոչ միայն ձևավորելու է կառավարությունը, այլև ապագայում ընտրելու է երկրի նախագահին:

Ընդհանրացնելով` նշեմ, որ խորհրդարանից է մեծապես կախված, թե ինչպիսին կլինի մեր երկրի վաղվա օրը, և այս ինստիտուտը երկրի ապագայի կերտման գործում իր վրա կրելու է մեծ պատասխանատվություն: Արդյունքում` եթե նախորդ խորհրդարաններն իրենց թույլ են տվել ունենալու անգրագետ, անտառաճանաչ, երբեմն` անսկզբունքային և անտեսակետ պատգամավորներ և քաղաքական ֆրակցիաներ, այս խորհրդարանն իրեն չի կարող նման շռայլություն թույլ տալ, որովհետև, նորից եմ կրկնում, երկիրն անցնում է կառավարման խորհրդարանական ձևի, և խորհրդարանի դերակատարումը երկրի ղեկավարման գործում լինելու է առանցքային:

-Ինչպե՞ս է ՀՅԴ-ն պատրաստվում ընտրություններին, ի՞նչ հնարավորություններ ունի, ինչպիսի՞ դիրքորոշումներ` քաղաքական դաշտի վերաձևավորումների, վերադասավորումների նկատմամբ:

-ՀՅԴ-ն իր ողջ ուժերով իրականացնում է բավականին մեծածավալ նախապատրաստական աշխատանքներ. արդեն ձևավորված են կենտրոնական և մարզային շտաբները, ենթաշտաբները: Այս առումով Դաշնակցությունը գրեթե դժվարություններ չունի, որովհետև ՀՅԴ ողջ հանրապետությունով մեկ ունի կուռ կազմակերպական կառույց, մարզային և քաղաքային կոմիտեներ, համայնքներում կուսակցական միավորներ: Եթե այսօր շատ քաղաքական կուսակցություններ ու դաշինքներ դեռևս նոր-նոր են փորձում ձևավորել գրասենյակներ կամ տարածքային միավորներ, ապա մենք այդ ճանապարհն անցել ենք դեռ 25 տարի առաջ: Այսօր մենք պարզապես փոխում ենք մեր աշխատանքային ռեժիմը՝ անցնելով նախընտրական շրջանին հատուկ գրաֆիկի: Իսկ ինչ վերաբերվում է մեր դիքորոշմանը մյուս քաղաքական ուժերի դաշինքներին,դրան կարող ենք անդրադառնալ այն ժամանակ երբ այդ ուժերը վերջնական ձևավորվեն և ձևակերպեն իրենց ասելիքը:

-Մենք գիտենք որ Դուք ակտիվ աշխատանքներ եք իրականացնում Գեղարքունիքի մարզում և լուրեր կան որ առաջադրվելու եք ռեյտինգային ցուցակով, այդյոք ճիշտ են այդ լուրերը:

-Ես ՀՅԴ Հայաստանի Գերագույն Մարմնի անդամ եմ, ՀՅԴ կենտրոնական շտաբի անդամ, համակարգում եմ Գեղարքունիքի մարզային շտաբի աշխատանքները:

Նշեմ, որ մարզային այս շտաբը համակարգում է Գեղարքունիքի մարզը, որը, ինչպես գիտեք, նոր ընտրական օրենսգրքով հանդիսանում է մեկ առանձին ընտրատարածք: Մարզում աշխատանքներն իրականացվում են բավականին արդյունավետ կերպով, ունենք արդեն ռեյտինգային ցուցակի նախնական տարբերակ, որտեղ ընգրկված են մեր հասարակության բոլոր շերտերից հեղինակավոր և հանրության շրջանում հարգանք վայելող անձինք` ուսուցչուհի, դպրոցի տնօրեն, ազատամարտիկ, պետական պաշտոնյա, գիտնական և այլն:

-Դուք քվեարկվելու եք:

-Այո, ես ևս մտադրություն ունեմ առաջադրվելու: Անշուշտ, վերջնական որոշումը կայացնելու է ՀՅԴ Հայաստանի Գերագույն Մարմինը: Անկախ իմ առաջադրվելու հանգամանքից մենք մարզում ունենք լավ մրցունակ թիմ, որը ակտիվորեն մտնելու է ընտրապայքարի մեջ` վստահ լինելով, որ ունենալու ենք զգալի հաջողություններ:

-Իսկ ո՞րն է Ձեր վստահության պատճառը:

-Մեր վստահությունը հենված է ինչպես մեր անցած ճանապարհի և այն թիմի վրա, որը տարիների ընթացքում ձևավորվել է Գեղարքունիքում, այնպես էլ խարսխված է Դաշնակցության կազմակերպական կառույցի և մեր ընկերների ունեցած բարձր հեղինակության վրա: Մենք ընկերներով ոչ թե իրար մրցակից ենք, այլ գաղափարական և կազմակերպական ամբողջություն, և մեզնից յուրաքանչյուրի հաղթանակը բոլորիս հաղթանակն է: Մենք այսօր ունենք շարժունակ, պատասխանատվության բարձր գիտակցումով օժտված թիմ, որտեղ յուրաքանչյուրը գիտի իր անելիքն ու գործառույթները:

-Հայտնի է, որ ՀՀ մարզերում կան բազմաթիվ հիմնահարցեր: Ի՞նչ է ակնկալելու ընտրողը ձեզնից, և ազգաբնակչությանը հուզող խնդիրների լուծման գործում ի՞նչ հնարավորություններ ունի ՀՅԴ-ն:

-Անշուշտ, դեռ ժամանակ ունենք այդ ուղղությամբ մեր տեսակետներն ու ծրագրերը ներկայացնելու համար, այդպիսիք, բնականաբար, մանրամասնորեն կան մշակված, և դրանք ամենատարբեր ձևերով կմատուցվեն հանրությանը: Ներկայումս մի բան կարող եմ ասել, որ մեր ծրագրերը լինելու են պարզ, հստակ, պարզաբանված և, ամենակարևորը, հիմնավորված: Այսինքն` մենք զերծ ենք մնալու պոպուլիստական հռետորաբանությունից, դատարկ լոզունգներից, կոչերից և այլն: Մենք շատ մատչելի կերպով ներկայացնելու ենք մեր անելիքները և ծրագրերը, որոնք պատրաստվում ենք իրականացնել հասարակության վստահության քվեն ստանալուց հետո: Սահմանադրության փոփոխությունները և անցումը դեպի խորհրդարանական համակարգի եղել է ՀՅԴ-ի 25-ամյա պայքարի առանցքում, բոլորը գիտեն, որ մենք ենք եղել այս ձեռքբերման ջատագովն ու աջակիցը, և սա մեր համար երկրի առջև ծառացած արմատական խնդիրների լուծման գործընթացում մի նոր սկիզբ է: Հետևաբար՝ մենք այս ընտրություններին վերաբերվում ենք շատ լրջորեն, շատ պատասխանատու կերպով և գտնում ենք, որ մենք ունենք լուրջ հնարավորություններ մեր ազդեցությունն առաջիկա խորհրդարանում կտրուկ մեծացնելու համար:

Հարցազրույցը վարեց Վահե ՍԱՐԳՍՅԱՆԸ

 

