Իրանը պատրաստ է միջուկային գործարք կնքել ԱՄՆ-ի հետ

Իրանը պատրաստ է հավասար պայմաններով միջուկային գործարք կնքել ԱՄՆ-ի հետ: Այս մասին հայտարարել է Իրանի նախագահ Մասուդ Պեզեշքիանը:

«Ինչ վերաբերում է ԱՄՆ-ի հետ բանակցություններին՝ որոշակի շրջանակներում և ազգային շահերի պահպանման պայմանով, մենք պատրաստ ենք համաձայնության գալ, բայց եթե նրանք չցանկանան մեզ հետ հավասար պայմաններով գործարք կնքել, մենք կշարունակենք ընթանալ մեր ճանապարհով»,- նշել է Իրանի նախագահը:

ԱՄՆ-ի հետ բանակցությունների երկրորդ փուլից հետո նա կրկնել է Իրանի գերագույն առաջնորդ Ալի Խամենեիի հնչեցրած այն դիրքորոշումը, որ Թեհրանը բանակցությունները հոռետեսորեն է ընկալում և լավատեսություն չունի: