Ուկրաինան անմիջապես ԱՄՆ-ին պետք է հանձնի հազվագյուտ մետաղների հանքերը. Թրամփ

ԱՄՆ նախագահ Դոնալդ Թրամփը հայտարարել է, որ Ուկրաինան՝ Վլադիմիր Զելենսկու գլխավորությամբ, այդպես էլ չի ստորագրել հազվագյուտ մետաղների վերաբերյալ վերջնական գործարքը: Այս մասին Նա հայտնել է իր Truth Social սոցցանցում։

Թրամփն ընդգծել է, որ ստորագրությունն ուշացել է առնվազն երեք շաբաթով: ԱՄՆ նախագահը հույս է հայտնել, որ փաստաթղթերը կստորագրվեն անմիջապես:

Ապրիլի 24-ին Ուկրաինայի ֆինանսների նախարար Սերգեյ Մարչենկոն հայտարարել էր, որ Վաշինգտոնի և Կիևի միջև ընդերքի վերաբերյալ գործարքում առաջընթաց է գրանցվել, սակայն այն չի կնքվի այս շաբաթ:

«Դեռ կան առանձին հարցեր, որոնք մենք քննարկում ենք»,- նշել էր նա: