Պակիստանը պատրաստվում է Հնդկաստանի հետ հնարավոր ռազմական գործողություններին․ ANI

Պակիստանի ցամաքային զորքերն ու նավատորմը սկսել են նախապատրաստվել Հնդկաստանի կողմից հնարավոր ռազմական գործողություններին։ Այս մասին հաղորդում է ANI գործակալությունը:

Ըստ գործակալության աղբյուրի՝ Պակիստանի ռազմաօդային ուժերը կրճատել են թռիչքները ավելի քան 50%-ով, և իրականացնում են միայն անհրաժեշտ գործողություններ՝ օդային տարածքում խառնաշփոթից խուսափելու համար։

Հնդկաստանի և Պակիստանի միջև լարվածությունը սրվել է ապրիլի 22-ին Հնդկաստանի Ջամու և Քաշմիր շրջանի Պահալգամ քաղաքի մոտ ահաբեկիչների հարձակումից հետո: Մի քանի զինված անձինք կրակ են բացել զբոսաշրջիկների ուղղությամբ Բայսարան հովտում, որը հայտնի զբոսաշրջային վայր է:

Հարձակման պատասխանատվությունը ստանձնել է «դիմադրության ճակատ» կոչվող խմբավորումը, որը կապված է Ռուսաստանում արգելված «Լաշքար-ի-Թայբա»ահաբեկչական կազմակերպության հետ։ Ահաբեկչության հետևանքով զոհվել է 25 հնդիկ և Նեպալի մեկ քաղաքացի: