Թրամփը հանդիպել է Սիրիայի անցումային շրջանի նախագահի հետ

ԱՄՆ նախագահ Դոնալդ Թրամփը Սաուդյան Արաբիայում հանդիպում է ունեցել Սիրիայի անցումային շրջանի նախագահ Ահմեդ ալ-Շարաայի հետ: Սա երկու երկրների ղեկավարների առաջին հանդիպումն է եղել վերջին 25 տարվա ընթացքում։ Այս մասին հայտնել է Washington փոստ թերթը։

Ըստ տեղեկության՝ Սպիտակ տունը հայտնել է, որ Թրամփը համաձայնել է ողջունել Սիրիայի անցումային շրջանի նախագահ ալ-Շարաային Սաուդյան Արաբիա կատարած այցի ընթացքում:
Պարբերականի փոխանցմամբ՝ հանդիպումը տեղի է ունեցել Սաուդյան Արաբիայում՝ Պարսից ծոցի արաբական պետությունների համագործակցության խորհրդի ղեկավարների հետ Թրամփի հանդիպման ժամանակ:

«Թրամփը չորեքշաբթի հանդիպել է Սիրիայի անցումային շրջանի նախագահ Ահմեդ ալ-Շարաային։ Սա երկու երկրների ղեկավարների առաջին հանդիպումն է վերջին 25 տարվա ընթացքում»,- նշում է պարբերականը:

Էր-Ռիադում 2022 թվականին տեղի ունեցած վերջին նման գագաթնաժողովին բացի Պարսից ծոցի վեց երկրների առաջնորդներից, մասնակցել են նաև Եգիպտոսի, Հորդանանի և Իրաքի ղեկավարները։

ԱՄՆ-Պարսից ծոց գագաթնաժողովը տեղի կունենա Էր-Ռիադում։ Սա Թրամփի առաջին նման այցն է նրա երկրորդ պաշտոնավարման ընթացքում։ Թրամփի՝ թագավորություն այցի առաջին օրը, Սպիտակ տան տեղեկատվության համաձայն, ԱՄՆ-ն և Սաուդյան Արաբիան ստորագրել են ավելի քան 600 միլիարդ դոլարի համաձայնագրերի և ներդրումային պարտավորությունների փաթեթ, ինչը դարձել է երկու երկրների տնտեսական համագործակցության պատմության մեջ ամենամեծ գործարքը: