Հյուսիային Կորեան բալիստիկ հրթիռի հերթական փորձարկումն է անցկացրել
Նմանատիպ
Հյուսիային Կորեան միջին հեռահարության բալիստիկ հրթիռի հերթական փորձարկումն է իրականացրել: Հրթիռի արձակումը հաստատել է ԱՄն-ի զինված ուժերի խաղաղօվկիանոսյան հրամանատարությունը, տեղեկացնոմ է «Արմենպրես»-ը՝ հղում անելով BBC-ին:
Ցամաքային բազավորման հրթիռն արձակվել է Կորեական թերակղզու արեւելյան ծովափի զինափորձարանից եւ շարժվել Ճապոնիայի ուղղությամբ:
Ամերիկացի զինվորականների տվյալներով՝ հրթիռը չի հասել Ճապոնիայի ջրատարածք եւ ընկել է Ճապոնական ծովի չեզոք ջրերում:
Հարավային Կորեայի պաշտպանության նախարարության տեղեկատվության համաձայն՝ թռիչքը շարունակվել է 9 րոպե, այդ ընթացքում հրթիռն անցել է մոտավորապես 60 կիլոմետր տարածություն:
Հյուսիսկորեական ռազմավարական զենքի հերթական փորձարկումը տեղի է ունեցել ԱՄՆ Չինաստանի նախագահ Սի Ցզինպինի այցից մեկ օր առաջ: Սպասվում է, որ ԱՄՆ-ի նախագահ Դոնալդ Թրամփի հետ ՉԺՀ-ի ղեկավարի բանակցությունների գլխավոր թեմաներից մեկը կդառնա Փենյանի հրթիռամիջուկային հավակնությունների զսպման խնդիրը:
Հետևեք մեզ նաև Telegram-ում