Լրահոս
«Գյումրի. սթրիթ-արթի օր». քաղաքի լքված պատերը նոր կյանք ու դեմք ստացան ԻՊ-ը ստանձնել է Քաբուլի մզկիթներից մեկում պայթյունի պատասխանատվությունը ՄԻՊ-ի աշխատակազմի թունիսցի հյուրերը այցելել են «Աբովյան» քրեակատարողական հիմնարկ ԵՄ-Արցախ համագործակցությունը պետք է դառնա Հարավային Կովկասում երկարատև խաղաղության հաստատման կարևոր գործոն. EuFoA-ի տնօրեն ՀՀ Նախագահն ընդունել է Լեհաստանի արտաքին գործերի նախարար Վիտոլդ Վաշչիկովսկուն Լեհաստանում տղամարդը դանակով հարձակվել է առևտրային կենտրոնի այցելուների վրա. մեկ մարդ զոհվել է ՀՀ ԱԳ նախարարը կայուն է համարում հայ-լեհական հարաբերությունների համապարփակ և բովանդակալից զարգացման հիմքը Միսնկում կայացել են հայ-բելառուսական տնտեսական օրակարգի շուրջ հանդիպումներ ՌԴ-ում արգելել են ադրբեջանցիների նկարահանած հակահայկական ֆիլմի ցուցադրությունը ԵՄ-ի երկրները թերահավատ են միությանը Թուրքիայի անդամակցելու հեռանկարների հարցում. Տուսկ Նախագահը հանդիպել է «Սահմանադրական դատարանների դերը սահմանադրական վեճերի հաղթահարման գործում» թեմայով խորհրդաժողովի մասնակիցների հետ Ուսանողները բողոքում են զինծառայության տարկետումը հանելու վերաբերյալ օրինագծից. Կրթության եւ գիտության նախարարությունը պատրաստ է քննարկել Սիրիայի առաջին տիկինը հյուրընկալել է հալեպցի հայուհի գործարարներին Վայոց ձորի մարզպետը ՀՀ վարչապետին է ներկայացրել հանձնարարականների կատարման ընթացքը Անկարայի հետ հարկավոր է «շատ կոշտ երկխոսություն» վարել. Մակրոն Թուրքմենական գազի գինը Հայաստանի համար շահավետ չի լինի. Աշոտ Մանուկյանը` թուրքմենական գազն Իրանի տարածքով ՀՀ հասցնելու մասին Աշոտ Մանուկյանը ներկայացրեց Իրանից գազն ուղիղ չգնելու պատճառները Աշոտ Մանուկյանը ներկայացրեց Իրանից գազն ուղիղ չգնելու պատճառները Աշոտ Մանուկյանն առաջիկայում էլեկտրաէներգիայի սակագնի բարձրացման նախապայմաններ չի տեսնում Արդարադատության նախարարը վրաց գործընկերոջ հետ քննարկել է իրավական ոլորտում համագործակցությունը խորացնելուն ուղղված մի շարք հարցեր ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ:Աշխատանքային այցով Վրաստանի մայրաքաղաք Թբիլիսիում գտնվող ՀՀ արդարադատության նախար... Հայերի դերակատարությունը կարեւորվում է լեհական պատմության մեջ. Էդվարդ Նալբանդյան Օդի միջին տարեկան ջերմաստիճանը պարբերաբար կբարձրանա Ապրիլյան պատերազմին մասնակցած եւ բարձր առաջադիմություն ցուցաբերած ԵՊՀ երեք ուսանողի հանձնվեցին կրթաթոշակներ Լեհաստանի արտգործնախարարը ներուժ է տեսնում հայ-լեհական համագործակցությունը ամենաբարձր մակարդակով զարգացնելու համար ՀՀ վարչապետը և ԱՄՆ դեսպանը կոռուպցիայի դեմ պայքարի ոլորտում համագործակցության հարցեր են քննարկել Նախագահների հանդիպումից հետո Ադրբեջանը շարունակում է խախտել հրադադարի ռեժիմը ԵՄ-Արցախ համագործակցությունը կայունացնող դեր կխաղա Հարավային Կովկասում տևական խաղաղության հաստատման գործում. Մասիս Մայիլյան Աշոտ Մանուկյանն անդրադարձել է Հայաստանում արևային էներգետիկայի զարգացման հնարավորություններին և հեռանկարներին Գեղարքունիքում համապետական շաբաթօրյակին կմասնակցեն 6 890 մարդ, 244 միավոր տեխնիկա ՀՀ Նախագահին հավատարմագրերն է հանձնել Դանիայի նորանշանակ դեսպանը Եկեղեցու բարեփոխման խնդիրը երբեք չի արվել հակադրությունների ճանապարհով. Տեր Վահրամը հակադարձել է Հրանտ Բագրատյանին Ադրբեջանի իշխանությունները փորձում են տապալել բանակցային գործընթացը ՀՀ պաշտպանության նախարարն ընդունել է ՀՀ-ում Կարմիր խաչի միջազգային կոմիտեի պատվիրակության ղեկավարին Հայաստան-ԵՄ համաձայնագրի վավերացման գործընթացը կարող է ավարտվել եկող տարի Բակո Սահակյանը Բրյուսելում հանդիպել է Արամ Ա կաթողիկոսի հետ Հայաստան-ԵՄ կնքվելիք համաձայնագրում ատոմակայանի փակման մասին խոսք չկա. Աշոտ Մանուկյան ԵՄ հետ ստորագրվելիք համաձայնագիրը չի հակասում ԵԱՏՄ շրջանակում Հայաստանի կողմից ստանձնած պարտավորություններին. ռուսաստանցի փորձագետ ԵՊՀ ուսանողները Բուտրոս-Բուտրոս Ղալիի անվան նորաբաց լսարանում կծանոթանան խաղաղության հաստատման գործում նրա մեծ ավանդին Կողմերի միջեւ վստահության բացակայության պարագայում ղարաբաղյան հակամարտության կարգավորումը բարդ է լինելու. ռուսաստանցի քաղաքագետ Հայ համայնքը պետք է կարողանա հասցնել եվրոպական էլիտաներին Ադրբեջանի հետ համագործակցության խնդրահարույց ասպեկտները. ռուսաստանցի քաղաքագետ
Խմբագրի ընտրություն
website by Sargssyan